Kameka Timoti 4:12 - Vato Vari Vakameka Voru Ia Batu Ne

¹² Aro qo ara basoe voru so, iago pada ne, go mara kasi nanao vaqoqori go. Ono vasadake vatovato velaka de iri koego vakitaka lotu ro loborona seko ro aro, too aro, mamaligara aro, vaogoto aro mana too dalo aro go.

Kameka Timoti 4:12 Referans Kwoze

Taetusi 2:7

Aro Taetusi ono vasadaka ne qira too mana vatovato velaka, go basoero ne tarina lulua go. Mana vari vatatana aro mara totoloṉo, go basoero ne tarina mia vamazale go.

Karua Timoti 2:22

Oniki lulua too mana vatovato sakata ria vano voru, do ono ko vona qira basoero i totoloṉo go nanaoqira mana iri vamazale Batu ne. Ono pada ne vasadake na too totoloṉo, vakaraputa na vaogoto, vari mamaligarae mana vakapo ne qira basoero ne go.

Karua Timoti 2:15

Ono pada ne lete zazu vavelaka, go God tina soko go zazu aro, ono vari vatatana velaka ne seko ia God loborona zazu totoloṉo, go toniki agava e kaega tarakenaqana God.

Kameka Pita 5:3

Mana kasi nanao na lete batu sivala ne qira basoero qamu miasoka qira go, do muna va mia qirae vatovato velaka ro ramu, go tarina lulua go.

Kameka Korinti 11:1

Iago muna lulua vatovato era, gerena era qa lulua go vatovato ia Kristo.

Kameka Tesalonika 1:6

Ṉalu ramu qamu lulua go vatovato reremu, qamu lulu napua so vatovato ia Batu ne, patavolomo qamu soba go vokara, do ramu qamu kula ṉalu qamu pala go Tarama Velaka iza reqeme go Spirit tabo.

Taetusi 2:15

Osina ṉalu ono vatatana qira e basoero ne zazao na pataro qa sine go era. Ono vazazua osina to karaputa i ko nigo, go tono vakaraputa go nanao qira, ono seko va moqere ṉalu iriki lulua go kaega vari vatatana aro. Go kaega ka basoe tinara mia vaqoqori go.

Matiu 18:10

Jesu igo napu dena, “Muna miasoka, muniki mia vapatavolomo qira salero suka ro. Ma sine ne qamu, aqelo ro ria iri ko tavise Mamae tepa rani ne.

Karua Timoti 2:7

Nanao velaka zaqe pataro qa sine nigo, mana Batu ne tina tavisi nigo, go tono rove velake go.

Jemisi 3:13

Akena tane kaki basoe tarove ikoe de qamu koe go, mana irove osina pata igogo na? Basoe nae mara vasadaka me to, too velaka ia, mana pata velaka ro ni zazu ne ze go too kovasoka ia ireqe mego tarove iago.

Jemisi 3:17

Do tarove ireqeme go rani ne idalo bana me so tupiana na osina pata mana ireqeme too bulebule, too poro seko nena kaega pata mana too varikitaki. Iago ipurake to too varinanao, mana ivazari me to urena zazu velaka sivala, iki vari kakavatae kaega mana too tatakiu ne qira kaega basoero ne go.

Pilipae 4:8

Valupolupo na turaquroe, vapuraka ze nanao qamu pataro ni velaka go, mana i tora go tatana kula ne, pataro i ogoto, pataro tina vatabo go basoe, too totoloṉo, too dalo, lete meno, mana too va mazale na basoe go.

Kameka Tesalonika 2:10

Ramu qamu tarama ne qemu remu mana God i rove napua de i gogo vaogoto raramu i dalo mana i totoloṉo, mana ikaega napu kaki pata iara kebu go.

Kameka Timoti 1:14

Mana Batu ita ne i zuga me topu na Mana ia de qa koego era, mana i teke nava vaogoto mana mamaligara, iato ike ita loborona vari vakameka de ikoego Jesu Kristo.