Luka 7:13 - Vato Vari Vakameka Voru Ia Batu Ne

¹³ Ṉalu Jesu i mia qole nanaro ne, i lete nanao ia mana i sine ne ia igo, “Kasi dae.”

Luka 7:13 Referans Kwoze

Iburu 4:15

Batu Patere ita ne, i rove velaka bana so de qata pela ego ita, tanego osina makuru ro i padae de qata koego, i doka bana ia, do patavolomo nae, kaega kaki ṉalu Jesu i soru e vasakata pata.

Luka 8:52

Osiqira basoero iri koe go loboro na pade ne iri dae mana iri maqata ne sale ni le go, Jesu i sine qira, “Kasi dae, sale qole ne iki le kaega, i kamuku so.”

Iburu 2:17

Iato go i tora ia tina vanadua mana osaka ne zazu ia de koe God gerena batu ria patere, go vasakata pata ria basoero ne na nanao ule ne qira.

Tarama Velaka Ia Jesu Kristo I Karo Go Jon 20:15

Jesu i tana ne ia, igo, “Qole avigo tane qo dae go? Akena tane qo taqia go? Ia i nanao bana valeke i miasoka go degogo ne igo, iago i sine ne ia, Batu, ṉalu go qo pala go ia, sine nava de qo za taru zego, go ma za pala.”

Maka 8:2

“Era qa lete nanao qira basoero dena, tanego iri kotavisi qitae dena torana kapisa musaqara mana i kaega ne qira pata gege.

Tarama Velaka Ia Jesu Kristo I Karo Go Jon 11:2

Maria dena to, i zele ze go makena Jesu tala nonoli meno ne, mana iqusa vakadala ze uguruna go. Mana vavani qiru to Lazarus ni mokoso go.

Luka 24:34

iri vari sine ne, “Pata ogoto bana, Batu ne i too napu me, iza sadaka banae de ikoego Saimon!”

Luka 17:5

Apostoloro ne iri sine ne Jesu, “Valavate va ogoto remu.”

Kameka Korinti 7:30

ria iri dae go, mara ko, gere iriki maqata go kaega, ria iri kari go, mara ko gere iriki kula go kaega, ria iri volia go patapata, mara gere iriki toṉove kaega pata iri volia go,

Tarama Velaka Ia Jesu Kristo I Karo Go Jon 20:13

Karua agelo ne iru tana ne Maria, iru go, “Qole, avigo tane qo dae go na?” Maria ivataule, “Kake ria iri lama pala vakuziki ne Batu era, mana qaki rove kaega kade iri za taru ze go!”

Luka 13:15

Batu Jesu iva taule ne ia igo, “Ramu qamu vano tatakiu, topu ramu dena pata volomo musaqara Sabat, ramu bulumakao ba donki ro ramu qamu za teke ne qira besi.

Luka 10:1

Taramuzina iadena, Batu ne i vine napu qira vituṉaulu karua basoe mana iva zazao tara tararua qira. Go tarina za kenaqa ne ia osina komala lavata mana komala suka ro de ivanama ne go zae na tanuna.

Luka 7:19

mana ivazao qirue dekoe Batu ne, go tiruna za tana ne ia, tana dena, “Avigo aro to tane ia tina lama go, ni sine go Jon? Ba timuna piri ne kaki basoe napu?”

Kameka Tesalonika 4:13

Ramu turaquro, remu qi soko ramu muna rove vavelake de iri gogo vano iri le bana go, go ramu muniki maqata gere qira vano i kaega ne qira go ruruqe de ikoego God.

Luka 22:61

Batu ne i tabali mana i reṉa totoloṉo za qe Pita, mana Pita i nanao tarua pata i sine bana nego Batu ne, “Tarakenaqana daena kokorako kuse ninidena kapisa sine tono vae ne, qoki rove ava kaega era.”

Luka 7:12

Pasi iara doka so ia tarakenaqana komala ne iri soba qira basoero iri vagoro me sinara.

Luka 7:14

Gonae iza mana i siba sinara ne mana vano iri vagore go sinara ne iri noto mana Jesu igo, “Valeke gavere qa sine nigo ono koloku me.”

Luka 11:1

Kaki kameka ṉalu Jesu i pene kaki dia. Ṉalu i pene lupo, kaki kameka disipolo ia i sine ne Jesu, “Batu vatatana qemu e de go pene, gerena Jon iva tatana qira disipoloro ia.”

Luka 11:39

Batu ne i sine ne valeke ne, “Ramu vano Parisio qamu vadalo so kakamuna kapu mana ebata ramu, do loboro qamu i purake so pata vari vavokara mana vatovato sakata ro go.

Luka 12:42

Batu ne igo, “Akena to i valeke zazu vavaogoto mana i tarove go? Iato valeke iva kenaqe go batu ia tina miasoka go pade ia, mana tina kena ne qira go vano zazu ia pata gege ṉalu igado ule mego komala ia.

Luka 17:6

Batu ne i vataule, “Ṉalu ramu tara kone qamu vaogoto i gere go lavata na paturu na mastad ne, qamu mazala so sine ne moki dena, ‘Ono tarapusu mana za podoe masi dona,’ mana ia tina va ogoto qamu so.”

Luka 18:6

Jesu i sine napua, “Ramu qamu gata to pata ni sine go valeke batu varitanae ne.

Luka 19:8

Zakius i degere mana i sine ne Jesu, “Gata! Batu, takoboro na pataiu qa toṉove go, tunara tekene qira vano iri situ go. Mana ṉalu qa siko go patapata ia kaki basoe ne, tuna voli vaule ne ia torana kavasi papala sauna pataro qa siko ze go ia.”

Luka 24:3

gonae iri keba za loboro ne, do iriki miasoba kaega tokamana Jesu.

Tarama Velaka Ia Jesu Kristo I Karo Go Jon 4:1

Vano Parisio iri gata Jesu i toqo qira topu ria basoero, iri lulua ia, sivala ne qira kero ia Jon na bapitema, mana i bapitema qira go.

Tarama Velaka Ia Jesu Kristo I Karo Go Jon 6:23

Do kakiaro napu mola iri reqe me Taberiasi iri lama dokae de i seko velaka ze go God Batu ne bureri, i va ṉaṉa qirae go basoero ne zako na ne,

Tarama Velaka Ia Jesu Kristo I Karo Go Jon 11:3

Tamakena Mata iru vazao seko ne Jesu, iru go de, “Batu! vakitaka aro Lazarus i mokoso.”