Matiu 23:13 - Vato Vari Vakameka Voru Ia Batu Ne

^13-14 Jesu igo napu dena, “Ramu vano vari vatatana na Tamana mana ramu vano Parisio, muna miasoka! Qamu vano poqepoqe, tanego ramu to qamu midiki ne qira go basoero ne keba zana Too ikoego vari miasoka ia God. Ramu tanuqamu do qamuki nanao bana so kaega keba zana, mana qamu midiki ne qira basoero iri pada ne go vele keba zana go!

Matiu 23:13 Referans Kwoze

Luka 11:52

Manava sakata de qamu koego ramu vano vari vatatana na Tamana. Ramu qamu sida ne qira basoero kii na siporaṉa na pade ikoego tarove na seko ia God. Tanuqamu do qamu kasi keba zana, mana qamu vakaega qira ria iri pada ne keba zana.”

Matiu 23:29

Jesu igo napu dena, “Ramu vano vari vatatana na Tamana mana vano Parisio, muna miasoka! Qamu vano poqepoqe, qamu zazu va velavelake kukubo qira propeta ro mana qamu malemale kukubo qira basoero i velaka go too ria,

Matiu 23:27

Ramu vano vari vatatana na Tamana mana vano Parisio, muna miasoka, qamu vano poqepoqe! Qamu gere kukubo iri peda va kakase go, i mia velavelaka go kakamuna, do loborona i purake uri mana tokama noli na basoe i le go ikoego loborona bolu ne.

Matiu 23:23

Ramu vano vari vatatana na Tamana mana vano Parisio, muna miasoka, qamu vano poqepoqe! Qamu teke zaqe God osina vamanoga na, pata suka ro i gagaemana velake go patagege ne, qamu pala zego barue ro ramu. Do qamuki vaogote so kaega vari vatatana ia Tamana ro, gere na varitara ne pata ni ogoto, varinanao mana vatovato velaka. Pata suka ro dena to tamuna zazu kenaqa ne, do muniki nanao kasupe ne pataro lavata go.

Zazu Ria Apostoloro 8:1

Mana Sol i toqe ne vae vale na Sitivini. Torana musaqara ro nae eklesia i koe Jerusalema iri ko makuru, tanego basoero ne iri lete vasasakata ne qira, osiqira ria iri vaogote go Kristo ne iri soso tapero lupoe kena na Judia mana Samaria, do apostoloro ne so iri ko go.

Karua Timoti 4:15

Ono miasoka tane valeke nae, tanego i seko vasakate pataro qata vari vatatana nego ita.

Karua Timoti 3:8

Valekero iri zazu nego ia igogo ne de iri koego qolero ne, iriki soko kaega luluna seko ogoto ne, gere qiru Janis mana Jabresi, iruki soko go kaega Mosese. Basoero nae ne, i kaega ne qira nanao velaka, mana vaogoto ria i zaza sakata go.

Zazu Ria Apostoloro 13:8

Do valeke i va zazua manumanuru ia, vitoṉo va Qrik na valeke ne Elimasi ilete seko vari valegue de iru koego riru, go Qavuna ne mara kasi vaogote na God igo.

Zazu Ria Apostoloro 5:40

Iri koru vakeba qira apostoloro ne, iri sima qira mana iri sine ne qira, muniki ara seko ne vitoṉona Jesu iri vane qira, goto nae iri va talupasa qira.

Zazu Ria Apostoloro 5:28

“Remu qi teke ne qamu tamana makuru dena, muniki ara vari vatatana ne vitoṉo na valeke nae, do mia pata ro qamu zazu nego! Ramu qamu vagoe lupo ze vari vatatana ramu loborona ro Jerusalema, mana qamu soko ne vapala qemue remu, le na valeke nae.”

Tarama Velaka Ia Jesu Kristo I Karo Go Jon 9:34

Batubatu ria vano Jiu iri vane de ia, “Aro qo bulaṉoi, mana qo podo palua vasakata pata go, avigo tane qo soko go vatatana qemu remu na?” Gonae iri kakale vasiporo ze ia Pade Lotu ne.

Tarama Velaka Ia Jesu Kristo I Karo Go Jon 9:24

Gonae iri koru vaule napua valeke kodo ne varuana zaza, mana iri sine ne ia, “Vanadu ze pui aro de ikoego God, aro tono sine pata ogoto! Remu qi rove valeke i vamimia go aro i valeke vatovato sakata.”

Tarama Velaka Ia Jesu Kristo I Karo Go Jon 9:22

Go iru seko gogo dena vanovano ia valeke ne, tanego iru sareki ne qira batubatu ria vano Jiu, tanego batubatu ria vano Jiu dena, iri varitoqe bana ne, “Ṉalu ka basoe ivaogote Jesu i Mesia go, ria tarina va mamanava ze ia zae na Pade Lotu ne.”

Matiu 23:25

Ramu vano vari vatatana mana ramu vano Parisio, muna miasoka! Qamu vano poqepoqe, qamu va dalo kakamuna kapu mana ebata ro ramu, do loborona ne i purake poṉo, ianae i gere to too ramu tanego qamu vaqalo qira basoero ne mana qamu soko pala na topuna pata sauna tanuqamu go.

Matiu 3:7

Ṉalu Jon i mia topu qira ria vano Parisio mana vano Sadusi iri lama go mara ria bapitema iri go, ia i vane qira dena, “Ramu qamu gere dole, akena i sine qamu tamuna mazala go paqa nena muma ia God i garogaro go valame na?

Matiu 23:16

Ramu qamu kenaqa ne qira go basoero ne, muna miasoka! Qamu lete kodo, tanego qamu vatatana qirae basoero ne, qamu go, ‘Ṉalu kaki basoe i vanadua nanao na mana i odo odo e Pade Lotu, i pata volomo so qamu go, do ṉalu i vanadua nanao na mana i odo odo ne qolu i koego Pade Lotu, ianae to niki ara vae go basoe i zazu ne go odoodo ia,’ qamu go.