Matiu 12:18 - Vato Vari Vakameka Voru Ia Batu Ne

¹⁸ “Valeke dena ne, iato qa vine bana go era, tina basoe zazu era go, mana iato qa lete mamaligara nego, mana qa lete kula ne go. Era na turine Spirit era go na kotavise ia, mana tina vasadaka ne qira basoero na kolabana pua vatovato totoloṉo.

Matiu 12:18 Referans Kwoze

Luka 4:18

“Spirit ia Batu ne ikoe de qa koego era tanego ivine bana ava era tuna pala me Tarama Velaka de iri koego vano situ. I turi nava era tuna sine ne qira vano iri koego bara ne tarina siporo! Talupasa, mana ria iri kodo go tarina mimia napu mana va velaka qira ria iri va sasakata ne qira go.

Zazu Ria Apostoloro 10:38

Ramu qamu rove napua de igogo pepeu na Jesu na Nazaret mana de igogo God ni zuga ze go ia Spirit tabo mana karaputa. I zae osina dia, i zazu ne pata velaka ro mana iva tavoese qira vano iri koego karaputa ia manuru. I zazu ne pataro dena, tanego God i ko tavise ia.

Tarama Velaka Ia Jesu Kristo I Karo Go Jon 3:34

Basoe ni turi ne mego God, i sine so seko ia God, tanego God i teke ne ia tutukununa Spirit tabo go tina tavisi ne ia.

Kameka Pita 2:4

Muna lama e de ikoego Jesu Batu ne, ia to i ipaka too iriki soko go kaega basoero ne, i kaega so ka mazalana iri go, do God i vine bana me mana ia to i lete mazala sivala go.

Karua Pita 1:17

Remu qimu ko tavise ia ṉalu God Tamana i teke ne go ia va Batu mana karaputa mazala ia, ṉalu ovaṉa na ne igo, ‘Tadena to Sale valeke era, qa lete mamaligara ne go!”

Kolosia 1:13

I vakavele qita e karaputa ia rodoko mana i vadoka velaka qita e de ikoego vari miasoka ia kameka Tuna,

Kolosia 1:1

Era Pol loborona soko ia God, era qa apostolo ia Jesu Kristo mana vakitaka ita Timoti go.

Epesus 1:6

Iago ita mata vazaka ze, God sauna Mana ia, mana karaputana mazala ia sauna sosovolomo na kameka Sale valeke ia iteke ne qita go.

Zazu Ria Apostoloro 14:27

Ṉalu iru lama dokae Antiok, iru qoqoṉo qira basoero lotu mana iru pepeu ne qira de igogo osina ro pata, God i zazu ze go de iri koego vano iriki Jiu go kaega, go iara papaqa go nanaoqira, go iri ara vaogoto go.

Zazu Ria Apostoloro 11:18

Ṉalu iri gata go seko ia Pita ne, iri mamanava to vari valegu. Iri vazaka God mana iri go dena, “Pata ogoto, God iteke napu ne qira so vano iriki Jiu go kaega nanao uleule mana too voru go!”

Luka 23:35

Basoero iri degere garogaro mana reṉa taru ne ia. Vano kenaqa ro ria vano Jiu iri va kesolo ne Jesu, iri go, “I vakavele qira basoero ne, iago mara vakavele napua tanuna, ṉalu ia i Mesia i tavine me de i koe God.”

Luka 9:35

Kameka naki i reqe mego loborona toba ne igo, “Iato dena Tuqu era, iato qa vine go muna gata pata i sine go ia!”

Luka 3:22

Mana Spirit tabo ne i qoqoro me de ikoego ia, i gere kurukuru, mana kameka ovaṉa ireqe me rani ne igo, “Aro Sale era, qa lete mamaligara nigo, kula era ikoe de qo koego aro.”

Maka 9:7

Iri ara go so nae ria i lama kameka toba lama sapu lupo qirae so ria dudulena, mana kameka ovaṉa ireqeme go loborona toba ne igo, “Iato dena Sale ogoto era qa lete mamaligara ne go, muna gata pata i sine go!”

Maka 1:11

Kameka ovaṉa iseko me rani ne igo dena, “Aro to qo Sale ogoto era mana era qa lete kula nigo aro.”

Matiu 17:5

Torana so iara sekoseko go Pita, i lama kameka toba i ilete damara go, mana kameka ovaṉa i reqe me loborona toba ne igo de, “Iato dena kameka Sale valeke era, qalete mamaligara ne mana qa kula ne go, muna gata ia!”

Matiu 12:17

I zazu ne iadena, go seko ia God i va zuka ze go propeta Isaia tina lama sadaka ogoto, igo,