Luka 9:1 - Vato Vari Vakameka Voru Ia Batu Ne

¹ Jesu i koru qira manoga karua disipoloro ia, mana i teke ne qira karaputa mana mazala go iri mazala kakale na manuru sakata ro, mana va velaka qira vano i pala qira go soso mokoso ro.

Luka 9:1 Referans Kwoze

Tarama Velaka Ia Jesu Kristo I Karo Go Jon 14:12

Ma sine ne qamu pata ogoto, basoe i vaogoto ava era, tina zazu napu neso pataro qa zazu nego era. Ove to! Ia tina zazu ne kakiaro pata tina sivala ne zazu ro qa zazu bana ne go, tanego era qa zae de koe Mamae.

Luka 10:19

Gata! Qa teke bana ne qamu karaputa, go ia tamuna kube poka dole pani ro mana pedepede. Mana tamuna va qoqore karaputa ria kana ro ramu, mana kaega kaki pata tina vae qamu ramu.

Zazu Ria Apostoloro 4:30

Ono vasadaka me karaputa aro, go mara va velaka qira vano iri mokoso, mana vamao qemu go di zazu ne zazu vari vapoloso, mana zazu mazala ro mara sadake vitoṉo tabo na Jesu valeke zazu aro.”

Matiu 16:19

Era tuna teke nigo aro kii na Too de ikoego vari miasoka ia God, iago pata qoki vamao zego kaega aro vudu pua dena, God i vakaega napu ze tepa rani ne, mana pata qo va mao zego aro vudu pua dena, God tina vamao napu ze tepa rani ne.”

Zazu Ria Apostoloro 1:8

Do ṉalu Spirit tabo tina lamae de qamu koego ramu, ramu tamuna toṉove moqere ia, mana tamuna tarama ne sauqu era loborona komala lavata Jerusalema mana osina dia kena ro Judia, Samaria, mana osina dia kolabana pua ne.”

Zazu Ria Apostoloro 9:34

Pita i vane dena ia, “Enias! Jesu Kristo tina va velaki go aro. Ono degere mana vavelake vesu aro.” Goso nae Enias i degere me to.

Zazu Ria Apostoloro 3:16

I karaputa na vitoṉo na ia, i teke ne moqere valeke taveqo dena, pata qamu mia mana rove go i zazu ia vaogoto loborona vitoṉona ia, vaogoto de koe Jesu, iato i va velake go valeke de, iato qamu mia go osiqamu.

Matiu 4:24

Pepeuna dego Jesu i lupoe osina vudu na Siria. Ria ivae qira go pata vokara mana i pala qira soso mokoso ro, ria i siqane qira manuru sakata, ria ivae qira kakaepale mana ria i makuru vizu tokamaqira gogone iri valama qirae so dekoe Jesu mana iva velaka lupo qira.

Matiu 8:9

Era tanuqu do iko nava so mazala, qa koe pola qira batubatu lavata ro remu, topu napu ria vano soldia ro iri koe polaqu era, ṉalu qa sine ne era kaki valeke, ‘Ono za,’ ia iza mana ṉalu qa koru, ‘Lamae dena qa go era,’ ia i lama, valeke zazu era ṉalu qa sine ne, ‘Ono zazu ne pata dena,’ ia i zazu ne.”

Luka 10:1

Taramuzina iadena, Batu ne i vine napu qira vituṉaulu karua basoe mana iva zazao tara tararua qira. Go tarina za kenaqa ne ia osina komala lavata mana komala suka ro de ivanama ne go zae na tanuna.