Matiu 23:4 - Vato Vari Vakameka Voru Ia Batu Ne

⁴ I gere ṉalu iri taru ze avarana basoe topuna pata maqata go na vagore go, do tanuqira iriki kaega vagoro tavisi na pata maqata nae.

Matiu 23:4 Referans Kwoze

Luka 11:46

Jesu iva taule ne valeke ne, “Manava sakata napu de qamu koe ramu vano vari vatatana na Tamana, qamu vazaria topu tamana ro i makuru qira basoero tarina lulua go. I gere qamu taruze pata maqata avara qira basoero, mana i makuru qira vapaqo na. Tanuqamu do qamu kasi vagoro tavisi qira.

Zazu Ria Apostoloro 15:10

Iago avigo tane qamu soko go pada ne na God? Muniki vatutubo qirae so vano iri vaogote go Jesu luluna Tamana dena, tanego kazigarata bana ro ita, mana ita ninidena, do qatiki lulu bana so kaega.

Qalesia 6:13

Do ria to, iri vazazu bana go kosi dena, do iriki lulua kaega Tamana. Iri soko so ramu mamu kosi go mara ria vazakanapu ne so, ramu qamu toqe ne go pata iri sine ne qamu go, qamu zazu ne ze go tokama qamu.

Matiu 23:23

Ramu vano vari vatatana na Tamana mana vano Parisio, muna miasoka, qamu vano poqepoqe! Qamu teke zaqe God osina vamanoga na, pata suka ro i gagaemana velake go patagege ne, qamu pala zego barue ro ramu. Do qamuki vaogote so kaega vari vatatana ia Tamana ro, gere na varitara ne pata ni ogoto, varinanao mana vatovato velaka. Pata suka ro dena to tamuna zazu kenaqa ne, do muniki nanao kasupe ne pataro lavata go.

Revaleson 2:24

Do osiqamu vano qamu koego komala Taetira qamuki lulua go kaega vari vatatana sakata dena mana qamuki nanao rove kaega pata iri vitoṉo ze go ‘seko pipika ia Satana’. Era tuniki tekene qamu kaega kaki pata makuru.

Zazu Ria Apostoloro 15:28

Spirit tabo i toqe tavise nanao remu go timuniki pala kaki pata i papala maqata mana taruze de qamu koego ramu, do kavia tamana dena to i tora go ramu tamuna lulua go.

Matiu 23:3

Iago osina pata iri sine go ria, muna vaogote mana lulua go. Do too mana vatovato ria muniki lulua. Iri vari vatatana ne topu na tamana, do tanuqira iriki lulua so kaega.

Kameka Jon 5:3

Tanego vaogotona mamaligara ita de ikoego God ne ina za sadaka me luluna tamanaro ia. Mana tamanaro ia iriki lete makuru qita kaega luluna.