Luka 9:16 - Vato Vari Vakameka Voru Ia Batu Ne

¹⁶ Jesu i pala kalima bureri mana karua iṉana i kakadeka qe rani ne, i seko velaka zaqe God, i pasia mana i teke ne qira disipoloro ia, go tarina kenakena ne qira basoero ne.

Luka 9:16 Referans Kwoze

Matiu 14:19

Gonae i sine ne qira basoero ne tarina kolokue seuseu ne, i pala kalima bureri mana karua iṉana i kakadekaqe rani ne mana i seko velaka zaqe God. I pasia bureri ne mana i teke ne qira disipoloro ia, mana disipoloro ia iri ara kena ne qirae go basoero ne.

Luka 24:30

Ṉalu iri koloku, go tarina ṉaṉa go, Jesu i pala bureri, mana ivatabo, gonae i pasia mana i teke ne qiru.

Matiu 15:36

Gonae i pala kavitu bureri mana iṉana ne, i seko velaka ne God, i pasia, mana i teke ne qira disipoloro ia, go tarina kena ne qira go basoero ne.

Leta Ia Pol I Karo Ne Qira Basoero Na Rom 14:6

Basoe i nanao kameka musaqara nae to ilete mazala sivala ne go kero ne musaqara igogo ne, izazu ne sauna to go ivazaka zego Batu ne. Mana basoe ige go soso patagege ne izazu ne zeto sauna go ivazaka ze go Batu ne, mana iseko velaka ne zaqe God sauna pata gege nae. Gerena napu so basoe ikasi na go gena soso pata gege ne ivazaka napu ze so Batu mana iseko velaka ne zaqe so God go.

Zazu Ria Apostoloro 27:35

I sine lupo to pata dena, Pol ipala kavia bureri i seko velake God tarakenaqa qira osiqira basoero ne, ipasia mana ivatupia qe na.

Tarama Velaka Ia Jesu Kristo I Karo Go Jon 6:23

Do kakiaro napu mola iri reqe me Taberiasi iri lama dokae de i seko velaka ze go God Batu ne bureri, i va ṉaṉa qirae go basoero ne zako na ne,

Tarama Velaka Ia Jesu Kristo I Karo Go Jon 6:11

Gonae Jesu i pala kalima bureri ne, i seko velaka zaqe God, mana i kenakena ze de iri koego basoero iri kolokue de igogo ne. Iva gere napu ze so karua iṉana ne go, mana osiqira basoero ne iri kuma lupo go.

Luka 22:19

Gonae i pala bureri i seko velaka zaqe God, i pasia mana teke qira ria igo, “Ia dena tokamaqu, qa teke ne qamu ramu, zazu ne ia dena mana nanao taru ava era.”

Kameka Korinti 11:24

i seko velaka ne zaqe God, i pasia bureri mana igo dena. “Ia dena i tokamaqu era, qa tekene qamu ramu. Zazu ne ia dena go tamuna nanao taruava era.”

Kameka Korinti 10:30

Era qa seko velaka bana ne zaqe God tane sauna pata gege dena tina go.”

Maka 7:34

Jesu i reṉa pokaqe rani ne mana i pala kameka marapuga lavata sivala, i sine ne valeke ne, igo, “Epata!” Talukasana, “Papaqa!”

Luka 9:15

Taramuzina disipoloro ia iri zazu lupo ne de tina gogo koko qira basoero ne.

Luka 9:17

Osiqira basoero ne iri ṉaṉa mana iri kuma lupo, disipoloro ne iri soqe pata gege niko sivala go, mana torana manoga karua ebata iri va purake go.