Kameka Timoti 1:16 - Vato Vari Vakameka Voru Ia Batu Ne

¹⁶ do God i nanao ule nava era, go Jesu Kristo tina vasadaka me lavata na pata i soko go, go tuna zazu ne era, qa valeke vasakata pata go, gerena vapadapada de iri koego vano tarinara vaogoto napua go ia, mana tarina toṉove too iki rove go kaega lupo.

Kameka Timoti 1:16 Referans Kwoze

Kameka Timoti 1:13

patavolomo de bana ne, era qa sine seko sakataro de ikoego ia, qa vasasakata ne qira vano iri vaogote go ia, mana qa vae vavokara qira tanego i sauna ia. Do God i nanao ule nava era, tanego ṉalu nae iara kaega nava era vaogoto de ikoego ia, mana qaki rove kaega pataro qa zazu ne go.

Epesus 2:7

God izazu ne pata dena go mara vasadaka ne qira sapoko iara ko mego, osina ṉalu i lete lavata sivala varinanao ia loborona mamaligara ia, go ni vasadaka zego de ikoego Jesu Kristo.

Luka 7:47

Iago ma sine nigo, ia i lete mamaligara nava era, iva sadaka vasakata pataro ia iri lete topu, do ninidena era qava kuziki lupo ne. Ṉalu God i vakuziki ne vasakata pata suka de ikoe kaki basoe, basoe nae i mazala so soso ne mamaligara suka ia de qa koego era.”

Karua Pita 3:15

Muna mia de igogo God, ia i losi so, mana i teke ne qamu ṉalu. Ia to go iki lama katikili ne kaega. Iago, ramu muna mia pata dena, i ṉalu raramu to go tina vakavele qamu go. Gerena God i teke ne nanao velaka Pol, go i karo bana ne qamu go.

Karua Pita 3:9

Kakiaro basoe iri nanao, God i valosia so pui ia, go tina lama ogoto go, do iki go kaega nae, God iki soko kaega vasakatena kakia basoe, do i soko basoero ne mara vana ne too sakata ro ria, mana lamae de i koego tanuna igo.

Kameka Pita 3:20

Madauro dena, i madau qira vano iriki vaogote go kaega God. Ṉalu God i piri ne go musaqara ro Noa i zazu ne go koluka ne, tarazalu ria so iri kavele ne go kiale lavata ne,

Tarama Velaka Ia Jesu Kristo I Karo Go Jon 20:31

Do pataro iri karo go dena, tina tavisi qamu ramu vaogote na, Jesu to i Mesia go mana i Tuna go God. Iago ṉalu qamu vaogote go ia, tamuna pala too iki rove go kaega lupo loborona vitoṉo na ia.

Tarama Velaka Ia Jesu Kristo I Karo Go Jon 3:36

Iago ka basoe i vaogote go Tuna God, ia tina pala too iki rove go kaega lupo, do basoe iki vaogote go kaega Tuna God, ia tiniki pala kaega too igogo ne mana God tina muma taru ne iago.

Leta Ia Pol I Karo Ne Qira Basoero Na Rom 6:23

Tanego volina vasakata pata to le. Do sosovolomo i teke ne qita God iato too gado kutona i kaega, ṉalu ita qata ko vakamekae go de ikoe go Batu ita Jesu Kristo.

Tarama Velaka Ia Jesu Kristo I Karo Go Jon 6:54

Do ṉalu ka basoe i ge tokamaqu era mana i besia parasaqu gogo ne, ia tina pala too iki rove go kaega lupo. Mana era tuna va too ia musaqara muzimuzi go.

Tarama Velaka Ia Jesu Kristo I Karo Go Jon 6:40

Tanego pata i soko go Mamae ne, osiqira ria iri mia mana vaogote go Tuna gogone, tarina pala too iki rove go kaega lupo, mana tuna vatoo qira musaqara muzimuzi go.”

Iburu 7:25

Ninidena, mana osina ṉalu i mazala vakavele qira basoero iri zae de ikoego God tanego Jesu i ko osina ṉalu mana i mazala pene ne qira de ikoego God.

Karua Tesalonika 1:10

Ṉalu ia tina lama go musaqara nae, Osina basoero ia tarina vazaka ia, mana basoero iri vaogote go ia tarina lete va batua ia, ṉalu nae. Mana ramu napu to go tamuna ko tavisi qira ria, tanego qamu vaogote Tarama Velaka ro qimu sine ne qamu go.

Epesus 1:12

Igo nae iago, remu qimu taru kenaqa ze go ruruqe remu de ikoego Kristo, mi vazaka karaputa mana menomeno ia God.

Epesus 1:6

Iago ita mata vazaka ze, God sauna Mana ia, mana karaputana mazala ia sauna sosovolomo na kameka Sale valeke ia iteke ne qita go.

Karua Korinti 4:1

Loborona vari nanao ia God i teke ne qemu zazu go timuna zazu nego, lago remu iki pela kaega nanao qemu.

Leta Ia Pol I Karo Ne Qira Basoero Na Rom 15:4

Osina pataro iri karo bana ze go Buka tabo ne i sauna go mara varove qitae ita, go tatana pala ze go ruruqe loborona ko noto, piri ita mana i vakaraputa napu qitae pata ro ni pui ne qita go God loborona Buka tabo ne.

Tarama Velaka Ia Jesu Kristo I Karo Go Jon 6:37

Osiqira ria i teke bana nava go era Mamae tarina luluava era, mana ka basoe i lama va era, era tuniki turi vaule kaega.

Tarama Velaka Ia Jesu Kristo I Karo Go Jon 5:24

Ma sine ne qamu pata ogoto, ṉalu ka basoe i gata seko ro era, mana i vaogote Mamae ni turi nava mego, basoe nae tina pala too iki rove go kaega lupo. Too ia tiniki koe kaega varitanae, tanego i gere, basoe i le bana mana i too ule napu mego.

Luka 23:43

Jesu i sine ne valeke ne, “Masine nigo pata ogoto, ninidena aro tono ko tavisi ve era Paradiso.”

Luka 15:10

Gerena so qa sine ne qamu go dena, aqelo ro ia God iri koego rani ne, iri lete kula sivala ne kameka basoe i manava sakata nego vasakata pata ia.”

Kameka Korinti 7:25

Aria sauna pata qamu karo go, sauqira vano iriki busi go kaega. Batu ne iki teke nava kaega ka tamana, do era qa mazala sine zatu nanao era tanuqu, gere na ramu qamu mazala vaogote na loborona vari vatatavisi ia Batu ne.