Luka 7:21 - Vato Vari Vakameka Voru Ia Batu Ne

²¹ Torana to ṉalu nae, Jesu iva tavoese qira topu ria basoero i pala qira go soso mokoso ro, manuru sakata ro mana iva mimia qira ria basoero iri kodo go.

Luka 7:21 Referans Kwoze

Maka 3:10

Iva velaka qira basoero iri mokoso mana vano mokoso nae iri vari tutubele ne kadigo mara ria lama siba ia iri go.

Iburu 12:6

Tanego Batu ne i vatotoloṉo qira basoero i mamaligara ne qira go, mana i valepulepu qira ria i toqe ne go tarina salero iago.”

Maka 5:34

Jesu i sine ne ia, “Sale qole era, vaogoto aro iva velaki go, mana kasi ara maqata napu tanego mokoso aro i lupo to.”

Maka 5:29

Ṉalu i siba so ia roku loda ia Jesu, parasana ne i kameka mamanava so.

Matiu 4:23

Jesu igoe lupoe osina dia tepa kena Qalili. Iza e loborona Pade Lotu ria vano Jiu i vari vatatana mana i tamana qira basoero ne. I tamana qirae dego velaka ia God mana iva velaka lupo qira osiqira vano i pala qira soso mokoso rone.

Matiu 4:24

Pepeuna dego Jesu i lupoe osina vudu na Siria. Ria ivae qira go pata vokara mana i pala qira soso mokoso ro, ria i siqane qira manuru sakata, ria ivae qira kakaepale mana ria i makuru vizu tokamaqira gogone iri valama qirae so dekoe Jesu mana iva velaka lupo qira.

Luka 7:20

Ṉalu iru za dotkae de ikoego Jesu, iru vane dena ia, “Jon na bapitema i turine qaru raru go taruna tana nigo aro. Avigo aro to tane ia tina za lama go, ba timuna piri ne kaki basoe napu?”