Tarama Velaka Ia Jesu Kristo I Karo Go Jon 15:8 - Vato Vari Vakameka Voru Ia Batu Ne

⁸ Ṉalu ramu qamu ure velaka go, qamu vasadake qamu disipoloro era, mana ṉalu nae karaputa mazala ia Mamae tina va sadaka me.

Tarama Velaka Ia Jesu Kristo I Karo Go Jon 15:8 Referans Kwoze

Tarama Velaka Ia Jesu Kristo I Karo Go Jon 8:31

Jesu i sine ne qira vano Jiu iri vaogote go ia, “Ṉalu qamu vaogote go vari vatatana era, ramu qamu disipolo ogoto era.

Matiu 5:16

Gerena napu so, tatavata ireqe de qo koe aro mara tatavata ne qira basoero, go ṉalu tarina mia vatovato velaka raro, tarina vazaka Tamaqamu ikoego rani ne.”

Pilipae 1:11

Too ramu mara purake vatovato totoloṉo i reqe me Jesu Kristo, go topu ria basoero tarina padapada mana vazaka God.

Tarama Velaka Ia Jesu Kristo I Karo Go Jon 15:5

Era to qa moki na vino, mana ramu to paqapaqarana ro, basoe iko vanadue de qa koego era, era qa koe de ikoego ia, mana ia ne tina ureure go, tanego i makuru qamu vapuro na kapata, ṉalu qamuki ko vanadue kaega de qa koego era.

Kameka Pita 4:11

Basoe i tamana go mara tamana ne Tarama Velaka ia God. Basoe i tavisi ne qira basoero ne mara zazu ne ze karaputa ia God i teke nego, mana osina pataro ni zazu ne go mara vazaka ze God loborona Jesu Kristo, de ikoego ia tarina vazaka ze karaputa ia mana go tina doka go ka ṉalu gado kutona i kaega. Amen!

Tarama Velaka Ia Jesu Kristo I Karo Go Jon 13:35

Ṉalu qamu vari mamaligarae go, basoero ne tarina mia rove, ramu qamu disipoloro era.”

Kameka Korinti 10:31

Sauna ianae ne, ṉalu qamu ṉaṉa koloku ba qamu ge loka ba kakia so kapata qamu zazu ne go, muna vazaka zaqe so God.

Kameka Korinti 6:20

tanego God i voli bana qamu, mana kudo na voli qamu i lete lavata sivala. Iago vazazu ze tokama qamu sauna velaka na God.

Luka 6:35

Mamaligara ne qira ria iri va sasakata ne qamu mana va velaka ne qira, soso ne mana kasi nanao tamunara pala vaule. Ṉalu nae voli qamu tina lete lavata, mana ramu tamuna salero ia God ni lete zakazaka sivala go. Tanego God i manava ne qira basoero, patavolomo iriki vavelaka ne kaega ia ba vatovato ria i sakata go.

Kameka Pita 2:12

Vatovato na too ramu, de iri koego vano rodoko, muna va velake, go ṉalu ria iri soko va sakata qamu, do mara ria mia too na vatovato velaka ro ramu, go tarina mia rove go velaka ramu go tarina vazaka go God musaqara ia tina za sadaka mego.

Taetusi 2:10

mana mara kasi siko na patapata ria, mara ria zazu neso pataro tina vakula go batu ria, go batu ria tina ruqe qirae loborona zazu ro ria. Loborona to zazu velaka ro nae, ria tarina vazakazaka go vari vatatana na sauna God, iato iva kavele qita go.

Taetusi 2:5

mana mara vasadake vatovato velaka na too ria go. Tavisi ne qira go tarina ko basoe dalo, miasoka velake ko tatamana ria mana vamazale valeke ro ria go, go kaega ka basoe tina seko vasakate go Tarama Velaka i reqe mego de ikoego God.

Matiu 5:44

Do ma sine ne qamu, muna mamaligara ne qira ria iri kana ne qamu, mana pene ne qira ria iri va sasakata ne qamu go.

Matiu 9:8

Ṉalu basoero iri mia pata ni sadaka go, iri sareki, mana iri vazaka God tanego i teke qira karaputa igogo dena de iri koe go basoero ne.