Maka 8:2 - Vato Vari Vakameka Voru Ia Batu Ne

² “Era qa lete nanao qira basoero dena, tanego iri kotavisi qitae dena torana kapisa musaqara mana i kaega ne qira pata gege.

Maka 8:2 Referans Kwoze

Matiu 9:36

Ṉalu Jesu i mia qira basoero ne i lete vananame de iri gogo, tanego iriki ko kula kaega iri ko vana so, gere sipi ikaega go kaki tina miasoka qira go.

Iburu 5:2

Tanego batu ria patere ne i pela napu eso topuna pataro, ia mara pada ne nanao rove velaka na, ṉalu go kake ria iri zazu ne pata kebu ro, tanego iriki nanao rove kaega.

Iburu 4:15

Batu Patere ita ne, i rove velaka bana so de qata pela ego ita, tanego osina makuru ro i padae de qata koego, i doka bana ia, do patavolomo nae, kaega kaki ṉalu Jesu i soru e vasakata pata.

Luka 15:20

Gonae i tapa degere izaza ule za de ikoe tamana. Ṉalu iara za laqalaqa me so ia, tamana i mia zaqe mana i lete nanao, i teteṉe za soba mana vakalu ze karisina sale ia mana ikuna.

Luka 7:13

Ṉalu Jesu i mia qole nanaro ne, i lete nanao ia mana i sine ne ia igo, “Kasi dae.”

Maka 9:22

Topu ṉalu i vasoru zaqe nako ne mana loborona besi, go mara vae vale igo. Iago ṉalu qo mazala go, ke ono tavisi ne qemu mana va velaka nava go.

Maka 6:34

Ṉalu Jesu i siporo kasi neme go koluka ne, i mia qira basoero topu dena i lete nanao qira, tanego iri gere sipi ro i kaega go kaki m miasoka qira go. Iago i vatatana qirae topu pata.

Maka 5:19

Do Jesu iki toqe ne kaega, mana i vane dena, “Gado ule za komala aro mana za mia qira vanovano aro mana sine ne qira pata ni zazu ni goe God tanego i lete nanao go.”

Maka 1:41

Jesu ilete nanao valeke ne, gonae i kazara ne karisina mana i siba zaqe valeke ne igo, “Qa toqe ne ono velaka to aro.”

Matiu 20:34

Iago Jesu i nanao qiru, mana i siba mataqiru, pasi so nae iru mimia to, mana iru lulua iago.

Matiu 14:14

Ṉalu Jesu i za dokae rikisi ne i mia qira topu sasakata basoero, puṉuna i lete nanao qira mana i vatavoisi qira vano iri mokoso go.

Iburu 2:17

Iato go i tora ia tina vanadua mana osaka ne zazu ia de koe God gerena batu ria patere, go vasakata pata ria basoero ne na nanao ule ne qira.

Maka 6:32

Iago iri aqe vamikia kaki kameka koluka mana zaza gozato kaki dia ikaega go basoe na.

Maka 8:3

Ṉalu tuna turi vagado ne qira go era, tarina lete saqo mana za memelakae zuka ne, mana basoero dena, kakia ro ria iri reqeme de laqalaqa.”