Luka 10:2 - Vato Vari Vakameka Voru Ia Batu Ne

² I sine ne qira, “Itopu pata gegena barue iṉara bana. Do taravia ria so vano zazu tarina pala vagado go. Pene ia i toṉove go barue ne go mara valame napu qira kakia ro vano zazu tarina pala me go pata gege na barue ne.

Luka 10:2 Referans Kwoze

Kameka Tesalonika 5:12

Turaquro, qimu pene vakaraputa qamu muna vamazala qira ria iri garetu zazue go de qamu koego. Tanego ria to iri vatatana qamue go too ia Kristo.

Maka 16:15

Jesu i sine ne qira, “Muna zae osina dia kolabana vudu pua mana tamana qirae basoero ne Tarama Velaka era dena.

Karua Timoti 4:5

Do aro ono miasoka va velaki go tanumu, loborona ṉalu na makuru ro, ono ko karaputa osina ṉalu. Ono vari vatatana ne Tarama Velaka ne mana ono va lupo velake go, tanego iato nae zazu i teke nigo God go tono zazu ne go.

Karua Tesalonika 3:1

Kameka pata napu turaquro, muna pene ne qemu remu, go tarama ia Batu ne, mara go katikili osina dia go osina basoero ne mara gata, mana vazaka Batu ne, gerena so i doka bana qamu go ramu.

Maka 13:34

Tina gere valeke i vele kasi ne pade ia, i vanama ne qira vano zazu ia soso zazu ro tarina zazu ne go. Ṉalu i teke lupo ne qira to zazu ro ria, i sine ne valeke i miasoka go siporoṉa na pade ne, ina mimia taru so osina ṉalu.

Kameka Timoti 4:10

Ita qata zazu vokara taru so, tanego qata vaogote God i too. Iato i mazala go vakavele qira osiqira basoero ne, mana tina vakavele qita ita qata vaogote go iago.

Zazu Ria Apostoloro 22:21

‘Ono za,’ Batu ne, ‘Era qa turi vazao zigoe aro, de iri koego vano iriki Jiu go kaega.’ ”

Zazu Ria Apostoloro 20:28

Muna miasoka tanuqamu mana osiqira kero ne basoero, tanego Spirit tabo ne i taru ze vari miasoka ramu, tamuna miasoka eklesia ia God, gere qira vano miasoka sipi, to ia i toṉove go, tanego Sale ia i teke ne too ia, i voli bana zego parasana.

Zazu Ria Apostoloro 13:4

Turi ia Spirit tabo, Banabasi mana Sol iru za vosoroe komala lavata Silisia, kasi ne de gogo ne iri toka, kavaza ṉugu Saeprus.

Zazu Ria Apostoloro 13:2

Ṉalu iri vazaka God mana iri qaniqani go, Spirit tabo ne i sine ne qira, “Muna taru vakakavata qiru Banabasi mana Sol, go tiruna zazu nego zazu qa koru qirue go era.”

Zazu Ria Apostoloro 11:19

Kavia ro ria iri paqa bana torana ṉalu iri vaevale go Sitivini iri za dokae kena Ponisia mana Saeprus mana komala lavata Antiok go. Mana iri tarama ne Tarama Velaka de iri koego so vano Jiu.

Zazu Ria Apostoloro 8:4

Vano iri vaogote go Jesu iri repe lupoe osina dia ro, iri za tarama ne Tarama Velaka ne.

Luka 9:1

Jesu i koru qira manoga karua disipoloro ia, mana i teke ne qira karaputa mana mazala go iri mazala kakale na manuru sakata ro, mana va velaka qira vano i pala qira go soso mokoso ro.

Maka 16:20

Taramuzina to nae, disipoloro ne iri za tamana zeto osina dia Tarama Velaka, mana Batu ne i zazu tavisi qira mana tamanaro ria i lama ogoto ṉalu iri zazu ne go topu pata vari vapoloso ro, i reqeme go karaputa ia.

Matiu 20:1

Gonae Jesu i sine napua, “Too ikoego vari miasoka ia God, i gere kameka valeke i zaza va sarusaruku, i taqi qira basoero tarina zazu e barue ia mana tina voli qira go.

Pilipae 2:25

Era qa nanao itora tuna turi vaule zatu vakitaka ita Epaparoditus, qamu va lame ze de qa koego era, go i zazu tavisi ava, mana i varitara tavisi ava go dena.

Pilipae 2:21

Osiqira ria kero ne basoero, iri taqia so pata iri soko ne tanuqira, ba pata i soko go Jesu Kristo, iriki zazu ne kaega.

Kameka Korinti 12:28

Loborona eklesia ne, God i taru qira koko na basoero. Kenaqa na i taru qirae ria apostoloro, varuana ria propeta ro, vapisana ria vano vari vatatana, mana ria iri zazu nego zazu vari vapoloso ro, kakiaro vano iri mazala go vole va velaka qira go vano mokoso, kakiaro vano iri mazala tavisi ne qira basoero, mana kakiaro iri mazala seko ne seko kakavata ro.

Kolosia 1:29

Go tina zazu go pata dena, era qa lete zazu vokara, qa va zazua karaputa lavata i sosovolomo nego Kristo, mana iato i zazu ego de qa koego era.

Pilipae 2:30

tanego ia, i teke too ia mana i garogaro le ne, sauna zazu ia Kristo, i zazu ne osina pataro dena, go tina tavisi navae era kakiaro zazu ni makuru qamu go ramu tamuna tavisi navae go.

Iburu 3:6

Do loborona osaka i vae go Kristo i tuna go God, iato i kenaqa ne miasoka na basoero ia. Ita to qata basoero ia ṉalu qata va nadua go vaogoto ita mana vanadu ze nanao qita de ikoego God.

Kameka Tesalonika 2:9

Pata ogoto, ramu turaqemu, qamu nanao tarua de i gogo qemu zazu kuse mana musaqara, go timuniki va makuru qamue kaega ramu sauna pata gege, ṉalu remu qimu tamana ne qamue Tarama Velaka ia God.

Kolosia 4:12

Kameka seko ramu Epaparasi i basoe zazu ia Jesu Kristo i vagaretu napua seko velaka ia de qamu koego ramu, osina ṉalu ia i pene vakaraputa ne sauqamu ramu, i pene God go tamuna degere vanadu loborona nanao vakazigarata, nanao rove, mana vaogote na Kristo.

Karua Korinti 6:1

Loborona zazu vari vakameka remu de ikoego God, remu qi pene vakaraputa qamu, ramu qamu pala go too velaka ia God mara kasi vana volomo.

Kameka Korinti 15:10

Do loborona Mana ia God era qa apostolo ia. Manava i teke nava go era iki vana volomo kaega, do i zari urena. Tata mia zaqe go ne, era qa zazu vokara sivala ne qira kerone apostoloro, do iki zazu miki era kaega tanuqu do Mana ia God i zazu tavisi ava.

Pilimon 1:1

Era Pol qa koe loborona bara ne, tanego qa basoe zazu ia Jesu Kristo. Mana vakitaka ita Timoti qaru karo vagaretua leta dena, de qo koego aro vakitaka raru Pilimon qata kameka zazu go,

Revaleson 2:1

Valeke ne i sine napu nava era igo dena, “Ono karo ne zaqe Aqelo ni koego Epesus. Iato dena sekoro era, valeke qa pala taru zego kavitu domiri ne karisi matauqu, mana qa goe go vari lobori qira pazi qolu ro ne go.