Matiu 13:12 - Vato Vari Vakameka Voru Ia Batu Ne

¹² Tanego ka basoe inanao lupase seko ro era, ia tina rove vatopu napua mana rove velake go. Do basoe iki rove to kaega, basoe nae tina vana neto desuka tarove i ko nego.

Matiu 13:12 Referans Kwoze

Matiu 25:29

Ka basoe i vazazu velake pata iko nego, era tuna teke napu ne ia, mana tina lete topu ne go. Do ka basoe iki vazazu velake go kaega pata iko nego, patavolomo desuka pata i konego, era tuna pala vakuziki ne ze ia.

Luka 8:18

Muna miasoka ṉalu qamu vavaroṉono ne go pata, tanego ka basoe i kone go, God tina teke vatopu napu ne, do ka basoe i kaega ne, pata volomo de suka i kone go, God tina pala vakuziki lupo ne.”

Revaleson 2:5

Muna nanao ule zaqe de igogo ko velaka bana ramu kokosona bana me na ne. Ninidena ramu muna taleqe ule me de qakoego era. Vana ne vasakata pata ro ramu mana zazu ne pata velaka ro qamu zazu ne me kokosona ne. Do ṉalu qamuki vana ne kaega vasakata pata mana vatovato sakata ro ramu, era tuna lama pala vaule pazi ramu nae.

Luka 16:25

Do Abra-am i vataule ne ia igo, ‘Nanaotarua sale era, ara too qo vaego qo pala lupo bana to osina pata velaka, mana Lazarus i pala topu na pata sakata ro. Do ninidena Lazarus i lama koe kulakula, mana aro qo pala to vokara.

Matiu 21:43

Iago ma sine ne qamu, Too ikoego vari miasoka ia God, tarina pala vakuziki ne qamue, mana teke ne qira basoero kakavata go tarina mazala teke zaqe God pata i soko go.”

Luka 16:2

Iago valeke vavagado ne i koru va keba valeke ne mana i sine ne, ‘Avigo tane pata qa gata go era saumu aro? Ono karo vatotoloṉo lupo de igogo zazao na osina pataro qo zazu bana nego, tanego ninidena aro iki torago to kaega tono kenaqa ne miasoka na patapata ro rera.’

Luka 10:42

do kameka so pata itora go. Maria i vine pata ni totoloṉo go, mana kaega ka basoe tina pala vakuziki ne ze go ia.”

Luka 9:26

Ka basoe i agava nava era mana vari vatatana ro era gogo ne. Era Tuna basoe, tuna agava napu ne ia, ṉalu tuna lamae go tatavata era mana tatavata ia Mamae mana ria aqelo tabo ro iago.

Maka 12:9

Gonae Jesu igo, “Avana to tina zazu ne go valeke itoṉove go barue ia ne? Valeke ne tina vae vale qira basoero nae mana va mia soka napu qirae vano kakavata barue ianae.

Luka 12:48

Do valeke zazu iki rove go kaega pata i soko go batu ia tina zazu nego, do i zazu ne pata i tora go, go tina sima ze gogo ne, ia tina va kimate mana sima va suka so go. Ka basoe iri teke vatopu nego, iri lete pene va topu napu ze ia.”

Jemisi 4:6

Do mamaligara lavata ia God iva sadaka ze go de qata koe go ilete moqere sivala, gerena Buka tabo ne i sine go, “God iki soko qira kaega vano iri vazakanapu go, do mamaligara ia itaru ze de iri koego vano iri vaqoqore go tanuqira.”