Matiu 12:10 - Vato Vari Vakameka Voru Ia Batu Ne

¹⁰ Mana kaki valeke i le karisina, i koe loborona de go. Kakiaro basoero ne iri taqia zuka go mara va sorua Jesu irigo. Iago iri tana ne ia, “Avigo Tamana ia Mosese i vamao va velake na basoe musaqara Sabat?”

Matiu 12:10 Referans Kwoze

Luka 13:14

Ṉalu valeke batu na Pade Lotu ne i mia Jesu iva velake go qole ne musaqara Sabat i lete muma i koru me, mana i sine ne qira basoero ne igo, “Iko bana so kaonomo musaqara qata mazala go zazu, iago muna lama musaqara ro nae go mara vole qamu, do musaqara Sabat kaega.”

Tarama Velaka Ia Jesu Kristo I Karo Go Jon 9:16

Gonae kakiaro vano Parisio iri go dena, “Valeke dena iki reqe me kaega de ikoego God, tanego iki vaogote kaega Tamana na Sabat.” Do kakiaro iri go, “Ṉalu go valeke dena, i valeke vasakata pata i makuru tina zazu ne zazu mazala dena.” Iago vano Parisio ne i tavota nanao qira de ikoego Jesu,

Tarama Velaka Ia Jesu Kristo I Karo Go Jon 8:6

Go iri tana vane go de Jesu, tanego iri soko vasoru na ia go tarina mazala go pala na ia. Do Jesu i tudu mana i karo e pua ne.

Tarama Velaka Ia Jesu Kristo I Karo Go Jon 5:10

Iago vano batubatu ria vano Jiu iri sine ne valeke i tavoisi go, “Nini i musaqara Sabat, iago i tabo e Tamana ita tono pala zazao ne tobi aro go.”

Luka 11:54

Iri lete pada ne go mara ria vasoru ze ia kaki pata tina sine va kebua iri go.

Matiu 12:2

Ṉalu vano Parisio iri mia qirae go, iri sine ne Jesu, “Qo mia! I taboe Tamana ita pata iri zazu nego disipoloro aro, iri vae sila musaqara Sabat?”

Tarama Velaka Ia Jesu Kristo I Karo Go Jon 5:3

Topu ria basoero i pala qira soso mokoso ro iri za kekele go dego, kaki ria iri kodo, iri taveqo, mana kakiaro i le kale tokama qira go, iri piri ne besi ne tina visu,

Luka 23:2

Iri vatupia sine na seko poqe ro de ikoego Jesu, mana iri go dena, “Valeke dena i kenaqa ne qira basoero remu, mana i sine ne qira, mara ria kasi volina takisi de i koe batu lavata Siza. Mana igo napu dena, tanuna ne i Mesia i Batu lavata go.”

Luka 23:14

Mana i sine ne qira, “Ramu qamu valame nava era valeke dena, mana qamu sine, iva zazao kakavata qira basoero qamu go. Era qa tana ne ze ia tarakenaqa qamu dena, do qaki soba ze kaega kapata sakata i zazu ne, gerena pata ro qamu sine go ramu.

Luka 20:22

Iago, sine ne qemu remu avigo i totoloṉe Tamana ita tane tatana volia takisi de ikoego batu lavata Siza, ba kaega?”

Matiu 19:3

Kakiaro ria vano Parisio iri lama tana ne Jesu, tanego iri soko tana vasoru na ia, iri go, “Avigo Tamana i totoloṉo so, i varnao go, valeke i mazala so vaule na qole, ia ṉalu i soko go?”

Maka 3:2

Kakiaro ria iri koe de gogo ne iri soko pala zena Jesu kaki pata tina vakebua go mara ria vasakate ia iri go. Iago, iri lete mia luluse to ia, ṉalu tina va velake go valeke i le go karisina musaqara Sabat ne.

Tarama Velaka Ia Jesu Kristo I Karo Go Jon 7:23

Ianae i vasadake basoe i mazala so kosi musaqara Sabat go tamuniki vae kaega Tamana ia Mosese. Do avigo tane qamu muma nava era, ṉalu qava velake go tutukununa tokamana basoe ne musaqara Sabat na?