Matiu 11:5 - Vato Vari Vakameka Voru Ia Batu Ne

⁵ Basoero iri kodo go iri mimia napu, basoero taveqo iri zaza velaka, vano i pala qira voremake iri velaka napu. Ria iri ikiki go, iri gata pata napu go, ria iri le bana, iri too napu me, mana basoero iri situ go iri tarama ne qirae to tarama ia God.

Matiu 11:5 Referans Kwoze

Luka 4:18

“Spirit ia Batu ne ikoe de qa koego era tanego ivine bana ava era tuna pala me Tarama Velaka de iri koego vano situ. I turi nava era tuna sine ne qira vano iri koego bara ne tarina siporo! Talupasa, mana ria iri kodo go tarina mimia napu mana va velaka qira ria iri va sasakata ne qira go.

Jemisi 2:5

Gata turaquro, God i vine qira vano situ na vudu pua dena go mara vavagado vaogoto ria, mana ria mara toṉove komala ikoe go vari miasoka ia ni pui bana ne qira go basoero iri mamaligara ne go.

Matiu 21:14

Ṉalu nae vano kodo mana vano i taveqo go makeqira iri zae pade lotu ne mana Jesu i va velaka lupo qira.

Tarama Velaka Ia Jesu Kristo I Karo Go Jon 10:38

Do ṉalu qa zazu neso era kameka patana so i zazu ne go Mamae, ramu muna vaogote pataro qa zazu ne go era. Ṉalu qamuki vaogoto ava kaega era, do muna vaogote pataro qa zazu ne go. Nae ne qamu mazala to rove na Mamae i koe loboroqu era, mana era qa koe loborona Mamae go.”

Tarama Velaka Ia Jesu Kristo I Karo Go Jon 10:25

Do Jesu i vataule ne qira, igo, “Era qa sine lupo bana ne qamu, do qamuki vaogote so kaega. Topu na pata mazala ro qa vasadaka ne qamu, loborona karaputa ia Mamae, ianae to i vasadake akena tane era,

Tarama Velaka Ia Jesu Kristo I Karo Go Jon 5:36

Do era i ko nava kaki pata, i vasadaka velake go, Mamae tane i turi nava go. Pata dena i karaputa sivala ne pataro i sine vasadake go Jon, ia igogo ne, iato zazu i sine nava go Mamae tuna zazu nego.

Tarama Velaka Ia Jesu Kristo I Karo Go Jon 3:2

Kaki kameka kuse i za mia Jesu mana i sine ne ia, “Valeke vari vatatana, remu qi rove aro qo kakia valeke vari vatatana i turi nigo me God. Tanego kaega kaki basoe i mazala go zazu ne zazu vari vapoloso ro gere mu aro, ṉalu God iki ko tavise kaega ia.”

Tarama Velaka Ia Jesu Kristo I Karo Go Jon 2:23

Torana ko i vae go Jesu Jerusalema, sauna teṉo lavata na kelo nanao taru na Pasova, topu ria iri vaogote ia, tanego iri mia go zazu vari va poloso ro i zazu ne go.

Maka 9:25

Jesu i mia rove basoero ne iri lete lamae de ikoego, iago i sine vamoqere ne manuru sakata ne igo, “Aro manuru ikiki mana kikibu nae ono siporo kasine sale valeke nae mana oniki ara keba ule napu go!”

Maka 7:37

Osiqira vano iri gata go tarama na pata dena, iri lete poloso sasakata mana iri go, “Ava pata vari vanureke na izazu ne go valeke dena! Tanego vano kikibu iri seko mana vano ikiki iri gata pata to go!”

Matiu 10:8

Muna vatavoisi qira vano iri mokoso go, vatoo ule qira vano iri le go, va velaka qira basoero i pala qira go mokoso voremake mana kale vakuziki ne qira manuru sakata ro i siqana qira go basoero ne go. Karaputa ro dena, era qa teke volomo ne qamu so, iago muna tavisi ne qira basoero, muniki pene qirae voli go.

Matiu 9:30

Mana mataqiru i mimia napu. Jesu i sine vabanabana ne qiru, “Aburu niki ara varove ze kaki basoe pata dena,” igo.

Matiu 5:3

“Kula vano iri situ go, tanego iri soko vatovato velaka ia Batu ne. Vari miasoka ia Batu ne i koe to de iri koego.

Zazu Ria Apostoloro 2:22

Ramu vano Izirel muna gata seko ro dena! Jesu na Nazaret i kaki kameka valeke i tavine me de ikoe God, i lamae de qamu koego ramu, mana God i vasadaka va velake ogotona pataro dena, loborona zazu mazala ro mana zazu vari vapoloso, ro i zazu nego Jesu. Ramu tanuqamu, qamu rove pataro dena, tanego ia i vasadaka ze zazu ro ia loboro qamu ramu.

Matiu 11:4

Jesu i sine ne qira, “Muna ule za mana sine ne Jon pataro qamu gata go mana qamu mia go.

Matiu 12:13

Taramuzina Jesu i vane de valeke ne, “Kazara ne karisimu!” Valeke ne i kazara ne karisina mana i velaka to gere so kene karisina ni velaka bana go.

Tarama Velaka Ia Jesu Kristo I Karo Go Jon 9:7

mana i sine ne ia igo, “Ono zae besi bolu Siloam mana ono za susumatanae.” Talupasana ‘Siloam’, turi ne zaqe. Gonae valeke ne i za susumatana mana i uleme, matana ne i velaka to mana iara mimia ne to go.