Tarama Velaka Ia Jesu Kristo I Karo Go Jon 7:26 - Vato Vari Vakameka Voru Ia Batu Ne

²⁶ Mia! I vari vatatanae de go osiqira basoero iri mazala go mia na ia, do kaega to ka basoe i vanoto go ia, kadego basoero ne iri nanao iato i Mesia bago?

Tarama Velaka Ia Jesu Kristo I Karo Go Jon 7:26 Referans Kwoze

Tarama Velaka Ia Jesu Kristo I Karo Go Jon 7:48

Avigo, kakia remu vano Parisio ba vano batubatu ita qemu vaogote ia? Kaega to!

Pilipae 1:14

Ko qa vae go era bara ne, i teke qira vakitaka ro era karaputa mana nanao vamazala de ikoego Batu ne, iato go iri ko talasara ne, sine vasadake na Tarama Velaka ia God, mana iriki ara sareki kaega go.

Zazu Ria Apostoloro 4:13

Vano na pepeu lavata ne iri lete poloso sivala ṉalu iri mia go vanadu qiru Pita mana Jon, iruki sareki go kaega, mana iri nanao rove iru karua basoe volomo so, tanego iruki sikulu kaega, do ria iri rove velake qiru iru kotavisi bana go Jesu.

Tarama Velaka Ia Jesu Kristo I Karo Go Jon 12:42

Topu vano batubatu ria vano Jiu iri vaogote Jesu, do iri ki sine vasadake kaega, tanego iri sareki ne qira vano Parisio, niki go va mamanava qirae zae na Pade Lotu ne iri go.

Tarama Velaka Ia Jesu Kristo I Karo Go Jon 9:22

Go iru seko gogo dena vanovano ia valeke ne, tanego iru sareki ne qira batubatu ria vano Jiu, tanego batubatu ria vano Jiu dena, iri varitoqe bana ne, “Ṉalu ka basoe ivaogote Jesu i Mesia go, ria tarina va mamanava ze ia zae na Pade Lotu ne.”

Luka 7:30

Do vano Parisio mana vano tarove na tamana, iriki soko kaega za bapitemae de ikoego Jon, tanego iriki soko kaega vatovato velaka ia God.

Matiu 22:16

Gonae iri turine qira kakiaro disipoloro ria mana kakia ro vano iri koego taotao ia Erode, iri za tana ne Jesu, iri go, “Valeke vari vatatana, remu qi rove aro qo kakia basoe totoloṉo. Mana qo vari vatatana ne pata ogoto de go vatovato ia God, mana qoki vakapata kaega nanao qira basoero.

Luka 23:13

Pilato i koru teṉo qira batu ria vano Patere ro mana vano kenaqa ro mana basoe ro.

Tarama Velaka Ia Jesu Kristo I Karo Go Jon 3:1

I ko kameka valeke Parisio vitoṉona Nikodemus, ia i ko tavine tavise koko ria vano Jiu.

Tarama Velaka Ia Jesu Kristo I Karo Go Jon 4:29

“Lama go muna mia valeke i sine lupo nava go era, osina pataro qa zazu bana nego! Qa nanao kadigo valeke dena to bago i Mesia go!”

Tarama Velaka Ia Jesu Kristo I Karo Go Jon 7:25

Kakiaro basoero na Jerusalema iri go de, “Kadigo valeke dena to ba go vano batubatu ro ne, iri soko go vae vale na.

Tarama Velaka Ia Jesu Kristo I Karo Go Jon 7:31

Do topu ria basoero ne iri vaogote Jesu mana iri go, “Ṉalu Mesia tina za lama go, avigo qamu nanao tina vasadake topu zazu vari vapoloso ro sivala ne valeke dena?”

Tarama Velaka Ia Jesu Kristo I Karo Go Jon 18:20

Jesu i vataule ne ia, igo de, “Era qa seko vasadaka mana qa vatatavata lupo osina ro pata de iri koego basoero ne, vari vatatana ro era qa zazu ze loborona Pade Lotu mana de koko na Pade Lotu go, de iri mazala go kameka teṉoe go basoero ne. Kaega kaki pata qa sine pika go era.