Kapisa Jon 1:9 - Vato Vari Vakameka Voru Ia Batu Ne

⁹ Qa karo bana zatu kameka leta pusi de iri koe vano lotu na komala nae, do Dioterepesi i soko go mara kenaqa ne qira basoero ne igo, iki soko kaega pata qa sine go era.

Kapisa Jon 1:9 Referans Kwoze

Luka 9:48

Mana i sine ne qira, “Ka basoe iva velaka ne sale suka dena loborona vitoṉo qu era, ia iva velaka nava era, mana ka basoe iva velaka nava era, iva velaka napu neso ia ni turi nava go era. Tanego ia i lete sukae to de qamu koego ramu, iato i lete mazala sivala ne qamu go.”

Maka 9:34

Do iriki sine ne so kaega ka pata. Tanego, lama iri vae go zuka ne iri vari valegu ne tanuqira, sauna akena tane ilete mazala sivala ne qira go osiqira ne.

Kapisa Jon 1:8

Iago itora ita vano lotu mata tavisi ne qira basoero dena, go tatana varivatatavisi ne go zazu dena sauna vasadake na seko ogoto dena.

Leta Ia Pol I Karo Ne Qira Basoero Na Rom 12:10

Muna vari mamaligara napu tanuqamu gerena qamu kameka tamakenae loborona Kristo.

Maka 9:37

“Ka basoe iva velaka ne go sale suka ro iri gogo dena loborona vitoṉoqu era i velaka nava to era go. Mana ka basoe iva velavelaka nava era, iva velavelaka napu neso ia i turi nava go era.”

Matiu 7:8

Tanego basoe i pene go God, ia tina pala banaso, basoe i taqia, tina soba mana basoe i tetedeke siporoṉa tina papaqa bana neso.

Kolosia 1:18

Iato i kuzuku na go tokamana eklesia ne, mana iato i kutamana eklesia ne go. Iato i sale podo kenaqa ia i too kenaqa me tepa le, go tanuna so ia tina pala go de koko kenaqa. Sivala ne qira kero ne pataro.

Karua Jon 1:9

Ka basoe iki vanadue go kaega varivatatana ia Kristo, mana vazazao kakavata varivatatana nae igogo ne, iki toṉove kaega God. Do ka basoe i lulu totoloṉe go varivatatana ia Kristo, ia itonovo qiru to Tamana mana Tuna.