Tarama Velaka Ia Jesu Kristo I Karo Go Jon 9:16 - Vato Vari Vakameka Voru Ia Batu Ne

¹⁶ Gonae kakiaro vano Parisio iri go dena, “Valeke dena iki reqe me kaega de ikoego God, tanego iki vaogote kaega Tamana na Sabat.” Do kakiaro iri go, “Ṉalu go valeke dena, i valeke vasakata pata i makuru tina zazu ne zazu mazala dena.” Iago vano Parisio ne i tavota nanao qira de ikoego Jesu,

Tarama Velaka Ia Jesu Kristo I Karo Go Jon 9:16 Referans Kwoze

Tarama Velaka Ia Jesu Kristo I Karo Go Jon 10:19

Pasi nae vano Jiu ne iki kameka kaega nanao qira de ikoego Jesu, sauna sekoro i sine go.

Tarama Velaka Ia Jesu Kristo I Karo Go Jon 7:43

Iago basoero ne iri tavota ne dego vaogoto ria de koe Jesu.

Tarama Velaka Ia Jesu Kristo I Karo Go Jon 7:12

Topu sasakata basoero iri teṉo go, kakiaro ria iri vari sine ne, “Jesu i valeke velaka, do kakia ro iri go, ‘Kaega’, kakiaro iri go, i poqe taru qirae basoero ne sekoro ia,” iri go.

Tarama Velaka Ia Jesu Kristo I Karo Go Jon 3:2

Kaki kameka kuse i za mia Jesu mana i sine ne ia, “Valeke vari vatatana, remu qi rove aro qo kakia valeke vari vatatana i turi nigo me God. Tanego kaega kaki basoe i mazala go zazu ne zazu vari vapoloso ro gere mu aro, ṉalu God iki ko tavise kaega ia.”

Matiu 12:2

Ṉalu vano Parisio iri mia qirae go, iri sine ne Jesu, “Qo mia! I taboe Tamana ita pata iri zazu nego disipoloro aro, iri vae sila musaqara Sabat?”

Tarama Velaka Ia Jesu Kristo I Karo Go Jon 15:24

Kaega ka basoe i mazala go zazu ne na pataro qa zazu nego era. Ṉalu tuki zazu nego kaega era, pataro igogo ne, ria tariki mia rove kaega vasakata pata ro ria. Do ria, iri mia to pataro qa zazu nego era, do iriki ara soko qaru so kaega raru Mamae go.

Tarama Velaka Ia Jesu Kristo I Karo Go Jon 14:11

Muna vaogoto ava era, ṉalu qa go era qa koe loborona Mamae mana Mamae i koe loboroqu era. Ba ṉalu kaega ne, vaogoto ava so era ramu, tanego qamu mia bana to zazu velakaro qa zazu ne go.

Tarama Velaka Ia Jesu Kristo I Karo Go Jon 9:24

Gonae iri koru vaule napua valeke kodo ne varuana zaza, mana iri sine ne ia, “Vanadu ze pui aro de ikoego God, aro tono sine pata ogoto! Remu qi rove valeke i vamimia go aro i valeke vatovato sakata.”

Tarama Velaka Ia Jesu Kristo I Karo Go Jon 6:52

Vano Jiu iri muma mana iri vari valegu tanuqira, iri go, “Ava tina go tane valeke dena tina va ge qitae go ita tokamana na?”

Tarama Velaka Ia Jesu Kristo I Karo Go Jon 5:36

Do era i ko nava kaki pata, i vasadaka velake go, Mamae tane i turi nava go. Pata dena i karaputa sivala ne pataro i sine vasadake go Jon, ia igogo ne, iato zazu i sine nava go Mamae tuna zazu nego.

Zazu Ria Apostoloro 14:4

Basoero na komala lavata ne iri tavota, kaki tavota iri lulua vatovato ria vano Jiu, mana kaki tavota ria iri toqe ne lulu na pata velaka iru sine go karua apostoloro ne.

Matiu 12:10

Mana kaki valeke i le karisina, i koe loborona de go. Kakiaro basoero ne iri taqia zuka go mara va sorua Jesu irigo. Iago iri tana ne ia, “Avigo Tamana ia Mosese i vamao va velake na basoe musaqara Sabat?”

Luka 13:14

Ṉalu valeke batu na Pade Lotu ne i mia Jesu iva velake go qole ne musaqara Sabat i lete muma i koru me, mana i sine ne qira basoero ne igo, “Iko bana so kaonomo musaqara qata mazala go zazu, iago muna lama musaqara ro nae go mara vole qamu, do musaqara Sabat kaega.”

Tarama Velaka Ia Jesu Kristo I Karo Go Jon 2:11

Jesu i vasadake zazu vari va poloso kenaqa dena loborona kena Qalili komala Kena, de go i vasadaka ze de go mazala na karaputa ia, mana disipoloro ia iri vaogote iago.

Tarama Velaka Ia Jesu Kristo I Karo Go Jon 5:10

Iago vano batubatu ria vano Jiu iri sine ne valeke i tavoisi go, “Nini i musaqara Sabat, iago i tabo e Tamana ita tono pala zazao ne tobi aro go.”

Tarama Velaka Ia Jesu Kristo I Karo Go Jon 7:23

Ianae i vasadake basoe i mazala so kosi musaqara Sabat go tamuniki vae kaega Tamana ia Mosese. Do avigo tane qamu muma nava era, ṉalu qava velake go tutukununa tokamana basoe ne musaqara Sabat na?