Tarama Velaka Ia Jesu Kristo I Karo Go Jon 15:1 - Vato Vari Vakameka Voru Ia Batu Ne

¹ “Era to qa moki na vino, mana Mamae to i valeke miasoka barui ne.

Tarama Velaka Ia Jesu Kristo I Karo Go Jon 15:1 Referans Kwoze

Kameka Korinti 3:9

Tanego qaru kameka zazu ne zazu ia God, mana ramu qamu barue ia go. Mana ramu qamu pade ia God.

Tarama Velaka Ia Jesu Kristo I Karo Go Jon 6:55

Tanego tokamaqu ne, i pata gege ogoto mana parasaqu ne, i besi ogoto go.

Kameka Jon 2:8

Do patavolomo nae, tamana qa koro ne qamu go era dena, i tamana voru napu so, mana ogotona tamana dena ita qata mia bana ze Kristo, mana i sadaka napue de qamu koego ramu, tanego tatavata i damara me mana ivakuziki ne rodoko.

Maka 12:1

Jesu i sine ne qira basoero ne seko vapadapada dena, “Kaki kameka valeke i leba barue vaeni ia mana i zazu ne kameka bara, ikolo ze go. I zazu ne de tina puqo ze go vaeni ne, mana i vadegere ze kameka pade zakazaka go tina za koe basoe tina miatarua go. Lupo nae i vamao ne qira kakia ro basoero barue vaeni, iago tarina vazazua mana teke vaule ne tanuna kadia volina urena nogotona ave, mana tanuna valeke ne i zaza, iza koe kaki dia kakavata.

Matiu 21:33

Jesu igo, “Gata napua varuana seko vapadapada dena, Iko kameka valeke i leba barue vino ia, i zazu bara e rikisina ne, mana i sola bolu go tina puqo ze vino ia, mana i zazu ne pade sadere iago. Goto nae ia, i va vamao ne qira kakiaro basoero tarina vazazua barue vino ia ne, gonae valeke ne i kasi ne komala mana za koe tekere de kakavata go.

Tarama Velaka Ia Jesu Kristo I Karo Go Jon 6:32

Jesu igo de, “Masine ne qamu pata ogoto, bureri i teke ne qamu go Mosese iki reqeme kaega rani ne, tanuna so Mamae i teke ne qamu go bureri ogoto na rani ne.

Luka 13:6

Jesu i sine ne qira vapadapada dena, “Kaki valeke i podoe barue ia kameka tokama karukae. Gonae iza taqia urena, do iki soba so kaega kaki kameka.

Matiu 20:1

Gonae Jesu i sine napua, “Too ikoego vari miasoka ia God, i gere kameka valeke i zaza va sarusaruku, i taqi qira basoero tarina zazu e barue ia mana tina voli qira go.

Tarama Velaka Ia Jesu Kristo I Karo Go Jon 1:9

Iato dena tatavata ogoto, tatavata i lama ego kolabana pua ne mana i damara qira osiqira basoero ne.

Tarama Velaka Ia Jesu Kristo I Karo Go Jon 1:17

God i tekene Tamana ia de ikoego Mosese, do Mana mana seko ogoto i reqe me de ikoego Jesu Kristo.

Matiu 15:13

Do Jesu i sine napua, “Osina moki iki leba go kaega Mamae ikoego rani ne, tina rapusu lupo.

Tarama Velaka Ia Jesu Kristo I Karo Go Jon 15:2

Paqara ro iriki ure go kaega, i koboro vakuziki ne, mana paqara ro iri ure go, iva dalo ne qira, go tina dalo mana ureure go.

Leta Ia Pol I Karo Ne Qira Basoero Na Rom 11:17

Ramu to vano qamu ki Jiu go kaega qamu gere go moki olivi piru ne, do ṉalu ninidena ramu qamu pala tavise to vavagadona too velaka i reqeme go vano Jiu.