Kameka Timoti 1:5 - Vato Vari Vakameka Voru Ia Batu Ne

⁵ Ala go i reqe go seko tamana dena, go ita mata vasadaka me mamaligara i reqe mego puṉu ni velaka go, nanao velaka mana vaogoto de ikoego Kristo i lete ogoto go.

Kameka Timoti 1:5 Referans Kwoze

Kameka Timoti 1:19

mana sotia vaogoto aro mana nanao velaka loborona puṉumu. Kakiaro basoero iriki lulua kaega nanao velaka loborona puṉuqira, iato go vaogoto ria i zaza kakavata go.

Qalesia 5:22

Do Spirit tabo i soso ne mamaligara, kulakula, bule nanao, muma katikili kaega, i soso napu ne too vari nanao, too velavelaka mana too basoe nadu go.

Karua Timoti 2:22

Oniki lulua too mana vatovato sakata ria vano voru, do ono ko vona qira basoero i totoloṉo go nanaoqira mana iri vamazale Batu ne. Ono pada ne vasadake na too totoloṉo, vakaraputa na vaogoto, vari mamaligarae mana vakapo ne qira basoero ne go.

Karua Timoti 1:5

Qa nanao ule zaqe karaputa na vaogoto aro, igere vaogoto ia sinamu qole Loisi mana sinamu lunasi go. Qa rove vaogoto aro igere napua so karaputana vaogoto ri riru nae.

Karua Timoti 1:3

Qa seko velake God, iato qa basoe zazu ia, mana qa osaka ne zazu ia loborona nanao mana too velaka era, gere qira so vanovano bana era iri zazu nego. Qa seko velake ia nanao taru qa vae qamu go mana loborona pepene era kuse mana musaqara go.

Kameka Pita 3:21

mana besi dena i lalana bapitema iva kavele qamue go God. Sauna bapitema dena iki besi saboro va dalo na kaega korena tokama, do i sauna go muna zazu ne pui de ikoego God, ireqe mego nanao velaka ramu, mana iato i vakavele qamue go loborona too ivae napu me tepa le Jesu Kristo.

Kameka Pita 3:16

Do muna zazu ne ze so loborona seko velaka mana padapada. Mana va totoloṉe nanao qamu go mara velaka osina ṉalu, go ia ṉalu iri seko sakata qamue too velaka ro qamu lulu ze go Kristo, ria tarina agava ne pataro iri sine ne qamu go.

Kameka Pita 1:22

Ninidena vaogoto ramu iva dalo napu qamu, mana qamu lete mamaligara ne qira kero ne vano lotu, iago muna vari mamaligarae napu tanuqamu loboro na puṉuqamu.

Karua Pita 1:7

Muna mamaligara ne qira vano lotu, mana muna lete mamaligara napu ne qira basoero topu go.

Leta Ia Pol I Karo Ne Qira Basoero Na Rom 10:4

Tanego Kristo i lama va mamanava bana to Tamana, go basoero iri vaogoto go, God tina vatotoloṉo qira go.

Taetusi 1:15

Basoe i velaka go nanao na, i rove osina pata i velaka mana i tora vazazu na go. Do basoe iki velaka go kaega nanao na, mana iki vaogote kaega God, i rove osina pata iki velaka kaega. Iago basoe nae ne, nanao na mana vatovato ia gogo ne i sakata lupo bana to.

Kameka Timoti 3:9

Mara vanadua vaogoto i ko bana me, mana kasi ara karua nanao go.

Karua Korinti 1:12

Kameka pata remu, qi lete vazakanapu ne mana qi vaogote remu qi vasadake vatovato velaka ro remu, loborona vari vakameka de qata koego, loborona va vaogoto mana osaka na soko ia God. Remu qimuki zazu vamiki e kaega loborona tarove remu tanuqemu, do loborona so karaputa na Mana ia God.

Kameka Pita 4:8

Pata i lete lavata sivala go muna lete vari mamaligarae, tanego mamaligara to i mazala go vakuziki nena osina vasakata pataro ramu.

Jemisi 4:8

Muna lama ko garogaro de ikoe God, go God tina ko garogaro qamu go. Muna vanane vasakatapata ramu vano qamu zazu ne qo vasakatapata, mana vadalo puṉu qamu ramu vano qamu tatakiu go.

Zazu Ria Apostoloro 23:1

Pol ireṉa totoloṉo za de iri koe go vano pepeu ne, mana igo dena, “Ramu turaquro na Izirel! Puṉuqu qa nanao vaogote too era i totoloṉoe tarakenaqana God i dokae go musaqara ninidena.”

Kameka Jon 3:3

Iago osiqira ria iri piri ne go lama napu na Kristo, ria mara miasoka velake tanuqira tepa ia vasakata pata gerena Kristo i dalo bana go.

Iburu 10:22

Iago ita mata za garogaro God, tanego nanao qita i dalo mana vaogoto ita i karaputa. Nanaoqita i poṉo ego vasakata pata, tina vavoru ze parasana Kristo, mana tokama qita tina dalo tanego qata seqe ne besi voru.

Kameka Korinti 13:1

Qa mazala so seko ne, seko ria basoero mana seko ria aqelo ro, do ṉalu qaki mamaligara ne qira kaega basoero ne, seko ro era i vari vaiqi gere so naki na kuvili, ba moki lubilubi iri lubia go.

Leta Ia Pol I Karo Ne Qira Basoero Na Rom 14:15

Do ṉalu qo va maqata zego turamu sauna pata gege qamu ge go, aro qoki zazu ne kaega mamaligara. Iago, kasi vasakata na pata gege qamu gego, go tina vasakate go kaega basoe iie bana ne go Kristo.

Leta Ia Pol I Karo Ne Qira Basoero Na Rom 9:1

Pata qa sine go i pata ogoto. Tanego era qa basoe ia Kristo, iago qaki poqe kaega Spirit tabo i kenaqa ne nanaoqu mana nanaoqu i varove velaka ve qaki poqe kaega.

Zazu Ria Apostoloro 24:16

Mana iato go era qa pada taru neso go mava totoloṉo nanaoqu mana vatavato era, dekoe tarakenaqana God mana basoero ne.

Zazu Ria Apostoloro 15:9

Iki vine vakakavata qita kaega ita mana ria go. I nanao ulene vasakata pata ro ria, tanego iri vaogote ia, gerena napu so ita.

Matiu 12:35

Basoe velaka i ko ne nanao velaka, izazu ne vatovato velaka go. Do basoe sakata i ko ne nanao sakata mana i zazu ne so vatovato sakata go.

Matiu 5:8

Kula ria basoero i velaka go nanaoqira, tarinara mia God taramuzina.

Kameka Jon 3:23

Tamana ro ia i sine ne qita go igo dena, mata vaogote sale ia Jesu Kristo mana vari mamaligarae napu tanuqita, gere Kristo i sine bana ne qita go.

Iburu 13:18

Muna pepene taru ne qemu. Remu qi lete rove nanao qemu i totoloṉo mana qi soko ne zazu nena pataro i totoloṉo go.

Iburu 9:14

Tanego iadena i pata ogoto, zazu ia parasana Kristo i lete lavata, loborona Spirit i too sivala go ia i teke zaqe tanuna gerena kaki koma koma i lete totoloṉe go de ikoego God, parasana ia tina vadalo puṉuqita mana nanaoqita mana tina qusa vakuziki ne zazu volovolomo ro i kaega go tatalina, go ita tatana osaka ne God.

Qalesia 5:6

Tanego ṉalu ita qata ko vakamekae go Jesu Kristo, ikaega so kaki pata i varivakakavatae go basoe i kosi ba iki kosi go kaega. Do pata i lete mazala sivala go ne, vaogoto tina vasadaka mego mamaligara. Iaso nae i pata mazala go.

Leta Ia Pol I Karo Ne Qira Basoero Na Rom 12:9

Tanego ṉalu qamu mamaligara ne qira go basoero ne, mara reqe me to mamaligara ogoto ramu. Iago vanaqe to pata i sakata mana palataru vanadua to pata velaka.

Kameka Timoti 1:18

Sale era Timoti, tamana dena, era qa taru ze to deqo koego aro, gerena so seko iri sine bana zame ṉalu bana ne. Vazazua seko ro nae gerena pata varitara, go tono varitara va velaka go,

Kameka Jon 3:10

Pata tina sadakae go vari vakakavatae riru sale ia God mana sale ia Satana, iaso vatovato dena. Basoe iki zazu ne go kaega pata iki totoloṉo go kaega, mana iki mamaligara ne qira kaega kero ne basoe lotu gogo ne, iki sale ia kaega God do sale ia to Satana.