Luka 21:19 - Vato Vari Vakameka Voru Ia Batu Ne

¹⁹ Degere vanadu, go tamuna vakavele tanuqamu.”

Luka 21:19 Referans Kwoze

Iburu 10:36

Ramu muna degere vanadu taru so, go tamuna zazu nego pataro i soko go God, go tamuna toṉove go pata i pui bana nego God.

Matiu 10:22

Basoero ne tariniki soko qamu kaega tanego i sauqu era. Do ka basoe i degere vanadu ne vaogoto ia deqa koego era, go tina za doka go valupolupo na, God tina vakavele ia.

Jemisi 1:3

tanego ramu qamu rove ṉalu vaogoto ramu i nadu go, patavolomo pata padaro ilama qiqilo de qamu koe. Ianae to i vakaraputa qamu ramu, go qamu palataru vanadu go osina ṉalu.

Revaleson 3:10

Tanego ramu qamu lulua vari vatatana era mana qamu vanadue go, era tuna miasoka qamu ṉalu kaki makuru tina pada ne qira go basoero na vudu pua de.

Leta Ia Pol I Karo Ne Qira Basoero Na Rom 5:3

Ita mata kula napu ne ita tane makuru ro qata soba go dena, tanego ita gata rove makuru ro dena to tinara vanadu qita go ita,

Leta Ia Pol I Karo Ne Qira Basoero Na Rom 2:7

Kakiaro basoe iri vanadue zazu ne na zazu velaka, mana iri taqi ze God menomeno, vamazala, mana too i too sivala go. De iri koe basoero nae God tina teke ne qira too gado kutona i kaega.

Revaleson 13:10

Basoe iri pala vaseka go ne, tina ko basoe seka to, basoe i tavine nego tina le ne pegi loda, tarina vae vale ze to pegi loda. Ṉalu pataro dena tina doka, ramu basoero ia God muna ko vanadu eso vaogoto ramu de ikoego God.”

Revaleson 14:12

Sauna pataro dena ramu basoero ia God qamu lulua go tamana ro ia ne, mana qamu vaogote Jesu Kristo gogo ne, muna ko vanadue de ikoego ia osina ṉalu.

Iburu 6:11

Remu qi lete soko osiqamu muna palataru vanadua vaogoto ramu, go na doka go, ṉalu pata qamu ala nego tina lama doka ogoto go.

Kameka Tesalonika 1:3

Tanego tarakenaqana God Tamaqita, remu qimu nanaotarua de igogo qamu vazazua go vaogoto ramu mana de gogo qamu mamaligara ne zazu vokara ramu, mana de igogo ruruqe ramu ilete nadue go Batu ita Jesu Kristo.

Matiu 24:13

Do basoe i pala taru vanadu go, mana za doka go valupolupo na ne, tina za kavale.

Revaleson 1:9

Era Jon qa kaki kameka toga qamu ramu, qata vaogote go Jesu Kristo, qata pala taru vanadua go ia patavolomo iri va vokara qitae de ikoego too vari miasoka ia God. Iago era iri taruve kameka ṉugu suka vitoṉona Patmos, go tuna tarama vasadake seko ia God mana seko ogoto na Jesu Kristo.

Iburu 6:15

Abra-am iki va nula kaega piri, iago Abra-am i pala to pata i pui ne go God.

Karua Tesalonika 3:5

Go Batu ne mara kenaqa ne qamue rove velaka na mamaligara ia God, mana pala taru vanadu ramu sauna karaputa ia Kristo go.

Leta Ia Pol I Karo Ne Qira Basoero Na Rom 8:25

Do ruruqe ogoto nae i reqeme pata qatiki mia go kaega. Iato nae gogo qata ko piri vanadu ne go so ita.

Luka 8:15

Paturu iri sorue go pua velaka ne i gere qira to ria iri gata go Tarama Velaka ia God, mana iri soti va velaka ze puṉu qira, go za doka so ṉalu iza ure go.”

Leta Ia Pol I Karo Ne Qira Basoero Na Rom 15:4

Osina pataro iri karo bana ze go Buka tabo ne i sauna go mara varove qitae ita, go tatana pala ze go ruruqe loborona ko noto, piri ita mana i vakaraputa napu qitae pata ro ni pui ne qita go God loborona Buka tabo ne.

Leta Ia Pol I Karo Ne Qira Basoero Na Rom 5:4

mana ṉalu ita qata vanadu, God i vamazala qita, mana va mazala ianae i vazari me to ruruqe ita go.

Jemisi 1:4

Iago sauna vanadu ramu muna miasoka velake, gogo tamuna totoloṉo mana valupo velake; mana go tiniki za kaega ne qamu go kaega kaki pata sauna vatovato ia God.

Karua Pita 1:6

Muna miasoka va velake tokama qamu mana degere vanadu osina ṉalu, mana lulua too ia God.