Tarama Velaka Ia Jesu Kristo I Karo Go Jon 19:4 - Vato Vari Vakameka Voru Ia Batu Ne

⁴ Pilato i siporo napu me, mana i sine ne qira basoero, “Era tuna vasiporo me de Jesu, go ramu tamuna rove, era qaki soba ze kaega kaki pata sakata de ikoego valeke dena.”

Tarama Velaka Ia Jesu Kristo I Karo Go Jon 19:4 Referans Kwoze

Tarama Velaka Ia Jesu Kristo I Karo Go Jon 19:6

Ṉalu batu ria patere ro, mana vano iri miasoka go pade lotu ne, iri miasooa zage Jesu, iri koru valavata iri go, “Paqipaqi ze ia koluse ne! Paqipaqi ze ia koluse ne!” Do Pilato i vataule ne qira, igo, “Muna pala za tanuqamu mana paqipaqi ze ia koluse ne, ba era ne, qaki soba ze kaega kaki pata sakata de i koego valeke dena.”

Tarama Velaka Ia Jesu Kristo I Karo Go Jon 18:38

Pilato i tana napu, “Avana tane i pata ogoto go?” Gonae Pilato i siporo napu me de iri koego vano Jiu mana i sine ne qira, igo, “Era qaki soba ze kaega kaki pata sakata de ikoego valeke dena.

Luka 23:4

Gonae Pilato i sine ne qira batu lavata ro ria vano patere mana basoero topu iri teṉo go, “Era qaki soba ze kaega kapata iva sakate go valeke dena.”

Luka 23:47

Ṉalu valeke batu ria vano soldia i mia pata i sadaka go, i vazaka God, mana igo, “Ia dena i valeke totoloṉo bana to!”

Kameka Jon 3:5

Ramu qamu rove Kristo i lamae go vudu pua dena, go tina pala vakuziki ne vasakata pata ria basoero ne.

Kameka Pita 3:18

Tanego le ivae go Kristo ivatalupasa lupo osina vasakata pata ro ramu, mana i pala vaule qamue de ikoego God. Kristo i totoloṉe tarakenaqa na God, do ia i le ne sauqira vano sakata, basoero ne iri vae vale ia, do God i va too ule ze ia too iki rove go kaega lupo.

Kameka Pita 2:22

Ia iki zazu ne kaega kaki pata sakata mana kaega kaki seko poqe i va siporo ze saqe na go.

Kameka Pita 1:19

Kaega, ia i voli qamue ramu parasa velaka sivala na Kristo, Kristo i gerena sipi iri komakoma nego i kaega ne kaki sakata.

Karua Korinti 5:21

Kristo i kaega ne vasakata pata, do i sauqita ita, God i kena tavisi ze ia vasakata pata ro ita, go ita tatana ko kameka e de i koego ia mana tatana pala go totoloṉo ia God.

Luka 23:41

Do ituru i tora to kimata qaturu pala go, tanego qaturu kimata ne to pata ro qaturu zazu ne go. Do ia iki zazu ne kaega pata sakata.”

Matiu 27:54

batu ria vano varitara mana soldia ro iago iri mia tarua go Jesu, iri mia go nunu ne mana pataro i sadaka go, iri lete sareki mana iri go, “Valeke dena i Tuna ogoto bana to God!”

Matiu 27:24

Pilato imia imakuru to kavala na nanaoqira basoero dena, do kadigo pera lavata mana varitara tina sadaka go, iago i pala disi besi mana i saboro ze karisina tarakenaqa qira basoero ne mana i sine, “Le na valeke dena, iki riqo era kaega, tanuqamu to qamu rove go talupasa na!”

Matiu 27:19

Torana nae Pilato i kolokue pade vivine ia, gonae qole ia i valame seko ne ia, igo, “Ke qa pene go oniki zazu ne kaki pata de ikoego valeke nae, tanego i valeke totoloṉo. Tanego kuse ne qa kukureka ia mana qaki kamuku velaka neto kaega go.”

Matiu 27:4

I za sine, “Era qa lete kebu, valeke qa va besa ne qamu go, i valeke totoloṉo, i kaega kapata ni vasakate go.” Do batubatu ro ne iri vataule ne, “Ianae iki riqo reremu kaega i riqo aro so tanumu.”

Iburu 7:26

Jesu to i batu Patere ita tina tavisi ne qita go. Ia i tabo, i kaega ne kebu ba vasakata pata, God i taru vakakavata ze ia de iri koego vano vasakata pata go, mana God i taru vakakavata ze ia rani ne.

Tarama Velaka Ia Jesu Kristo I Karo Go Jon 18:33

Gonae Pilato i keba ule za loborona pade ia mana i tana ne Jesu, “Avigo aro to qo batu lavata ria vano Jiu ba?”