Matiu 16:21 - Vato Vari Vakameka Voru Ia Batu Ne

²¹ Tupi to ṉalu nae, Jesu i lete vatatana velaka qira disipoloro ia igo, “Era tuna za bana eso Jerusalema, tuna za pala ze vokara de iri koego vano kazigarata, vano batu ria patere ro mana vano vari vatatana na Tamana go. Tarina vae vale ava, do taramuzina so kapisa musaqara era tuna too napu me.”

Matiu 16:21 Referans Kwoze

Matiu 17:12

Do ma sine ne qamu, Ilaiza i lama bana to, do basoero ne iriki mia rove kaega ia, mana iri vasasakata ne ia, lulua so soko ria tanuqira. Mana tina gere napua so de tarina vane ava era Tuna basoe go.”

Matiu 27:63

mana iri sine ne ia, “Remu qi nanao tarua so seko i sine bana go valeke poqepoqe dena igo, ‘Taramuzina kapisa musaqara era tuna too ule napu me tepa le ne.’

Matiu 20:28

gere na era Tuna basoe qaki lama ne kaega go basoero tarina zazu nava, do qa lama go tuna basoe zazu ria basoero ne, mana teke too era go tuna voli vaule qirae sauna vasakata pata ro ria.”

Luka 17:25

Do kenaqana ne ia tina pala vokara mana ria basoero dena tariniki soko kaega ia.

Luka 24:46

Mana i sine napu ne qira, “Iato dena pata ni sine go Buka tabo ne, Mesia ne tina pala vokara mana tina le, taramuzina kapisa musaqara ia tina too napu me tepa le ne.

Maka 8:31

Gonae Jesu i vatatana qira disipoloro ia igo, “Era Tuna basoe tuna pala vokara tanego tariniki soko ava kaega. Ria to vano kazigarata ro, vano batu ria patere ro, vano vari vatatana na tamana go. Ria to nae tarina vae vale ava, do taramuzina kapisa musaqara era tuna too napu me tepa le ne.”

Luka 9:31

Iru za sadaka me tatavata na rani ne, mana iri pepeu zaqe pataro tina va voto ze go soko ia God sauna ṉalu Jesu tina le go Jerusalema.

Matiu 26:47

Iara sekoseko so Jesu, Jiudas kaki kameka ria manoga karua disipoloro ne i lama doka, i lulu qira me topu ria basoero iri pala me pegi loda mana kobau ro go, basoero dena batu ria patere ro mana vano kazigarata ro go iri turine qira mego.

Matiu 26:2

“Ramu qamu rove zarika tina kelo na musaqara nanao taruna na ṉalu God i vasiporo qirae vano Izirel tepa Izipito. Mana ṉalu nae to tarina pala va go era Tuna basoe mana tarina paqipaqi ve koluse ne.”

Matiu 27:12

Batu ria patere ro mana vano kakazigarata ro iri vapala ze ia topuna pata, do Jesu i duduli so.

Matiu 16:28

Ma sine ne qamu pata ogoto, kakiaro ria iri kogo dena, tariniki le kaega go na doka go ṉalu tarina miava era Tuna basoe na lama Batu lavata go.”

Matiu 12:40

Loborona kapisa musaqara mana kuse Zona i koe loborona sopana kameka iṉana lavata, tina gere napu ava era Tuna basoe, tuna koe loborona pua kapisa musaqara mana kuse go.

Matiu 16:22

Pasi nae Pita i pala vamiki a Jesu mana i sine va moqere ne, “Batu, kasi sine na seko nae! God mara kasi vamao na pata nae na doka go aro!”

Matiu 17:9

Goto nae iri qoqoro ule me tepa kubolo ne, mana Jesu i sine vamoqere ne qira, igo, “Muniki sine ne ka basoe sauna pata qamu mia go, go na doka so ṉalu era Tuna basoe tuna too ule napu me tepa le ne.”

Matiu 28:6

Dena iki koe kaega, i too bana, gere so de i sine bana go tanuna, buru lama mana mia de iri va kekele ze go.

Maka 9:12

Jesu i vataule igo, “Pata ogoto Ilaiza to tina lama kenaqa, go tina vanama go osina pata, do avigo tane Buka tabo ne i sine go, ‘Tuna basoe tarina va vokare mana tarina lete vasakata nego igogo?’