Luka 18:13 - Vato Vari Vakameka Voru Ia Batu Ne

¹³ Do valeke palapala takisi ne, iza degere va laqalaqa me so, iki kadeka qe kaega rani ne, do ipuda bebenuna mana i sine, ‘God, nanao ule nava me, era qa valeke vasakata pata,’

Luka 18:13 Referans Kwoze

Kameka Timoti 1:15

Jesu Kristo i lamae go kolabana pua dena, go tina vakavele qira vano iri vasakata pata go, seko dena i pata ogoto mana osina basoero mara vaogote. Era tanuqu to qa lete sakata sivala ne qira basoero iri vasakata pata ego kolabana pua dena,

Luka 23:48

Basoero iri teṉo iri mia go pataro i doka go, mana i sadaka go iri puda bebenu qira, iri vasadake iri manava sakata mana iri gado ule komala ria.

Iburu 8:12

Era tuna nanao ule ne vasakata pata ro ria, mana tuniki ara nanao tarua kaega go.”

Zazu Ria Apostoloro 2:37

Ṉalu basoero topu iri gata go seko ro dena i paqo puṉu qira, iri tana ne Pita mana ria apostoloro ne go, “Avana to timuna zazu ne go remu na?”

Iburu 4:16

Osiqita mata vanadua nanao qita, mana zae de koko ia God i koego Mana ia. Dego qata mazala pala zena manava mana soba zena Mana tina mazala go tavisi ne qita go ṉalu qata soko go.

Leta Ia Pol I Karo Ne Qira Basoero Na Rom 5:8

Do God i vasadaka ne qita lavata na mamaligara ia de qata koe go ita; ṉalu ita qatara vasakata pata go Kristo i le ne sauqita ita.

Luka 5:8

Ṉalu Saimon Pita i mia pata i sadaka go, i koloku tutuṉue tarakenaqana Jesu igo, “Kasi nava era Batu, era qa valeke vasakata pata.”

Karua Korinti 7:11

Muna mia pata i zazu ne God i va maqata qamu go, ramu qamu lete soko vasadakena i kaega ne qamu kebu. Ramu qamu muma, qamu poloso, qamu le ne miana vatovato totoloṉo tara sadaka me, qamu vanama ne valepulepu qira vano iri vasakata pata go, ianae qamu vasadake qamu lete totoloṉo e pataro nae.

Matiu 9:13

Za muna za toere velake talupasana seko i sine go Buka tabo igo, ‘Vari nanao tane qa soko go era dekoe basoero, do sosovolomo kaega.’ Ma sine ne qamu, era qaki lama ne kaega koru qira basoero iri vatovato velaka, do qa lama ne qira basoero iri vasakata pata go.”

Luka 17:12

I lama garogaro to kameka komala, ilama soba qira manoga basoe iri ko vokara ne mokoso i pala go kapotona tokama qira. Iri degere va laqalaqa meso.

Matiu 6:5

Jesu igo napu dena, “Ṉalu qamu pene, kasi gere qira basoero poqepoqe. Iri degere loborona Pade Lotu mana rikisina zuka lavata ro go iri ara pene va lavata go. Tanego iri soko mara mia basoero ne iri go. Ma sine ne qamu pata ogoto, iri pala bana to voli qira.

Matiu 10:3

Pilipi mana Batolomeu, Tomasi mana Matiu valeke palapala takisi ne, Jemisi sale ia Alepiasi, mana Tadio,

Maka 11:25

Mana ṉalu qamu degere pene go ne, do ko nigo kakia basoe qo va muma go ne, ono nanao ule kenaqa ne basoe nae. Iato nae gogo Tamaqamu iko mego rani, tina nanao ule ne qamue go pataro qamu vasakate go.

Luka 22:41

Gonae i kasi ne qira aqe desuka iza koloku tutuṉu mana i pene.