Maka 1:1 - Vato Vari Vakameka Voru Ia Batu Ne

¹ Iato dena vatupiana na Tarama Velaka sauna Jesu Kristo Tuna God,

Maka 1:1 Referans Kwoze

Tarama Velaka Ia Jesu Kristo I Karo Go Jon 20:31

Do pataro iri karo go dena, tina tavisi qamu ramu vaogote na, Jesu to i Mesia go mana i Tuna go God. Iago ṉalu qamu vaogote go ia, tamuna pala too iki rove go kaega lupo loborona vitoṉo na ia.

Matiu 17:5

Torana so iara sekoseko go Pita, i lama kameka toba i ilete damara go, mana kameka ovaṉa i reqe me loborona toba ne igo de, “Iato dena kameka Sale valeke era, qalete mamaligara ne mana qa kula ne go, muna gata ia!”

Matiu 4:3

Gonae Satana i lama pada ne Jesu, i sine ne, “Ṉalu aro qo Tuna God, mo sine ne qira i pakaro dena mara kavala go mara bureri.”

Matiu 14:33

Gonae disipoloro iri koego koluka ne iri vazaka Jesu. Iri go dena, “Pata ogoto bana, aro to qo Tuna go God!”

Matiu 3:17

Mana kakia seko i reqeme tepa rani ne igo, “Iadena to Sale valeke era qa lete mamaligara ne, mana qa lete kula ne go.”

Leta Ia Pol I Karo Ne Qira Basoero Na Rom 8:3

Tamana i kaega ne karaputa go tina vakuziki ne go vasakata pata, tanego too ita vano basoe i memelaka qatild lulua kaega tamana. Do God so i zazu ne go pata dena ni valame go Sale ia i lama basoe i gere qita ita, mana i pala tavise vasakata pata i vokara ne, mana i le ne go i vakuziki ne go vasakata pata ita.

Tarama Velaka Ia Jesu Kristo I Karo Go Jon 1:14

‘Seko’ dena i lama taitana mana i basoe, i purake Mana mana seko ogoto mana iko tavisi qita go. Remu qi mia karaputa mazala ia, ia to i kameka so Tuna go i pala go karaputa mazala nae de ikoego Tamana.

Tarama Velaka Ia Jesu Kristo I Karo Go Jon 6:69

Remu qi vaogote mana qi rove aro to qo tabo qo reqe mego de ikoego God.”

Tarama Velaka Ia Jesu Kristo I Karo Go Jon 3:16

God i lete mamaligara ne qira basoero na vudu pua dena, iato go i turi valame ava go era kameka Tuna, go ka basoe i vaogoto ava go era tiniki le go kaega, do tina toṉove too iki rove kaega lupo.

Tarama Velaka Ia Jesu Kristo I Karo Go Jon 1:49

Natanel i vataule, “Valeke vari vatatana, aro qo Tuna God! Aro to qo Batu lavata na Izirel.”

Tarama Velaka Ia Jesu Kristo I Karo Go Jon 1:34

Tanuqu qa miasoba bana to, mana iato qa sine ne qira go basoero, valeke dena i Tuna God.”

Luka 1:35

Aqelo ne, i vataule igo, “Spirit tabo tina lamae de qo koego aro, mana karaputa ia Batu ne tina ko tavisi go aro. Sauna to ia dena sale tabo ne tina vitoṉo ze Sale ia God.

Leta Ia Pol I Karo Ne Qira Basoero Na Rom 8:32

God do, iki ara pala vaule kaega Sale ia, do i soso ne qita to ita go tina le ne sauna go ni bauru ne qita go ita. Gerena ia i sosovolomo ne qita to osina pata.

Zazu Ria Apostoloro 13:24

Mana Jon to i vanama ne go lama na Jesu, i sine kenaqa ne qira vano Izirel, go mara ria vanama mana nanao vanane vasakata pataro ria mana mara ria bapitema go.