Luka 16:24 - Vato Vari Vakameka Voru Ia Batu Ne

²⁴ Gonae i koru aqe, ‘Mamae Abra-am, nanao ava me, turi me Lazarus mara vaboma ze karisina besi mana mara lama va lolomua kalamiaqu tanego era qa lete lama vokara e nako dena!’

Luka 16:24 Referans Kwoze

Revaleson 22:1

Gonae aqelo ne i vamia zave besi uguru na too i damara gere duviduvi na sirosiro i za reqe me de kolokoloku batubatu ia God mana Tunana Sipi ne go,

Tarama Velaka Ia Jesu Kristo I Karo Go Jon 4:10

Jesu i vataule ne ia igo, “Aro qoki rove kaega pata i soko teke nigo aro, mana qoki rove ava kaega era, qa pene besi, go ṉalu go to rove go ne, aro to pene besi ava era, besi igogo ne iki rove go kaega lupo.”

Tarama Velaka Ia Jesu Kristo I Karo Go Jon 4:14

Do ka basoe i besia go besi tuna soso nego era, tiniki ara kaṉoso kaega, tanego besi tuna soso nego era tina gere besi vuala i too taru mana i teke too gado kutona i kaega basoe ne.

Matiu 25:41

Taramuzina tuna sine ne qira vano iri koego tepa gede qu, ‘God tina va kimata qamu, kasi nava era mana za koego nako iki rove go kaega le i vanama bana go God, ni keia Satana mana aqelo sakata ro iago.

Revaleson 20:15

Basoero iki karo ego kaega vitoṉo qira buka na too dena, ria to nae tarina vana qira qe go bolu na nako ne.

Jemisi 3:6

Saqena basoe do izazu gere so nako ne, mana ipurake to topu pata sakata ro. Patavolomo i kameka pata sukae go so tokama qita ita, do imazala so vasakata lupona osina dia tokama qita. Mana ianae i vasakata lupo to osina too ita, paluze to sakataro iri reqeme go nako ne.

Luka 16:30

Valeke vavagado ne i vataule, ‘Ianae iki tora kaega mamae Abra-am! Do ṉalu kaki basoe tara too napu me tepa le, mana za sine ne qira ṉalu nae, ria iri mazala manava sakata ne vasakata pata ro ria.’

Luka 3:8

Muna zazu ne pataro go tina vasadake, go ramu qamu manava sakata nego vasakata pataro ramu. Mana kasi sine na Abra-am i tamaqamu. Masine ne qamu, God i mazala so palana i pakaro dena mana zazu ze so basoero ia Abra-am!

Jemisi 2:13

Tanego varitanae ia God iki sadaka me kaega varinanao de ikoego basoe iki manava ne qira go kaega basoero ne, do ṉalu aro qo manava ne qira go basoero ne, aro tina kaega nigo so sareki dekoe varitanae ia God.

Revaleson 19:20

Valeke i age go ose ne i pala pata qaraqara piru ne mana propeta poqepoqe ne mana i qolo vanadu qiru go. Propeta poqepoqe dena i zazu neze pata vari vapoloso ro tarakenaqana pata piru ne. Sauna to zazu vari vapoloso ro nae, iva qoqo qirae go basoero iri pala go lala ia mana iri vazaka go beku na go. Pata piru ne mana propeta poqepoqe ne iru vana va too too qiru aqe nako i poto sadaka mego loborona pua ne.

Karua Tesalonika 1:8

tina pala me nako ugulu, go tina vakimata qira basoero iri legulegua go God, mana ria iriki lulua kaega Tarama Velaka ia Jesu Kristo Batu ita go.

Leta Ia Pol I Karo Ne Qira Basoero Na Rom 4:12

I tamaqira napu so vano Jiu iri kosi bana go, iki sauna so kaega iri kosi go, do iri vaogote God gerena Abra-am ni zazu ne go tarakenaqana iara kaebo go kosi.

Tarama Velaka Ia Jesu Kristo I Karo Go Jon 7:37

Valupolupo na to musaqara na kelo ne, mana musaqara nae to i lete mazala sivala go, Jesu i degere mana i seko valavata, igo de, “Ka basoe i kaṉoso go mara lama va era, go mara ge besi.

Matiu 5:22

Do ma sine qamu, basoe i muma ne kaena ba togana gogone na pala vazao ze loborona varitanae. Basoe i seko sakate kaena ba togana nara vazao ze de iri koego vano gatagata pepeu go tarina va kimate ia. Basoe idamua kaena ba togana gogo ne, basoe nae tina zae loborona nako ne.

Matiu 3:9

Muniki vapala zeso sine na ramu tamaqamu Abra-am, iago God ki mazala kaega vakimata qemu, ma sine ne qamu, God i mazala so palana ipakaro dena mana zazu vatopu zego salero ia Abra-am.

Luka 19:9

Jesu i sine ne ia, “Ninidena vari vakavele i lama koe pade dena, tanego valeke dena do, i reqe meso sinaqe ia to Abra-am.