Tarama Velaka Ia Jesu Kristo I Karo Go Jon 17:2 - Vato Vari Vakameka Voru Ia Batu Ne

² Aro qo teke bana nava karaputa sauna miasoka qira osiqira basoero ne, go osiqira ria go teke nava go, era tuna teke qira too iki rove go kaega lupo.

Tarama Velaka Ia Jesu Kristo I Karo Go Jon 17:2 Referans Kwoze

Tarama Velaka Ia Jesu Kristo I Karo Go Jon 6:39

Mana pata i soko go Mamae ne, era na miasoka vavelake, niki go varore kakia basoero i teke bana nava go. Do ṉalu musaqara muzimuzi era tuna va too qira.

Tarama Velaka Ia Jesu Kristo I Karo Go Jon 6:37

Osiqira ria i teke bana nava go era Mamae tarina luluava era, mana ka basoe i lama va era, era tuniki turi vaule kaega.

Tarama Velaka Ia Jesu Kristo I Karo Go Jon 17:24

Mamae! Era qa soko basoero qo teke nava go tarina ko tavisi ve de qa koego, go tarina mia karaputa mazala era, karaputa mazala qo teke bana nava go, tanego qo mamaligara nava tarakenaqana qo ara vazaria go kolabana pua de.

Matiu 28:18

Gonae Jesu i ziki garogaro qira, mana sine ne qira, “Osina karaputa na rani mana pua ne, i teke lupo nava era God.

Kameka Jon 5:20

Mana qata rove Tuna God i lamae go vudu pua dena i teke ne qita nanao rove velaka, go ita tatana rove go God ogoto. Ita qata kokamekae go de ikoego God loborona Jesu Kristo. God dena to i God ogoto, mana itoo, too ia iki rove go kaega lupo.

Tarama Velaka Ia Jesu Kristo I Karo Go Jon 17:9

Qa pepene ne qira. Qaki pepene ne qira kaega basoero na kolabana pua ne, do qa pepene ne qira ria qo teke bana nava go, tanego iri ke aro.

Tarama Velaka Ia Jesu Kristo I Karo Go Jon 17:6

Qo teke nava kakiaro basoero na vudu pua dena, qava rove qirae avana to qo gere go aro. Basoero nae iri ke aro, do qo teke nava era, mana iri vaogote vari vatatana aro go.

Tarama Velaka Ia Jesu Kristo I Karo Go Jon 4:14

Do ka basoe i besia go besi tuna soso nego era, tiniki ara kaṉoso kaega, tanego besi tuna soso nego era tina gere besi vuala i too taru mana i teke too gado kutona i kaega basoe ne.

Tarama Velaka Ia Jesu Kristo I Karo Go Jon 3:35

Tamana i mamaligara ne Tuna, iago i teke ne ia karaputa de ikoego osina pataro.

Kameka Jon 2:25

Mana pata i pui ne go Kristo tina teke ne qita, iato too ogoto iki rove go kaega lupo.

Kameka Pita 3:22

Jesu dena i popoka za go rani ne, mana iza kolokue tepa matauna God. I Batu ne qira aqeloro, mana osina vano karaputana rani ne.

Iburu 1:2

Do ṉalu ro dena i garogaro go vele lupo go, God i seko tabe qita e ita loborona Sale ia. God i vazaria go kolabana pua ne mana pataro ikoego. God i vine bana ṉalu kolabana pua dena tina lupo, osina pataro ikoego tina ke ia Sale ia.

Matiu 11:27

Mamae i teke lupo nava era osina ro pata. Kaega ka basoe irove go Tuna, do Tamana so irove go, mana kaega ka basoe i rove go Tamana, do tanuna so Tuna mana basoero i vine bana go Tuna tina vasadaka ne qira go.

Judi 1:21

Mana taru vanadu qamu e loborona mamaligara ia God, mana ko piri e de ikoe go Jesu Kristo tina teke ne qamu manava, mana too iki rove go kaega lupo go.

Kameka Jon 1:2

Ṉalu too dena i sadaka me vudu pua, remu qimu mia ogote to, mana qimu tarama neto go. Iago qimu sine zatue de qamu koego ramu sauna too i kaega valupolopona. Iko banae so de ikoego God Tamaqita, mana ninidena i lama sadake to de qimu koego remu.

Kameka Timoti 1:16

do God i nanao ule nava era, go Jesu Kristo tina vasadaka me lavata na pata i soko go, go tuna zazu ne era, qa valeke vasakata pata go, gerena vapadapada de iri koego vano tarinara vaogoto napua go ia, mana tarina toṉove too iki rove go kaega lupo.

Pilipae 2:10

Iago, ria aqelo ro na rani, osiqira basoero na pua ne, mana ria iri le bana go, mara koloku tutuṉu mana va batua vitoṉona Jesu.

Epesus 1:20

God i vazazua go i vatoo ze go Jesu tepa le ne. God ipala vapopoka ia mana i vakoloku ze tepa matauna tanuna tepa rani ne.

Kameka Korinti 15:25

Tanego Kristo tina batu lavata go tina zadoka so ṉalu God tina vaqoqoro lupo qira kana ro ia mana tina taru qirae polana makena Kristo go.

Leta Ia Pol I Karo Ne Qira Basoero Na Rom 6:23

Tanego volina vasakata pata to le. Do sosovolomo i teke ne qita God iato too gado kutona i kaega, ṉalu ita qata ko vakamekae go de ikoe go Batu ita Jesu Kristo.

Tarama Velaka Ia Jesu Kristo I Karo Go Jon 6:27

Iago muniki zazu vokara ne patagege i sakata katikili go, do muna zazu vokara ne patagege i mazala go tekene qamu go too iki rove go kaega za lupo. Era Tuna basoe na tekene qamu patagege igogo ne, tanego God Tamaqita i vasadaka bana, i soko ava era.”

Matiu 25:46

Basoero dena tarina pala to kimata iki rove go kaega lupo, do ria basoero totoloṉo tarina zae de ikoego too iki rove go kaega lupo go.”