Tarama Velaka Ia Jesu Kristo I Karo Go Jon 8:44 - Vato Vari Vakameka Voru Ia Batu Ne

⁴⁴ Vatovato qamu lulua go i gere so vatovato ia tamaqamu Satana, mana osina ṉalu qamu soko so zazu ne na pata i soko go ia. Zazu i zazu kenaqa ne Satana ne, vae vale na basoe, mana iki soko kaega pata ni ogoto go, tanego i kaega pata ogoto ikoego ia. Ṉalu ia i sine pata ni poqe go, i luluato pata i soko go, tanego i basoe poqepoqe mana i tamana to poqe ro go.

Tarama Velaka Ia Jesu Kristo I Karo Go Jon 8:44 Referans Kwoze

Zazu Ria Apostoloro 13:10

mana igo dena, “Aro qo sale ia manuru! Aro to qo kana ne go osina pata velaka ro ne. Puṉumu i purake osina pata tatakiu sakata, mana osina ṉalu qo pada ne vapoqe na seko ogoto ia Batu ne.

Kameka Jon 3:12

Iago ita mata kasi gerena Keni i sale iago Satana, go ni vaevale napua go kaena ogoto Ebolo. Iago avigo tane Keni i vae vale go kaena? Tanego vatovato ia i zazu ne go i sakata iki totoloṉo kaega, do vatovato ia kaena i totoloṉo.

Karua Korinti 11:3

Do qa sareki ne pata i doka bana go Eva niki doka qamu ramu. Dole ne ilete tarove, ia i va soru ze vasakata pata Eva. Iago tina gere napua so, nanaoqamu ramu ṉalu tamuna za riro mana tamuniki nanao vamazale kaega Kristo go.

Revaleson 12:9

Gonae dole ratovo lavata ne mana aqelo ro ia ne, iri kakale vakuziki ne qira to. Dole ratovo dena to, iato i ko bana mego ṉalu bana ne, iato qata vitoṉo zego Satana, iato i poqe qira go basoero na vudu pua go iri vasakata pata go.

Tarama Velaka Ia Jesu Kristo I Karo Go Jon 8:38

Qa vatatana qamue pataro i va mia ve Mamae, do ramu, qamu lulua so pataro iri sine ne qamu go tamaqamu ro.”

Tarama Velaka Ia Jesu Kristo I Karo Go Jon 8:41

Ramu qamu zazu neso pataro iri zazu ne go tamaqamu ro.” Do iri vataule, “I kaega napu kakia, tanuna so God i Tamaqemu, mana remu qi salero ogoto iago.”

Kameka Jon 3:15

Ka basoe i sakate go kaena, basoe nae i gere to valeke ivae vale go basoe. Mana qamu rove valeke i vaevale basoe go nae iki toṉove kaega too ogoto iki rove go kaega lupo.

Matiu 13:38

Barue ne iato kolabana pua ne, paturu velaka ne ria to basoero na Too ikoego vari miasoka ia God. Seuseu sakata ne ria to basoero iri lulua go Satana.

Judi 1:6

Muna nanao taru napua, aqeloro ne God iteke napu ne qira so karaputa mazala ro ria, do kakiaro ria iriki soko kaega, gonae i va kasi ne qirae de koko velaka ro ria. God i doki taru qira e seni mana taru qira qe bolu i rodoko, go tina za doka so ṉalu musaqara lavata God tina varitanae ne qira go osina basoero ne.

Revaleson 21:8

Do basoero i kaega ne qira padapada, vano iri vabesa nego vakitaka ro ria, vano iriki agava ne kaega vasadake na vatovato sakata ria, vano iri vae vale basoe, mana vano iri zazu nego zazu tatakiu mana vari vagabu, ria iri vazaka qira go beku poqepoqe ro gogo ne, varuana le ria ne, iato bolu na nako i poto sadaka mego loborona pua ne.”

Kameka Pita 5:8

Muna ko vanamanama, mana miasoka va velaka qamu. Tanego kana ramu Satana i liqutu kolo qamu go mara vasakata qamu igo, i gere laioni ni lete muma i taqia basoe go mara kalakunu vatoo ne igo.

Revaleson 9:11

Iko ne qira batu lavata ria, mana ianae ne aqelo i miasoka go ununa ne. Seko va Iburu iri koru ze Abadoni, vano Qrik iri koru ze Apolina, talupasana, valeke i vasakate go osina ro pata.

Zazu Ria Apostoloro 5:3

Pita i sine ne ia, “Ananaisi, avigo tane qo vamalumu ne Satana ni lama kenaqa nigo, mana qo poqe nego Spirit tabo, tanego qo sotia go kakia ro kesa qo pala ze go patapata ro aro?

Tarama Velaka Ia Jesu Kristo I Karo Go Jon 6:70

Gonae Jesu i vataule ne qira igo, “Manoga karua ramu tane qa vine qamu go ba? Do kaki kameka ramu ne i gere ogote to manuru sakata ne!”

Revaleson 2:10

Muniki sareki, ṉalu kaki pata makuru tina lama doka qamu go. Muna gata! Satana tina pada ne qamu ramu, mana tina taru qamue bara ne go. Ramu tamuna pala vokara go tina za dokae manoga musaqara. Do muna vanadu zeso vaogoto ramu de qa koego era, patavolomo tamuna soba ze le. Ṉalu basoe i za karaputa ego varitara nae, era tuna sasarapa ze ia too voru iki rove go kaega za lupo.

Karua Pita 2:4

God i vakimata qira aqeloro ne ṉalu iri legulegua go. I vana qira qe nako de i rodoko go, go tina doka go ṉalu tina varitanae ne qira go osina basoero ne.

Revaleson 13:14

Mazala i vasadake go varuana pata qaraqara piru de, i vasadaka ze tarakenaqana pata piru kenaqa ne, mana i va bulaṉoi qira basoero na vudu pua go. I sine ne qira basoero ne mara zazu ne beku mana vagere ze tatalina pata piru kenaqa niri vae vale bana ze go peqi loda ne do i too ule napu me.

Revaleson 22:15

Do basoero iriki agava ne kaega vasadake na vatovato sakata ro ria, vano zazu tatakiu, vano vari vagabu, vano iri vae vale basoe, vano iri vazaka go beku poqepoqe ro mana vano iri poqe ne seko mana vatovato ria gogo ne, tarina koe so pekapeka na komala lavata ne.

Matiu 12:34

Qamu gere dole ne, i makuru qamu to sine na kaki pata velaka tanego nanao qamu i purake nanao sakata. Pataro i purake go puṉuna basoe tane i vasadake go ṉalu i seko go.

Matiu 13:15

tanego basoero nae i kokoqu bana nanao qira, mana iri olia qeqele qira mana va kodo mataqira go. Ṉalu tariki gogo kaega, ria tara mimia ne mataqira mana gata pata ne to qeqele qira, mana nanao qira tara ria nanao rove ne to go, mana tabali me de qa koego era mana era qa mazala, va velaka ne qira go.’

Tarama Velaka Ia Jesu Kristo I Karo Go Jon 7:17

Basoe i soko go luluna nanaona God, ia tina mazala so mia rove na vari vatatana era. I mazala so rove na, avigo vari vatatana era i reqe me dekoe God, ba i reqe meso nanao mana karaputa era tanuqu go.

Tarama Velaka Ia Jesu Kristo I Karo Go Jon 8:55

Ramu qamuki rove kaega ia, do era qa rove ia, ṉalu go tu sine qaki rove kaega ia, era tu gere to poqepoqe qamu ramu. Do era qa rove ia, mana qa vaogote seko ro iago.

Kameka Jon 1:8

Mana ṉalu ita qata sine go i kaega ne qita vasakata pata, ianae ita qata poqe napua so tanuqita, mana ikaega so ka pata ogoto i koe de qata koego.

Kameka Jon 2:21

Qa karo ne qamu leta dena, tanego qamuki rove kaega ramu pata ogoto iki go kaega nanaoqu; do tanego ramu qamu rove seko na pata ogoto, iago muna rove napua mara kaega kaki seko poqe mara reqemego seko ogoto.

Zazu Ria Apostoloro 24:9

Osiqira vano Jiu iri vari toqe ne, mana iri sine, osina pataro qi sine zatu go remu sauna valeke dena, i pata ogoto.