Kameka Timoti 1:9 - Vato Vari Vakameka Voru Ia Batu Ne

⁹ Ita mata nanao tarua, ogotona tamana ro dena iki degere ne qira kaega vano velaka, do i degere ne qira vano iri vae tamana, mana iri zazu ne too sakata ro, ria vano iri vasakata pata iriki vaogote go kaega God loborona puṉuqira, ria iri vae vale qira tamaqira ro mana sinaqira ro mana kero ne basoero go.

Kameka Timoti 1:9 Referans Kwoze

Qalesia 3:19

Iago, ava sauna tane Tamana i zari go? God i palu zaqe Tamana dena go mara vasadaka me zazu kebu ro qata zazu ne go ita, go tina za doka go ṉalu Sale ni pui bana ne go God de ikoego Abra-am tina lama go. Tamana dena i reqeme de iri koego aqeloro ne, iri teke nego Mosese valeke ni zazue go vari loborina God mana basoero ne.

Kameka Pita 4:18

Pata i sine go Buka tabo ne, igo dena, ‘Iki pata malumu kaega vano totoloṉo tarina kavele, iago, avana to tina doka qira go vano iriki vaogote go kaega God, mana iri koego so too sakata igogo ne?”

Leta Ia Pol I Karo Ne Qira Basoero Na Rom 5:20

Ṉalu God i valame go Tamana basoero ne iri lete zazu va popokato zazu sakata. Do ṉalu vasakata pata i zaza popoka, Mana ia God i lete zaza popoka sivala to go.

Qalesia 5:23

Ko vaqoqoro mana ko miasoka go so tanumu. Ikaega to kakia seko na Tamana tina vasakate go pataro dena.

Taetusi 3:3

Tanego ṉalu bana ne qata bulaṉoe, go qata legulegu, qata soko go pataro ivakula so tokama qita, patana ro pua dena. Qata variqo ze too ita zazu sakata ro, mana qatiki soko qira kaega kero ne basoero ne, gereso ria iriki soko qita go kaega.

Leta Ia Pol I Karo Ne Qira Basoero Na Rom 6:14

Kasi vamao nena vasakata pata go mara batu ne qamu tanego ramu qamuki too e kaega tamana, do qamu too e Mana ia God.

Leta Ia Pol I Karo Ne Qira Basoero Na Rom 1:30

Iri vari seko sakata tanuqira mana kana ne God, iri damua kene basoe iri vazaka napu, mana iri poro legulegua tamaqira mana sinaqira go.

Revaleson 22:15

Do basoero iriki agava ne kaega vasadake na vatovato sakata ro ria, vano zazu tatakiu, vano vari vagabu, vano iri vae vale basoe, vano iri vazaka go beku poqepoqe ro mana vano iri poqe ne seko mana vatovato ria gogo ne, tarina koe so pekapeka na komala lavata ne.

Revaleson 21:8

Do basoero i kaega ne qira padapada, vano iri vabesa nego vakitaka ro ria, vano iriki agava ne kaega vasadake na vatovato sakata ria, vano iri vae vale basoe, mana vano iri zazu nego zazu tatakiu mana vari vagabu, ria iri vazaka qira go beku poqepoqe ro gogo ne, varuana le ria ne, iato bolu na nako i poto sadaka mego loborona pua ne.”

Taetusi 1:16

Patavolomo tane i sine, irove God igo, do vatovato ia tanuna ivasadake i vae napua so seko ia tanuna. Basoero iri gogo nae, iri vano sakata, iriki toqe ne kaega vaogote na God, mana i makuru qira tarina zazu ne kaki pata velaka go.

Kameka Pita 3:20

Madauro dena, i madau qira vano iriki vaogote go kaega God. Ṉalu God i piri ne go musaqara ro Noa i zazu ne go koluka ne, tarazalu ria so iri kavele ne go kiale lavata ne,

Iburu 11:31

Qole vari vagabu, vitoṉona Reab i vaogote God, iato go iki le palu qira kaega basoero iri legulegua go God. Ia i vagado velaka qiru karua valeke kakavaro ria vano Izirel.

Karua Tesalonika 2:8

Ṉalu nae basoe vae tamana nae, tina lama sadaka to, do ṉalu Batu ita Jesu tina lama napu go, ia tina vae vale ze ia kikiuru na marapuga ireqe mego saqena. Mana tina lete vasakate to ia karaputana lama sadaka tina vae go Jesu.

Leta Ia Pol I Karo Ne Qira Basoero Na Rom 4:13

Ṉalu God i pui ne Abra-am mana ria sasaqi vari soma ia, go vudu pua tina ke ria go, God i pui ne pata dena sauna Abra-am i vaogote Tamana iki go kaega, do tanego Abra-am i vaogote God, mana God i toqe ne Abra-am i basoe totoloṉo.

Matiu 10:21

Kakiaro basoero tarina vabesa ne qira togaqira ba kaeqira go tarina vae vale qira, mana gere napu qira so tamaqira salero tariniki soko qira kaega salero ria go. Salero tariniki soko qira kaega vanovano ria. Tarina vazao qirae vanovano ria de iri koego baturo, go tarina vae vale qira.

Kameka Pita 2:7

Ipaka to dena ilete mazala sivala ne qamu go ramu qamu vaogote go Kristo, do ria iriki vaogote kaega, Buka tabo ne igo, “Iato ipaka iriki ruqe go kaega vano zazu pade ne, iato itaitana mana i lete mazala sivala go ṉalu ninidena.”

Iburu 12:16

Kaega ka basoe mara zazu ne zazu sakata ro ba ki nanao vamazale kaega God, gere na Isua ṉalu ia i lete saqo go, i volivoli vakava ze Jekop sosovolomo ia, gere sale valeke kenaqa.

Qalesia 5:21

Ma sine vakaraputa ne qamu, gerena so qa sine bana ne qamu go, basoero iri zazu ne too ba vatovato igogo dena, i makuru qira tarina pala go Too ikoego vari miasoka ia God.

Qalesia 5:18

Do ṉalu Spirit tabo i kenaqa ne qamu osina ṉalu, Tamana iki ara batu ne qamu to kaega.

Kameka Timoti 4:7

Oniki gata pepeu volovolomo vari vaqoqo ro ria, tanego iki pata ogoto kaega. Do ono pada ne va karaputa na too kristiano aro.

Kameka Timoti 6:20

Timoti ono miasoka velake Tarama Velaka ia God i taru bana zego go karismu. Tabali kakamu ne seko sakata ro i vasakate God iri poqe ne iri go, ianae to i tarove velaka.

Karua Timoti 2:16

Oniki ko tavisi qira basoero iri pepeua go pata volovolomo ro, tanego pepeu igogo ro nae, iva laqalaqa qirae basoero ne de i koego God.

Karua Timoti 3:2

Basoero ne tarina nanao so tanuqira mana tarina soko topuna kesa go. Tarina vazakanapu mana kuzuku lavata go. Tarina seko sakata qira basoero mana tarina legulegue de iri koego vanovano ria go. Tariniki sine kaega seko velaka mana tariniki nanao soba kaega God go.

Taetusi 1:6

Basoe tono vine go, tina basoe totoloṉo so mana tina kameka so qole ia. Salero ia tarina vaogote Jesu Kristo. Iki velaka kaega basoero ne tarina go salero ia iriki lulua kaega vato mana too ria i sakata go.

Taetusi 1:10

Aro qo rove topu ria basoero iri koego nae, iriki toqe ne kaega vaogote na vari vatatana ogoto ne. Topu ria ne iri vano Jiu iri lama vaogoto go, do iri sekoseko volomo so mana iri poqe ne qira basoero ne go.

Judi 1:15

tina lama varitanae ne qira basoero topu mana tina vakimata qira vano sakataro iriki vaogoto kaega mana iri zazu ne pata sakata ro mana iri seko sakate go ia!”