Tarama Velaka Ia Jesu Kristo I Karo Go Jon 5:25 - Vato Vari Vakameka Voru Ia Batu Ne

²⁵ Ma sine ne qamu pata ogoto, tinara lama doka ṉalu, mana ṉalu nae i lama doka bana to, ṉalu vano le tarina gata ovaṉa na Tuna God, mana ria iri gata go tarina too ule napu me tepa le.

Tarama Velaka Ia Jesu Kristo I Karo Go Jon 5:25 Referans Kwoze

Tarama Velaka Ia Jesu Kristo I Karo Go Jon 5:28

Iago muniki poloso ne seko ro qa sine go era, tanego tina lama doka ṉalu vano le tarina gata ovaṉa na ia,

Epesus 5:14

Tanego pata iri mia rove go to basoero ne i reqeme go tatavata. Iato go i sine go, “Muna dogara ramu qamu kamuku go, mana Kristo tina teke ne qamu tatavata go.”

Epesus 2:5

Iago, ṉalu madau qita ile ne go sauna legulegu ita, ia i pala va too tavisi qita ita de ikoego Kristo. Tanego Mana ia God qamu kavele ne go.

Tarama Velaka Ia Jesu Kristo I Karo Go Jon 4:23

Tina lama doka ṉalu, mana ṉalu dena i lama doka bana ne qita to, go basoero iri pene totoloṉo aqe go de ikoego Mamae, tarina pepene loborona karaputa ia Spirit tabo, mana i pata ogoto go. Basoero nae to, i soko go Mamae tarina vazaka ia.

Revaleson 3:1

Valeke ne igo napu de, “Ono karo ne zaqe aqelo na eklesia na Sadisi. Iato dena seko era, valeke qa pala go kavitu spirit velaka ia God mana domiri ne go. Basoero ne iri go ramu qamu too, do ramu qamu le bana tanae.

Tarama Velaka Ia Jesu Kristo I Karo Go Jon 8:47

Basoero iri ke iago God, iri gata sekoro ia, do ramu, qamuki ke ia kaega God, iato go qamuki soko go kaega gatana ia.”

Kolosia 2:13

De bana ne gerena pata qamu qamu le, tanego sauna vasakata pata ro ramu, tanego ramu qamuki vano Jiu kaega mana i kaega ne qamu tamana go. Do God i pala valame qamue too loborono Kristo. God i nanao ule ne osina vasakata pata ro ita.

Epesus 2:1

De i lupo bana mego, ramu i le madau qamu, tanego qamu legulegu mana qamu vasakata pata.

Leta Ia Pol I Karo Ne Qira Basoero Na Rom 6:4

Iago, ṉalu qata bapitema go ne qata le mana iri vou palu qitae ia, gerena Kristo i too napu me tepa le ne loborona karaputa ia God Tamaqita. Ita napu tatana too napue too voru.

Tarama Velaka Ia Jesu Kristo I Karo Go Jon 8:43

Avigo tane qamuki nanao rove go kaega pataro qa sine ne qamu go na? Ianae ne i sadaka, tanego ramu qamuki soko kaega gatana vari vatatana era.

Tarama Velaka Ia Jesu Kristo I Karo Go Jon 5:21

Ivari pada na napu so, Mamae i vatoo ule basoe le mana i teke ne qira too, gerena napu so era, Sale ia, tuna teke ne qira too ria qa soko qirae go.

Luka 15:24

Tanego sale era dena i le bana do i too napu, I rore do qa soba napua,’ Gonae iri vatupia ṉaṉa mana kula.

Luka 9:60

Jesu iva taule ne ia igo, “Taru qira vano le, mara ria vari voru tanuqira, ba aro ne, ono za mana za sine vasadake de igogo Too ikoego vari miasoka ia God.”

Tarama Velaka Ia Jesu Kristo I Karo Go Jon 4:21

Jesu i vane dena ia, “Vaogoto ava era qole! Tina doka ṉalu, basoero ne tariniki vazaka ze kaega Tamaqita kubolo ba Jerusalema go.

Luka 15:32

Iago i tora mata ṉaṉa mana kula, tanego kaemu i le bana, do ninidena itoo napu, i rore bana do i ule me qata soba napua go.’ ”

Tarama Velaka Ia Jesu Kristo I Karo Go Jon 17:1

Ṉalu Jesu i sine lupo pataro dena, i kadeka qe rani ne mana i pepene, igo de, “Mamae, ṉalu ne i lama doka to, vasadaka ze karaputa mazala aro de ikoego Tumu, go Tumu tina vasadake karaputa mazala aro.

Tarama Velaka Ia Jesu Kristo I Karo Go Jon 13:1

Bakubaku na to tina musaqara kelo na Pasova ne. Gonae Jesu i rove ṉalu ia tina kasi nego kolabana pua dena, mana tina gado ule za de ikoego Tamana, i lama garogaro to. Jesu i mamaligara taru bana ne qira so basoero tavine ia, iri koego vudu pua dena, i mamaligara ne qira go za doka so ṉalu ia i le go.

Tarama Velaka Ia Jesu Kristo I Karo Go Jon 6:60

Topu ria basoero iri lulua Jesu, iri gata seko ro dena, iri go de, “Vari vatatana dena i lete makuru luluna mana basoero ne do, tariniki toqe ne kaega gata na go.”

Tarama Velaka Ia Jesu Kristo I Karo Go Jon 9:27

Valeke ne i vataule ne qira, igo, “Qa sine lupo bana ne qamu to, do qamu kasi gatana, avigo qamu soko napua gata velaka na, go muna disipolo ia ba?”