Luka 2:13 - Vato Vari Vakameka Voru Ia Batu Ne

¹³ Iki umata so kaega, topu ria aqelo ro na rani ne iri lulu ne aqelo ne, iri kera vazaka God.

Luka 2:13 Referans Kwoze

Revaleson 5:11

Ṉalu qa reṉa napu aqe qa gata mao na aqelo ro iri kera. Topu na aqeloro iri teṉo go nae, i makuru to qana qira! Iri degere ligute de kolokoloku batubatu ne, ria to aqelo ro de, kavasi pata qaraqara too, mana kazigarata ro ne.

Iburu 1:14

Aqelo ro ne, iri spirit so, iri ko mana osaka ne God mana God tina turine qira me, go tina tavisi ne qira basoero iri soko go pala na vari vakavele.

Luka 15:10

Gerena so qa sine ne qamu go dena, aqelo ro ia God iri koego rani ne, iri lete kula sivala ne kameka basoe i manava sakata nego vasakata pata ia.”

Epesus 3:10

Do ninidena God i va zazua eklesia go tina vasadake go nanao velaka ro ia God, de iri koego aqeloro ne mana kero ne karaputa ro zakazaka ne.

Kameka Pita 1:12

Iago, God iva sadaka me ze de iri koego propetaro ne sauna zazu iri zazu nego, iki sauqira so kaega tanuqira, do i sauna to tavisi ne qamu ramu. Mana pataro iri sine bana go ria ne, iato qamu gata qirae go vano iri sine vasadake go tarama velaka de qamu koe go. Ṉalu ria iri tamana ne go Tarama Velaka nae, Spirit tabo iva karaputa qira, ituri ne me God ikoego rani ne, iato pataro dena to aqeloro ne iri soko go nanao rove na.

Luka 2:12

Iato dena lala go tamuna za mia rove ze go ia, muna za mia sale medara ne, iri kade ze poga ne, i kekele go loborona moki iri ura go.”

Luka 2:14

“Vazaka God ikoego zakazaka ne, mana dalo ina koe pua ne, de iri koego ria basoero i kula ne qira go.”

Kameka Timoti 3:16

I pata ogoto bana, vari vatatana na vaogoto ita i kakia pata lavata sivala. Vari vatatana ne igo de, Kristo i lama sadaka gere so basoe na vudu pua. Spirit tabo i vasadake too ia Kristo i lete totoloṉo. Aqelo ro ne iri miasoka ia. Seko ia i zadave kolabana pua ne, mana basoero ne iri vaogote ia. Mana God i pala vapopoka zaqe ia rani ne.