Kameka Jon 1:3 - Vato Vari Vakameka Voru Ia Batu Ne

³ Pata qimu mia mana gata gogo ne qimu sine napu ne qamu so ramu, iago ramu muna ko kamekae de qimu koe remu loborona varikitaki qimu pala ze go God Tamaqita, mana de ikoego sale ia Jesu Kristo.

Kameka Jon 1:3 Referans Kwoze

Kameka Korinti 1:9

Ita mata vazaka God, iato God i koru qamu tamuna vari vakitakie de ikoego Tuna, Jesu Kristo Batu ita.

Tarama Velaka Ia Jesu Kristo I Karo Go Jon 17:3

Mana too iki rove go kaega lupo dena ne, italupase basoero ne tarina rove velake, aro to qo God ogoto, mana tarina rove napu ava era Jesu Kristo noqo turi nava mego.

Zazu Ria Apostoloro 4:20

Tanego raru taruniki mamanava kaega seko ne na pata qaru mia mana gata go.”

Tarama Velaka Ia Jesu Kristo I Karo Go Jon 17:21

Mamae, qa peni go, go osiqira basoero iri vaogoto ava go era, tarina kameka, gere na ituru qaturu kameka go. Qa peni go, go basoero dena tarina kamekae de qaturu koego, go basoero na kolabana pua dena tarina vaogote, aro qo turi nava era.

Pilipae 2:1

Ṉalu too ramu i koe loborona Knsto, lato ivakaraputa qamu, mana mamaligara ia iva momotono qamu go. Ramu qamu vari vakameka e de koe Spirit tabo, ramu qamu vari vatatavisi mana varinanao tanuqamu.

Kameka Jon 1:7

Do ṉalu ita qata koe tatavata gerena God ikoe tatavata, nae ita qata varikitaki napu to tanuqita, mana parasana Jesu Tuna God iva dalo lupo osina vasakata pataro ita.

Kameka Jon 1:1

Remu qimu karo ne qamu ramu sauna ia iri vitoṉo ze go Seko na too. Ia iko bana me so tarakenaqana iara zari go vudu pua. Remu qimu gata bana seko na, mana mia bana ze mata qemu. Ove, qimu mia mana siba zeto karisi qemu go.

Iburu 3:14

Tanego ita osiqita qata kamekae Kristo ṉalu qata pala vanadua vaogoto ita de koe God gere na so kokoso pala qata vae nego.

Pilipae 3:10

Pata qa soko go era, rove na mana nanao rove na de go karaputa na too napu ia Jesu tepa le ne. Ma kena tavise vokara ia, mana ma gere ia i le go.

Kameka Pita 5:1

Era qa kakia batu lotu, mana qa mia ṉalu Kristo i pala go vokara. Iago era do tuna pala karaputa mazala ia Jesu Kristo ṉalu tina za ule mego. Iago qa pene va karaputa qamu vano batu lotu,

Iburu 3:1

Vakitaka ro era loborona lotu, God i koru bana qamu! Nanao vamazale Jesu, God i turine ne ia tina Batu ria patere de qata koego, i mazala go sine vasadake na vaogoto ita.

Kolosia 1:13

I vakavele qita e karaputa ia rodoko mana i vadoka velaka qita e de ikoego vari miasoka ia kameka Tuna,

Zazu Ria Apostoloro 20:27

Tanego era ikaega kaki pata qa pala vaule go, sine qa vae ne qamu go zazu ro ba, pataro i nanao go God tinara zazu nego.

Kameka Jon 1:5

Ia dena to tarama qimu gata bana ze go de ikoego Tuna God go qimu sine vasadaka ne qamu go ramu. God i tatavata mana i kaega napu to ka rodoko iara koego de ikoego.

Iburu 2:12

I sine ne God, “Tuna sine ne qira ria qi tamakena ro pataro qo zazu ne go aro. Era tuna vazaka go aro, ṉalu timuna teṉo ne vazaka.”

Kameka Timoti 6:2

Vano kristiano iri vazazu qira go, mana batu ria i basoe lotu, mara mia vamazale batu ria, patavolomo iri varitora go. Vano zazu ne, mara ria zazu velaka, tanego batu ria iri pala ze vari vatatavisi loborona zazu ria iri vaogote iri vari mamaligarae go.

Pilipae 1:7

Ramu qamu ko tarue so puṉuqu era osina ṉalu, iago itora era ma nanao vane qamu ramu dena. Tanego ramu to qamu tavisi navae go era zazu mazala dena i teke nava go God, patavolomo ninidena qa koego bara dena mana ṉalu qa ko talupasa bana go, era qa degere ne tarama velaka dena go tina sadakae de iri koego basoero sauna vanadu na vaogoto ria.

Epesus 3:6

Pata ogoto iko pipika bana mego dena ne, loborona tarama velaka ne igo, vano iriki Jiu go kaega iri pala tavise ria tane makaolo ia God iri pala bana go vano Jiu. Osiqira iri kamekae so kameka tokama, mana iri pala tavise pui ia God, ni vazuka me ze go de ikoego Jesu Kristo.

Kameka Korinti 1:30

Do God i vazao qitae loborona vari vakameka ia Jesu Kristo, God i vadegere Kristo tina tarove ita. De ikoego ia, ita qata ko totoloṉoe de i koe God, ita qata basoero tabo ia God mana qata kavele go.

Kameka Tesalonika 1:10

Mana de go ramu qamu piri ne go lama napu na sale ia tina reqe mego rani ne. God i vatoo napu mego ia tepa le ne, mana Jesu to tina vakavele qitae go ita muna mana varitanae ia God kene ṉalu.

Kameka Korinti 15:1

Mana ninidena qa soko va nanao taru qamue vakitaka ro era, sauna Tarama Velaka qa tarama ne zego, de qamu koego iato qamu pala go, mana vaogoto ramu i degere vanadu ego.

Leta Ia Pol I Karo Ne Qira Basoero Na Rom 15:27

Nanao ria dena ireqeme so de iri koego tanuqira, go iri zazu ne go pata dena. Do itora to, tanego vano situ iri koe go Jerusalema iri tavisi bana ne qira ria. Tanego vano Jiu iri teke kenaqa bana ne qira vano iriki Jiu go kaega pata velaka go tina vamaokolo qira go. Iago vano iriki Jiu go kaega iri tekene ne qira ria pata tina tavisi ne qira go ria pua dena.

Zazu Ria Apostoloro 13:41

‘Ramu qamu vakari ne go God! Muna reṉa ninidena go muna poloso mana taramuzina tamunara le. Tanego pata qa zazu ne go era ninidena ramu tamuniki vaogote to kaega, mana patavolomo tarina sine lupasa ne qamu go, do tina varipada so.’ ”

Zazu Ria Apostoloro 13:32

Mana raru qaru lamae dena, qaru palame Tarama Velaka, de qamu koego ramu, iato pata ni pui bana ne go God de iri koego kazigarata bana ro ita, ia tina zazu ne go igo.

Zazu Ria Apostoloro 2:42

Iri teke ne ṉalu ro ria go mara rove velake pataro iri vari vatatana ne go apostoloro ne, iri go. Gonae iri tavisi varikitaki kameka ṉaṉa mana kameka lotu go.

Tarama Velaka Ia Jesu Kristo I Karo Go Jon 17:25

Mamae qo lete totoloṉo! Basoero na vudu pua dena iriki rove go kaega, do era qa rove go aro qo turi nava qo era.

Tarama Velaka Ia Jesu Kristo I Karo Go Jon 17:11

Era tuna gado atu to, tuniki koe kaega vudu pua dena, do ria de tarina koe vudu pua de. Mamae, aro qo Tabo go! Bara ne qirae karaputa na vitoṉomu, iato vitoṉo qo teke nava go era, go ria tarina kameka so, gere qituru ituru qaturu kameka go.

Tarama Velaka Ia Jesu Kristo I Karo Go Jon 19:35

Valeke i miasoba go pata dena tane i pepeua go, go ramu do tamuna vaogoto napua. Pataro i pepeua go i pata ogoto, mana irove pata i sine go, ipata ogoto go.

Karua Pita 1:16

Ṉalu qimu sine ne qamu ramu, lama napu na Jesu Kristo Batu ita ne, na lulu me karaputa, qimuki sine so kaega pepeu volomo ria basoero ne. Do remu qimu mia ze to mataqemu karaputa ia.