Matiu 2:6 - Vato Vari Vakameka Voru Ia Batu Ne

⁶ ‘Betelema kena na Judia, aro qoki lete muzi sivala ne qira kaega ria batu naro Judia, tanego de qo koego aro tina reqe me kakia batu tina kenaqa ne qira basoero era Izirel.’ ”

Matiu 2:6 Referans Kwoze

Tarama Velaka Ia Jesu Kristo I Karo Go Jon 7:42

Tanego Buka tabo ne i sine, “Mesia ne tina reqe me popodo ia batu lavata Davita, mana tina podo e Betelema, komala i ko banae go Davita.”

Revaleson 11:15

Vavituna aqelo ne i puqo kuvili ia, mana qa gata ovaṉa lavata i naki me tepa rani ne, iri go, “Karaputa tina kenaqa ne ze go kolabana pua ne i ke iato Batu God ita mana Mesia iago, mana iato tina kenaqa go osina ṉalu topuro ne!”

Matiu 28:18

Gonae Jesu i ziki garogaro qira, mana sine ne qira, “Osina karaputa na rani mana pua ne, i teke lupo nava era God.

Revaleson 2:27

Mazala tarina kenaqa ne ze go vudu ro ne, tarina va pela kerone karaputa ro, gere ṉalu qata puaka mumuzale go sareke pua ne.

Kolosia 1:18

Iato i kuzuku na go tokamana eklesia ne, mana iato i kutamana eklesia ne go. Iato i sale podo kenaqa ia i too kenaqa me tepa le, go tanuna so ia tina pala go de koko kenaqa. Sivala ne qira kero ne pataro.

Matiu 2:1

Jesu i podo e Betelema loborona pua na Judia, torana ko i vae batu lavata Erode. Taramuzina i podo go Jesu, kaki ria vano tarove iri lamae Jerusalema, iri reqeme tepa i keba me saṉa ne.

Epesus 1:22

God i taru ze polana makena Jesu osina pataro ne, mana i teke napu ne ia eklesia go tina kuzuku ne go, mana i Batu lavata sivala ne go osina pata ro go.

Tarama Velaka Ia Jesu Kristo I Karo Go Jon 21:16

Gonae Jesu i tana napu ne ia varuana zaza, igo, “Saimon Sale ia Jon, avigo qo mamaligara nava era ba?” Pita i vataule napu, igo, “Oveto Batue, aro qo rove, era qa mamaligara nigo.” Jesu i sine ne ia, “Ono miasoka velaka qira sipi ro era.”

Iburu 7:14

Osiqita qata rove Jesu i podo gome sinaqe ia Jiuda. Ṉalu Mosese i pepeu qira patere ro, iki pepeua so kaega kaki pata sauna sinaqe ia Jiuda.

Revaleson 7:17

Tanego Tunana Sipi ikoego vari loborina de kolokoloku ia Batu ne tina miasoka qira gerena valeke miasoka sipi, mana iato tina kenaqa qirae go besi vuala, tina teke ne qira go besi na too ogoto mana God tina qulaze sosone na mata qira, go tariniki ara maqata napu go kaega.”