Matiu 12:46 - Vato Vari Vakameka Voru Ia Batu Ne

⁴⁶ Ṉalu Jesu iara seko tabe qira basoero ne, sinana, mana kaena ro Jesu iri lama doka, iri degere meso peka ne mana iri lete soko seko tabe na ia.

Matiu 12:46 Referans Kwoze

Matiu 13:55

Pata ogoto valeke dena i sale ia so valeka kapeda ne, sinana to Maria, mana iri tamatamakena to ria Jemisi, Josepo, Saimon mana Jiudas go.

Tarama Velaka Ia Jesu Kristo I Karo Go Jon 2:12

Taramuzina to vari va busi dena, Jesu mana sinana, ria togana ro mana kaena ro, disipoloro iago iri zae Kapanaum, iri za koe de go kavia so musaqara.

Tarama Velaka Ia Jesu Kristo I Karo Go Jon 7:5

Turana ro tanuna Jesu, do iriki vaogote so kaega, ia to go iri sine ne ia sekoro de.

Tarama Velaka Ia Jesu Kristo I Karo Go Jon 7:3

Iago turana ro Jesu iri sine ne ia, “I velaka sivala aro mo kasi ne dena mana zae Judia, go basoero iri lulu go tarina mia go zazu velaka ro tono zazu nego.

Zazu Ria Apostoloro 1:14

Osiqira iri kameka ko mana kameka vato, mana osiqira iri kameka lotu tavisi qira qole ro mana Maria sinana Jesu, mana ria iri tamakena go Jesu.

Maka 6:3

Pata qata rove go ita, valeke dena i sale ia so valeke zazu vari kamana na so pata. I sale ia so Maria, mana i toga qira so Jemisi, Josepo, Jiudas mana Saimon go, mana vavanina ro go, iri koego dena.” Iago iri seko sila go.

Qalesia 1:19

Do ria kero ne apostoloro qaki mia qira kaega, tanuna so Jemisi kaena Batu ne qa mia go.

Kameka Korinti 9:5

Avigo iki totoloṉo kaega era tu lulua qole era gere qira kero ne apostoloro, mana vakitaka ro ia Batu ne, mana Pita, iri lulua qole ro ria loborona zaza ria?

Tarama Velaka Ia Jesu Kristo I Karo Go Jon 7:10

Taramuzina turana ro i zae kelo ne, Jesu i za napu, do iki za poro sadaka qira kaega basoero ne, ia i zaza pipika so.

Luka 2:48

Vanovano ia iru nureke napu, pasi iru miasoba go ia, mana sinana i sine ne ia, “Tuqu, avigo tane qo zazu ne go iadena, deqaru koego raru? Raru tamamu qaru lete maqata qaru taqi go aro.”

Luka 8:10

Jesu iva taule ne qira igo, “God iva malumu ne qamu tamuna rove go pata pupuika mana pata ogoto na de ikoego vari miasoka ia God, ba de iri koego basoero ne, era qa sine go vapadapada dena, go tarina mia, do tariniki mia rove kaega, tarina gata, do tariniki gata rove kaega.”

Maka 2:21

Iki tora kaega kaki basoe tina pala go taridakana poga voru ne mana sira komu ze go poga bana ne. Ṉalu tina gogo nae ara lete ridake to poqa bana ne.

Tarama Velaka Ia Jesu Kristo I Karo Go Jon 2:5

Sinana Jesu i sine ne qira vano zazu ne, “Muna zazu ne so pata tina sine ne qamu go.”

Luka 2:33

Tamana mana sinana, iru lete nureke ne seko ro ia Simion ni sine go, sauna sale ne.

Tarama Velaka Ia Jesu Kristo I Karo Go Jon 2:1

Taramuzina karua musaqara, kaki vari va busi i koe komala Kena loborona Qalili. Sinana Jesu i za ko tavisi go,

Luka 2:51

Jesu i lulu ne qiru, goto nae iri gado ule za Nazaret, mana iza osaka ne qiru, mana sinana i babana ze so puṉuna osina to seko ro ni gogo ne.

Matiu 2:20

Mana aqelo ne i sine ne Josepo, “Dogara! Lulu qiru tamasina Jesu, mana ule za pua na Izirel, tanego ria iri soko go vae na sale ne iri le bana to.”

Matiu 2:11

Mana ṉalu iri keba za pade ne, iri zamia qiru tamasina Maria, iri koloku tutuṉu iri vabatua Jesu, gonae iri papaqa pata vavagado ria, iri sosovolomo ne Jesu qolu, tala i nonoli velaka mana lodu i nonoli velaka ṉalu iri subia go.

Matiu 1:18

Iadena to de igo, i podo go Jesu Kristo. Sinana Jesu, Maria i tamatura Josepo, do kenaqana go ia iru ara busi go, Maria i pala ze sale ia de ikoego moqere ia Spirit tabo.

Tarama Velaka Ia Jesu Kristo I Karo Go Jon 19:25

Ria iri degere go garogaro na koluse ne, sinana, mana, kaena sinana Jesu, Maria qole ia Kilopas mana Maria Madalena go.

Luka 1:43

Avigo tane pata lavata dena ni lama doka ava go era, tanego sinana Batu era i lama tove ava go?

Matiu 12:47

Gonae kaki valeke i vane de Jesu, “Sinamu, mana kaemuro iri soko seko tabe go aro.”

Luka 2:34

Simion i vatabo qiru mana i sine ne Maria ni sinana go. “Sale dena i vivine bana iaso God tina vasakata qira basoero topu, mana tina vakavele qira basoero topu. Iato tina lalana God mana topu na basoero ne tarina seko tolia ia, go nanao pupuika ria basoero ne tinara sadaka me.