Kameka Timoti 4:6 - Vato Vari Vakameka Voru Ia Batu Ne

⁶ Ṉalu tono sine ne qira sekoro dena de iri koego vakitaka ita loborona lotu, ṉalu nae aro qo kakia basoe zazu velaka ia Jesu Kristo. Mana aro tono degere mana tina zaza popoka vaogoto qo lulua go, mana noqo pala bana go.

Kameka Timoti 4:6 Referans Kwoze

Kolosia 3:16

Topu vavagado velaka ikoego Tarama Velaka ia Kristo, muna soti ze puṉuqamu. Vari vatatana mana vari vagata ne osina to tarove ia. Vazaka ze God nanao qamu, vae ne kera na Buka tabo, kera lotu i reqeme de ikoego Spirit tabo mana seko velaka ne God loborona puṉuqamu.

Taetusi 2:1

Do aro Taetusi, ono vatatana qira e basoero ne de igogo vatovato totoloṉo i lulua go vari vatatana ia God.

Kolosia 4:7

Vakitaka ita Tikikasi remu qi nanao tarua ia, i zazu velaka mana i tavisi seko ne na Tarama Velaka ne, i basoe zazue loborona zazu ia Batu ne. Iago, iato tina sine ne qamu ramu de go osina to tarama qu era.

Matiu 13:52

Iago Jesu igo, “Osiqira vano vari vatatana na Tamana iri lulua go de go vari vatatana na Too ikoego vari miasoka ia God, i gere ṉalu batu na kaki pade i pala vasiporo ze pade ia pata velaka ro mana kakiaro pata voru, mana kakiaro pata bana go.”

Judi 1:5

I pata ogoto, ramu qamu rove lupo bana to tane pataro dena, do era ma vananao taru napu qamu e ramu de igogo Batu ne, i vakavele qira ego vano Izirel vudu Izipito, do ia i vae vale napu qira vano iriki vaogote go kaega.

Karua Jon 1:9

Ka basoe iki vanadue go kaega varivatatana ia Kristo, mana vazazao kakavata varivatatana nae igogo ne, iki toṉove kaega God. Do ka basoe i lulu totoloṉe go varivatatana ia Kristo, ia itonovo qiru to Tamana mana Tuna.

Kameka Pita 2:2

Muna gere qira sale medara iri ara podo go, iri lete soko go susu. Ramu muna soko susu i lete dalo go, susu nae tina vakaraputa qamu mana God tinara va kavele qamu go.

Karua Timoti 4:3

Tanego tina lama doka ṉalu basoero ne tariniki gata kaega vari vatatana ni ogoto go, do tarina lulua so pata iri soko go tanuqira, tarina taqi qira soso vano vari vatatana ro, go tarina gata vari vatatana iri soko go tanuqira.

Karua Timoti 3:10

Do aro qo lulua vari vatatana ro era, mana qo miarove bana too era mana pataro qa soko go zazu nena go. Qo miarove bana vaogoto era, de go qa vakapo qira basoe, qa mamaligara ne qira basoero ne mana patavolomo makuru i dokava era qara karaputa so.

Karua Timoti 1:6

Sauna to ianae, gava nanaotaru goe ono vatoo sosovolomo i teki go God, ṉalu qa taru poka ze tokamamu karisiqu.

Kameka Timoti 6:3

Basoero iri vari vatatana ne vari vatatana kakavata, iki lulua go kaega seko ogoto ia Batu ita Jesu Kristo mana vari vatatana na lotu gogo ne,

Kameka Timoti 4:16

Mia tarua too mana vatovato aro Timoti, mia velake varivatatana aro, ba pata qo varivatatana nego. Ṉalu qo zazu taru neso karua pata dena, aro qo mazala to vakavele go tanumu mana ria iri gata go pataro qo sine go.

Kameka Timoti 1:10

Vano iri taunata, valekero iri zazu sakata napu tanuqira, vano iri pala va seka qira, kero ne vano iri poqepoqe, iri sine go pata iki ogoto go kaega, vano iri poqe go loborona varitanae ne, vano iri zazu nego kakia ro pata iki totoloṉo ego kaega vari vatatana ogoto.

Kameka Tesalonika 3:2

Do, Timoti qaru turine zatu go tina garetu go, tanego ia i kakia basoe zazu ia God tina tarama ne go Tarama Velaka sauna Jesu Kristo. Qaru turine zatu iago tina vakaraputa, mana tavisi ne vaogoto ramu.

Kolosia 2:19

Basoe nae iki pala taru vanadu e kaega de koe Kristo, ia to i kuzukuna go tokama qita, Mana kuzuku nae to i va karaputa go tokama ne go tina podo vamoqere go vari soma na de i koe uri ro mana rota ro go, go tokama ne tina podo, gere so de i soko go God.

Pilipae 3:16

Patavolomo igogo nae, ita mata, lulua so, Tamana qata lulu bana go, go i doka go ninidena.

Epesus 6:21

Tikikasi to tina sine ne qamu go ramu osina taramaqu era. Ia i valeke vakitaka velaka ita, mana i basoe zazu velaka ia Batu ne go.

Karua Korinti 6:4

Iago, osina pataro qi zazu nego, qi vamia qamue ramu, remu qi vano zazu ia so God, qi soba ze vari vamomotoṉo ia, ṉalu na makuru ro, pada ro mana ṉalu qi riro go.

Karua Korinti 3:6

Ia so iva mazala qemu go remu, go qi osaka ne zazu ikoego go varitoqe voru ia. Iki sadaka banae kaega Tamana ro iri karo go, do i reqe me de koe Spirit tabo. Tamana ro iri karo go i valame le, do Spirit ne, i teke ne qita too.

Kameka Korinti 4:17

Iato go era qa turi ne zatu go Timoti, ia i sale velaka era i zazu velaka sivala ne zazu ia Batu ne, ia tina vananao taru qamue ramu tamana ro qa lulua go era, loborona too voru ni vari vakameka e dekoe Jesu Kristo, mana iato qa vari vatatana ne era, de iri koego basoero na eklesia iri koego osina dia.

Leta Ia Pol I Karo Ne Qira Basoero Na Rom 15:15

Do loborona leta dena qa soko vakaraputa ne qamu kavia pata lavata ro qa soko muna nanao tarua ramu qa go. Tanego sauna zazu ia God iteke bana nava,

Zazu Ria Apostoloro 20:35

Era qa va mia lupo bana qamu e osina pataro, tanego ṉalu qata zazu vokara ne ia dena, ita qata mazala to tavisi ne qira vano iri pela go. Muna nanao tarua seko i sine go tanuna Jesu Batu ne ego, T topue kulakula ṉalu qo soso ne, gerena so ṉalu qo pala go.’ ”

Zazu Ria Apostoloro 20:31

Muna miasoka basoero gere qira ria nae, mana nanao tarua, era qa lete ko makuru kuse, mana musaqara qa vatatana qamu go osiqamu loborona kapisa ave.

Luka 1:3

Iago, era qa lete toere mana qa nanao luluse pataro dena, deni go bana me kokoso vatupiana na me. Mana qa nanao itora to tuna karo nigo aro de igogo zazao na pataro dena.

Zazu Ria Apostoloro 1:15

I sivala kavia musaqara vano iri vaogote go Jesu iri teṉo go, torana kameka vasa karabete ria, mana Pita i degere i seko.

Karua Korinti 11:23

Iri go iri vano zazu ia Kristo. Era to qa basoe zazu velaka ia Kristo, qa gere to sekoseko na basoe bulaṉoe. Era qa zazu vakaraputa sivala ne qira basoero nae, qa koe bara ne topuna ṉalu, iri sima va topu na ṉalu, mana topu ṉalu era qa garogaro le go.

Pilipae 2:20

Tanuna so Timoti, i pala go nanaoqu era, mana i kameka ego de qa koego era, mana i lete nanao qamu go.

Pilipae 2:22

Mana ramu qamu rove tanuqamu de igo ia ivasadake go ogotona mazala ia, de go raru qaru gere tatamana, kameka zazu ne sauna Tarama Velaka.