Luka 11:49 - Vato Vari Vakameka Voru Ia Batu Ne

⁴⁹ Ianae tanego, tarove ia God igo, ‘Era tuna turine qira ria propeta ro, mana apostolo ro. Kakiaro tarina va vokara qira, mana kakiaro tarina vae vale qira go.’

Luka 11:49 Referans Kwoze

Kameka Korinti 1:30

Do God i vazao qitae loborona vari vakameka ia Jesu Kristo, God i vadegere Kristo tina tarove ita. De ikoego ia, ita qata ko totoloṉoe de i koe God, ita qata basoero tabo ia God mana qata kavele go.

Kolosia 2:3

Kristo i mazala go papaqana vavagado ogoto ia God ni ko pipika go, iato vavagado na tarove mana rove na God go.

Epesus 4:11

Iato iteke ne qira go sosovolomo na soso, basoero na vudu pua. I vine qira kakiaro tarina apostolo, kakia ro tarina propeta, kakia ro tarina tarama ne Tarama Velaka, kakiaro tarina miasoka madau qira basoero ne, mana kakiaro tarina vari vatatana.

Kameka Korinti 1:24

mana de iri koego basoe i koru bana qira go God, vano Jiu mana vano iriki Jiu go kaega, tarama dena i Kristo, iato i karaputa ia God mana i tarove ia God.

Zazu Ria Apostoloro 22:20

Mana ṉalu iri vae vale go Sitivini ni tarama nigo aro, era to qa za degere tavisi, qa toqe ne tarina vae vale go ia, mana era to qamiasoka go poga ro ria vano iri vae vale go Sitivini.’

Zazu Ria Apostoloro 8:3

Do Sol i pada ne vasakata na eklesia, i kebae padepade ro, i raqasa vasiporo qira vano iri vaogoto go, valeke ro mana qolero, mana i vana qira qe loborona bara ne.

Zazu Ria Apostoloro 7:57

Ria iri koego loborona pepeu ne iri koru valavata iri poso qeqele qira, goto nae iri teteṉe za de ikoego Sitivini,

Zazu Ria Apostoloro 1:8

Do ṉalu Spirit tabo tina lamae de qamu koego ramu, ramu tamuna toṉove moqere ia, mana tamuna tarama ne sauqu era loborona komala lavata Jerusalema mana osina dia kena ro Judia, Samaria, mana osina dia kolabana pua ne.”

Tarama Velaka Ia Jesu Kristo I Karo Go Jon 16:2

Tarina kakale vasiporo qamue Pade Lotu ro, mana tina doka ṉalu, basoero tarina vae vale qamu, tarina go, iri zazu ne zazu ia God.

Luka 24:47

Mana loborona vitoṉo na ia, seko na nanao maqata na vasakata pata ro, mana nanao ule na vasakata pata gogo ne, tina vari vatatana ze osina dia kolabana pua ne, tina tupi e Jerusalema.

Matiu 22:6

kero ne, iri pala qira vano zazu ia batu lavata ne, iri sima qira mana vae vale qira go.

Luka 11:48

Vatovato nae ramu tanuqamu, gerena qamu toqe ne go pataro iri zazu nego kakazigarata ro ramu. Tanego ria iri vae vale qira propeta ro ne, mana ramu qamu sara kukubo qira go.

Zazu Ria Apostoloro 11:27

Torana ṉalu nae kakiaro propeta ro iri reqeme Jerusalema iri lamae Antiok.

Revaleson 16:6

Iago, ria iri vae vale qira go propeta ro ne mana basoero aro gogo ne, aro qo va besi qirae to parasa, ianae i volina to pataro iri zazu nego!”

Revaleson 18:20

Kula, ramu vano na rani ne mana basoero ia God, apostoloro mana propetaro ne tanego God i pero vanaqe komala lavata Babiloni! God i vasakate komala dena, tanego i sauna to pataro izazu bana qamue go ramu.