Luka 22:36 - Vato Vari Vakameka Voru Ia Batu Ne

³⁶ Do ninidena igo Jesu, “Ṉalu kaki aro iko nigo pata tarutaru kesa, ba kurama suka gogo ne mara pala. Mana kaki aro i kaega nigo pegi varitara mara volivoli ne roku ia mana volia kameka.

Luka 22:36 Referans Kwoze

Kameka Tesalonika 3:4

Tanego ṉalu remu qimu ko tavisi qamu go, qimu sine bana ne qamu, ita tatana soba makuru de iri koego basoe ro ne, muna rove, pataro dena tina sadaka ogoto me.

Tarama Velaka Ia Jesu Kristo I Karo Go Jon 16:33

Qa sine ne qamu pataro dena, go tamuna ko vanadue de qa koego era ko tamuna vae go kolabana pua dena, ramu tamuna soba topuna makuru. Do muna karaputa! Tanego era qa va qoqoro bana karaputa na kolabana pua dena!”

Kameka Pita 4:1

Ṉalu Kristo ikoego pua dena i pala vokara tokamana, iago, ramu napu muna vakaraputa tanuqamu gerena nanao ia ni pala go. Tanego basoe iva vokare go tokamana tiniki lulua kaega vatovato ia vasakata pata.

Tarama Velaka Ia Jesu Kristo I Karo Go Jon 15:20

Nanao tarua seko qa sine bana ne qamu go, ‘Basoe seka iki sivala ne kaega batu ia. Ṉalu iri vasasakata nava era, ria tarina vasasakata napu ne qamu go, ṉalu iri lulua vari vatatana era, ria tarina vaogoto qamu ramu go.

Matiu 10:10

kurama ba makebotu, mana moki sisikolu go, do muna pala so kameka roku ṉalu qamu zaza go, tanego basoe zazu ne, i tora basoero nae tarina tavisi ne mana miasoka iago.

Luka 22:35

Gonae Jesu i tana ne qira disipolo ro ia, “Ṉalu qa vazazao bana qamu go, qamuki pala kaega pata tarutaru kesa, kurama suka, ba makebotu. Avigo qamu pusi ne kaki pata ba?” Iri go, “Kaega so kapata.”

Luka 22:37

Go qa sine ne qamu go pata dena, mara votoe, de qa koe era seko dena, Buka tabo ne i sine bana igo, Tri vapala tavisi ze ia basoero sakata iri vae tamana.’ Iago osina pataro dena mara lama ogote de qa koe era.”

Luka 22:38

Ria disipoloro ia iri go, “Mia Batu! Karua pegi loda dena.” Jesu igo, “I tora to nae!”