Kameka Timoti 1:15 - Vato Vari Vakameka Voru Ia Batu Ne

¹⁵ Jesu Kristo i lamae go kolabana pua dena, go tina vakavele qira vano iri vasakata pata go, seko dena i pata ogoto mana osina basoero mara vaogote. Era tanuqu to qa lete sakata sivala ne qira basoero iri vasakata pata ego kolabana pua dena,

Kameka Timoti 1:15 Referans Kwoze

Maka 2:17

Ṉalu Jesu igata go seko dena i vane qira dena, “Vano iriki mokoso go kaega iriki soko kaega valeke vari vole, do vano mokoso tane iri soko go valeke vari vole. Iago era qaki lama ne kaega koru qira vano iri totoloṉo bana go, do qa lama ne koru qira vano iri vasakata pata go.”

Luka 19:10

Era Tuna basoe ne, qa lama zaz ne tuna taqia mana va kavele ka basoe ton i rore go.”

Tarama Velaka Ia Jesu Kristo I Karo Go Jon 12:47

Ṉalu ka basoe igata taramaqu era, do iki vaogote go kaega, era tuniki taru ze kaega vivine too ia. Tanego era qaki lama ne kaega vivine, do qa lama ne, vakavele na kolabana pua dena.

Tarama Velaka Ia Jesu Kristo I Karo Go Jon 1:12

Do ria iri soko go ia, iri vaogote ia, ria nae i teke qira vatoqe go tarina salesalero ia God.

Luka 5:32

Era qaki lama ne kaega koru qira vano velaka, do qa lama ne koru qira vano vasakata pata, go mara ria nanao ule ne vasakata pataro ria.”

Kameka Jon 3:5

Ramu qamu rove Kristo i lamae go vudu pua dena, go tina pala vakuziki ne vasakata pata ria basoero ne.

Kameka Timoti 1:13

patavolomo de bana ne, era qa sine seko sakataro de ikoego ia, qa vasasakata ne qira vano iri vaogote go ia, mana qa vae vavokara qira tanego i sauna ia. Do God i nanao ule nava era, tanego ṉalu nae iara kaega nava era vaogoto de ikoego ia, mana qaki rove kaega pataro qa zazu ne go.

Matiu 20:28

gere na era Tuna basoe qaki lama ne kaega go basoero tarina zazu nava, do qa lama go tuna basoe zazu ria basoero ne, mana teke too era go tuna voli vaule qirae sauna vasakata pata ro ria.”

Kameka Korinti 15:9

Era to qa suka sivala ne osiqira apostoloro, mana iki tora kaega tarina vitoṉo ve apostolo, tanego era to qa vasasakata ne qira go basoero iri vaogote go God.

Tarama Velaka Ia Jesu Kristo I Karo Go Jon 1:29

Bakubaku na ne Jon i mia Jesu i lamae de ikoego, mana igo, “Iato dona Sipi ia God i vakuziki ne go vasakata pata na kolabana pua ne.

Matiu 9:13

Za muna za toere velake talupasana seko i sine go Buka tabo igo, ‘Vari nanao tane qa soko go era dekoe basoero, do sosovolomo kaega.’ Ma sine ne qamu, era qaki lama ne kaega koru qira basoero iri vatovato velaka, do qa lama ne qira basoero iri vasakata pata go.”

Matiu 1:21

Maria tina vapodo kameka sale valeke mana ono vitoṉo ze Jesu, tanego iato tina vakavele qira go basoero ia sauna vasakata pata ro ria.”

Iburu 7:25

Ninidena, mana osina ṉalu i mazala vakavele qira basoero iri zae de ikoego God tanego Jesu i ko osina ṉalu mana i mazala pene ne qira de ikoego God.

Kameka Timoti 4:9

Seko dena ipata ogoto mana itora basoero ne mara gata mana lulua go.

Leta Ia Pol I Karo Ne Qira Basoero Na Rom 5:6

I lama doka to ṉalu i vine bana me God, Kristo i le ne sau qira vano iri vasakata pata go. Tanego sauna vasakata pata ria ni makuru qira go vakavele qira go tanuqira.

Kameka Jon 3:8

Do basoe i zazu taru ne go vasakata pata i sale ia Satana, tanego Satana, ne i vasakata pata bana meso kokosona me. Iago, sauna to ianae tanego Tuna God i lama ne go pero vanaqe na zazu sakataro ia Satana dena.

Kameka Timoti 3:1

Seko dena i ogoto, ka basoe i soko go batu lotu ne basoe nae i soko neto zazu velaka.

Epesus 3:8

Era to qa lete qoqoro sivala ne qira go basoero ia God. Do God i teke nava mazala, go tuna pala za Tarama Velaka de iri koego vano iriki Jiu go kaega, sauna vavagado na velaka ro ia Kristo, i kaega go ka lupolupona.

Revaleson 22:6

Gonae aqelo ne i sine napu nava, igo dena, “Seko ro dena i pata ogoto mana ono ruqe go. God Batu ne i valame go Spirit ia de iri koego propetaro ia. Ia i turi nava era go tuna vamia qirae go vano zazu ia, pataro tiniki umata kaega tina lama sadaka go.”

Revaleson 5:9

Iri vae kera voru, iri go, “Aro bana so i tora go tono pala go pepa vivolo nae, mana papaqana de iri varoroto vanadua go. Tanego iri vae vale bana go, le aro ne i gere tavatavara i bauru ne basoero ia God iri reqe me osina ro sinaqe ro, soso seko ro, soso vudu ro, mana soso tatalina basoero go.

Karua Timoti 2:11

Seko dena i seko ogoto, “Ṉalu qata le tavise Kristo tatana too palua ia.

Zazu Ria Apostoloro 3:26

Mana God i vine basoe zazu ia, i turi kenaqa ne ze ia de qamu koego ramu, go tina va makaolo qamu, go osiqamu tamuna tarua osina vatovato sakata ro ramu.”

Tarama Velaka Ia Jesu Kristo I Karo Go Jon 3:36

Iago ka basoe i vaogote go Tuna God, ia tina pala too iki rove go kaega lupo, do basoe iki vaogote go kaega Tuna God, ia tiniki pala kaega too igogo ne mana God tina muma taru ne iago.

Revaleson 21:5

Gonae ia i kolokue go de kolokoloku batubatu ne igo dena, “Era qa va vorua to osina pata,” mana i sine napua, “Ono karo pataro dena, tanego sekoro dena i ogoto mana taru ze ruruqe aro go.”

Kameka Jon 5:11

Pata i sine bana go God igo dena, God iteke ne qita too gadokutona i kaega, mana too dena ireqeme de ikoe sale ia.

Kameka Timoti 1:19

mana sotia vaogoto aro mana nanao velaka loborona puṉumu. Kakiaro basoero iriki lulua kaega nanao velaka loborona puṉuqira, iato go vaogoto ria i zaza kakavata go.

Matiu 18:10

Jesu igo napu dena, “Muna miasoka, muniki mia vapatavolomo qira salero suka ro. Ma sine ne qamu, aqelo ro ria iri ko tavise Mamae tepa rani ne.

Zazu Ria Apostoloro 11:18

Ṉalu iri gata go seko ia Pita ne, iri mamanava to vari valegu. Iri vazaka God mana iri go dena, “Pata ogoto, God iteke napu ne qira so vano iriki Jiu go kaega nanao uleule mana too voru go!”

Zazu Ria Apostoloro 11:1

Ria apostoloro mana vano lotu iri koe go kolabana Judia, iri gata vano iriki Jiu go kaega iri pala mana vaogote seko ia God.

Luka 15:2

Do vano Parisio mana vano vari vatatana na Tamana iri tupi vari gozogozo nena Jesu, iri go, “Valeke dena isoko qira so vano sakata mana iṉana tavisi qira so go.”

Leta Ia Pol I Karo Ne Qira Basoero Na Rom 11:14

Kadigo era qa va qora qira basoero na sinaqe era tanuqu sau qamu ramu, ianae ne era qa soko go kakia ro ria mara vakavele qira God qa go.

Kameka Timoti 6:13

De ikoego God, i teke too osina ro pata, de ikoego Jesu Kristo i vasadaka ogote vaogote ia, de ikoego Pilato, ṉalu iri vele vae vale go ne. Qa seko moqere atu,

Matiu 18:11

Era Tuna basoe qa lama ne vakavele qira vano iri rore go.