Matiu 2:11 - Vato Vari Vakameka Voru Ia Batu Ne

¹¹ Mana ṉalu iri keba za pade ne, iri zamia qiru tamasina Maria, iri koloku tutuṉu iri vabatua Jesu, gonae iri papaqa pata vavagado ria, iri sosovolomo ne Jesu qolu, tala i nonoli velaka mana lodu i nonoli velaka ṉalu iri subia go.

Matiu 2:11 Referans Kwoze

Luka 2:16

Gonae iri katikili za mana iri za soba qiru Maria mana Josepo, mana iri mia sale medara ni kekele go loborona moki iri ura go.

Matiu 2:2

Iri lama tana, “Adepa to ikoego sale i podo go, tina batu lavata ria vano Jiu, remu qi mia domiri ia iza keba me tepa i keba me saṉa ne, qi lama go di vabatua ia qi go.”

Revaleson 19:10

Era qa koloku tutuṉu mana qa vabatua aqelo ne, do i sine nava, “Oniki vabatu ava era, tanego era qa basoe zazu gere go so aro, mana ria turamu ro iri pala taru vanadua go seko ogoto ni vasadake go Jesu. Iago ono vabatua so God.” Tanego seko ogoto i vasadake go Jesu, iato nae karaputa i tavisi ne qira go propetaro ne.

Matiu 14:33

Gonae disipoloro iri koego koluka ne iri vazaka Jesu. Iri go dena, “Pata ogoto bana, aro to qo Tuna go God!”

Revaleson 5:8

Torana i za pala go vivolo pepa ne Tunana Sipi ne, kavasi pata qaraqara too ne mana karabete kavasi kazigatata ro ne, iri soru kapate tarakenaqana Tunana Sipi ne. Osiqira iri vabatua ia mana iri pala pata nakinaki ro ria mana iri pala tarua ebata qolu ro iri vapuraka ze insenisi, ia dena i sauna to pepene ro ria basoero ia God.

Luka 2:38

I vavoto napua so ṉalu nae propeta Ana i lama doka, mana i seko velaka zaqe God, mana i pepeu ne qira ria iri piri nego God tina vakavele go Jerusalema.

Matiu 1:18

Iadena to de igo, i podo go Jesu Kristo. Sinana Jesu, Maria i tamatura Josepo, do kenaqana go ia iru ara busi go, Maria i pala ze sale ia de ikoego moqere ia Spirit tabo.

Matiu 2:10

Ṉalu iri mia go domiri ne, iri lete kula sivala.

Matiu 12:46

Ṉalu Jesu iara seko tabe qira basoero ne, sinana, mana kaena ro Jesu iri lama doka, iri degere meso peka ne mana iri lete soko seko tabe na ia.

Tarama Velaka Ia Jesu Kristo I Karo Go Jon 19:39

Nikodemus, i za mia bana go Jesu kaki kuse ne i lulua Josepo, ia i pala me torana pisaṉaulu kilo maqatana spaes i lomiri ze lodu nonoli go mana aloes go.