Luka 15:10 - Vato Vari Vakameka Voru Ia Batu Ne

¹⁰ Gerena so qa sine ne qamu go dena, aqelo ro ia God iri koego rani ne, iri lete kula sivala ne kameka basoe i manava sakata nego vasakata pata ia.”

Luka 15:10 Referans Kwoze

Luka 15:7

Gerena so qa sine ne qamu, ria iri koego rani ne tarina kula sivala ne de ikoego kameka basoe i manava sakata nego vasakata pata ia. Kula nae tina lete sivala ne iaṉaulu kaia vano iri nanao velaka, i kaega kapata tarina manava sakata nego.”

Karua Korinti 7:10

Iago maqata ivazazua go God, i kavale puṉuna basoe, mana i va sadaka me vari vakavele, iago maqata dena iki ko sivala kaega. Do maqata i lulua go nanao na pua dena mana iki taqia kaega God, ianae iva sadaka me le.

Luka 13:5

Kaega! Do masine ne qamu. Ṉalu ramu osiqamu qamuki vana ne kaega vasakata pata ramu, osiqamu tamuna le gere napu qira so ria nae.”

Matiu 18:14

Igere napua so Tamaqamu ikoego rani ne, iki soko kaega kaki kameka ria salero suka ia tarina rore go.”

Iburu 1:14

Aqelo ro ne, iri spirit so, iri ko mana osaka ne God mana God tina turine qira me, go tina tavisi ne qira basoero iri soko go pala na vari vakavele.

Zazu Ria Apostoloro 11:18

Ṉalu iri gata go seko ia Pita ne, iri mamanava to vari valegu. Iri vazaka God mana iri go dena, “Pata ogoto, God iteke napu ne qira so vano iriki Jiu go kaega nanao uleule mana too voru go!”

Luka 7:47

Iago ma sine nigo, ia i lete mamaligara nava era, iva sadaka vasakata pataro ia iri lete topu, do ninidena era qava kuziki lupo ne. Ṉalu God i vakuziki ne vasakata pata suka de ikoe kaki basoe, basoe nae i mazala so soso ne mamaligara suka ia de qa koego era.”

Matiu 18:10

Jesu igo napu dena, “Muna miasoka, muniki mia vapatavolomo qira salero suka ro. Ma sine ne qamu, aqelo ro ria iri ko tavise Mamae tepa rani ne.

Pilimon 1:15

Kadego Onisimusi iki kasi vaumata nigo kaega bago, go ia tono pala vaule go tinara koe de go koego aro osina ṉalu.

Zazu Ria Apostoloro 5:19

Do kuse nae, aqelo ia Batu ne i za papaqa siporaṉa na bara ne, ilulu vasiporo qira apostoloro mana i sine ne qira,

Matiu 10:32

Gonae Jesu i sine ne qira, “Ṉalu kaki basoe i sine vasadaka ze de iri koego basoero ne, igo, ‘Tanuna i lulu ara era,’ era tuna sine vasadaka napu ze ia de ikoego Mamae tepa rani ne, basoe nae i ke rera go.

Luka 12:8

Jesu i sine napu ne qira, “Ma sine ne qamu, ka basoe i sine vasadaka ze de iri koego basoero topu, igo i ke rera, era Tuna basoe na vagere napu ze so ia, de iri koego aqelo ro ia God.

Luka 12:9

Ba ṉalu kaki basoe igo, iki basoe rera kaega, mana i sine ze tarakenaqa qira basoero gogo ne, era Tuna basoe do, tuna sine napu ze tarakenaqa qira aqelo ro ia God, ia iki basoe rera kaega.

Luka 15:9

Ṉalu i soba go i koru qira vakitaka ro ia, mana ria onotona ro i sine ne qira, ‘Era qa lete kula sivala qa soba go kesa era gava rore go. Iago muna kula tavisi ava.’

Luka 15:11

Jesu i sine napu ne qira, “Kaki kameka valeke i toṉove karua sale valeke.