Matiu 13:21 - Vato Vari Vakameka Voru Ia Batu Ne

²¹ Do iki zunu za kaega loborona nanao qira, iago iki ko vaumata kaega. Ṉalu kaki pata makuru i doka qira, mana ṉalu kakiaro basoero iri vasasakata ne qira sauna Tarama Velaka ne, iri katikili so nanao vana ne na seko ia Batu ne.

Matiu 13:21 Referans Kwoze

Matiu 11:6

Kula, de iri koego basoero iri vanadu ze vaogoto ria, de qa koego era, mana iriki ruama nava kaega go.”

Epesus 3:17

Mana qa pene Kristo mara vakomale puṉu qamu loborona vaogoto ramu de ikoego, mana mara vasadaka me mamaligara ramu de iri koego osina basoero ne.

Karua Timoti 1:15

Aro qo rove Piqelusi mana Emoqensi, riru de mana kakiaro napu basoero na kena Esia iri kasi ava era.

Pilipae 1:6

Iago era qa vaogote, God ni vatupia go zazu velaka dena loboro qamu, tina pala somaso go tina za doka so ṉalu tina za ule mego Jesu Kristo.

Qalesia 6:15

I patavolomo so basoe ikosi ba iki kosi kaega. Pata ilete mazala sivala go basoe mara pala too voru de ikoego God.

Qalesia 6:12

Basoero iri vatutubo qamue go ramu kosi ne, ria to iri vazaka napu go, mana iri vari vatatana ne pataro i sadake go tokama qira. Iri zazu ne pata dena, i sauna so niki go basoero ne vavokara qirae sauna iri vaogote go koluse ia Kristo iri go so.

Qalesia 5:6

Tanego ṉalu ita qata ko vakamekae go Jesu Kristo, ikaega so kaki pata i varivakakavatae go basoe i kosi ba iki kosi go kaega. Do pata i lete mazala sivala go ne, vaogoto tina vasadaka mego mamaligara. Iaso nae i pata mazala go.

Leta Ia Pol I Karo Ne Qira Basoero Na Rom 2:7

Kakiaro basoe iri vanadue zazu ne na zazu velaka, mana iri taqi ze God menomeno, vamazala, mana too i too sivala go. De iri koe basoero nae God tina teke ne qira too gado kutona i kaega.

Tarama Velaka Ia Jesu Kristo I Karo Go Jon 6:26

Jesu i vataule ne qira igo, “Masine ne qamu pataogoto, ramu qamu taqia va era, tanego qamu ṉaṉa mana kuma ne bureri ne go, ba zazu vari vapoloso qa zazu ne go era zakone, ramu qamuki nanao rove so kaega.

Luka 8:13

Paturu ni sorue pua ni koe ipaka ne, i gere qira to ria iri gata go seko ia God, mana iri kula ne, do iki lete zunu za kaega loborona nanao qira, iri vaogoto zaqe so kaki tora na. Do ṉalu pada i lama e, de iri koego, iriki nanao vamazale to kaega seko ia Batu ne.

Maka 4:17

do iki zako vaumate kaega nanao qira, iago ṉalu pata makuru ba pata vari vae vale i lama doka qira iri katikili so vana nena.

Matiu 26:33

Pita i seko me, mana i sine ne Jesu, “Patavolomo ria kerone tarina paqa kasi lupo nigo, do era tuniki kasi nigo kaega!”

Matiu 26:31

Gonae Jesu i sine ne qira, “Kuse ninidena so osiqamu tamuna paqa kasi lupo nava era, tanego Buka tabo ne i sine bana, ‘Era tuna vae vale valeke miasoka sipi, mana sipi ro ia tarina soso vari paqae lupo.’

Matiu 24:13

Do basoe i pala taru vanadu go, mana za doka go valupolupo na ne, tina za kavale.

Matiu 13:57

Iago iri sila ia. Do Jesu i sine ne qira igo, “Propeta ne, basoero ne iri lete vamazale, do basoero na komala ia, mana vanovano ro ia propeta ne iriki vamazale kaega ia.”

Matiu 13:6

Iago ṉalu saṉa i lete uraka me, iri katikili so le, tanego rabutuna ro iriki lete zunu za kaega.

Matiu 10:22

Basoero ne tariniki soko qamu kaega tanego i sauqu era. Do ka basoe i degere vanadu ne vaogoto ia deqa koego era, go tina za doka go valupolupo na, God tina vakavele ia.

Kameka Pita 1:5

Pataro dena, i sauqamu ramu loborona vaogoto ramu de ikoego God, karaputa ia sauna vari va kavele i vanama ne qamu tina vasadaka me ṉalu muzimuzi.

Karua Timoti 4:10

Qa rove Demas, ia i kasi nava era, tanego i lete mamaligara ne patana ro vudu pua dena, mana i za banae to Tesalonika go. Kresen i za banae to Qalesia mana Taetusi i za bana to Dalmatia go.

Revaleson 2:13

Era qa rove, ramu qamu koe loborona vari miasoka ia Satana, do ramu, qamu ara pala taru vanadua so vitoṉoqu era, mana qamuki vana ne kaega vaogoto ramu de qa koego era go, patavolomo iri vae vale go Antipasi vasadake go too mana vatovato velaka ia, tanego i vaogoto ava era.

Matiu 13:20

Paturu i soru ego pua i koe ipaka polana me, igere to basoero iri kula katikili ne ṉalu iri gata go seko ia God.

Jemisi 3:2

Osiqita qata zazu ne so pata kebu. Do ṉalu kameka basoe iki vakebua go kaega seko ia, iato i basoe totoloṉo sivala go mana i mazala to miasokana too iago.