Tarama Velaka Ia Jesu Kristo I Karo Go Jon 14:16 - Vato Vari Vakameka Voru Ia Batu Ne

¹⁶ Era tuna pene zaqe Mamae, go tina teke ne qamu kameka basoe vari vatatavisi go tina ko tavisi qamu osina ṉalu.

Tarama Velaka Ia Jesu Kristo I Karo Go Jon 14:16 Referans Kwoze

Tarama Velaka Ia Jesu Kristo I Karo Go Jon 14:26

Spirit tabo, i basoe vari vatatavisi, Mamae tina turine me ia loborona vitoṉoqu era, tina vatatana qamue osina pata, mana tina vananaotaru qamu e osina pata qa sine bana ne qamu go.

Tarama Velaka Ia Jesu Kristo I Karo Go Jon 15:26

Era tuna turi ne me basoe vari va tatavisi tina reqe me de koe Mamae, basoe vari va tatavisi nae ne iato Spirit tabo, ia tina vasadake ogoto na God. Ṉalu ia tina za lama go, ia tina sine ne qamu sauqu era.

Leta Ia Pol I Karo Ne Qira Basoero Na Rom 15:13

Go God ikutama ne go ruruqe mara vapuraka ze puṉu qamu kula kula mana bule i reqeme go vaogoto ramu de ikoe go ia, go ruruqe ramu mara popokae loborona karaputa ia Spirit tabo.

Qalesia 5:22

Do Spirit tabo i soso ne mamaligara, kulakula, bule nanao, muma katikili kaega, i soso napu ne too vari nanao, too velavelaka mana too basoe nadu go.

Leta Ia Pol I Karo Ne Qira Basoero Na Rom 14:17

Tanego de ikoe go too vari miasoka ia God sauna pata gege ba loka qamu ge, gogo ne iki za pata mazala bana so kaega. Do too ivalame go so Spirit tabo dena so lete mazala go, gerena to zazu ne na, too bulebule mana too kulakula go.

Zazu Ria Apostoloro 9:31

Pasi nae to ia eklesia ikoe go osina dia kolabana Judia, Qalili mana Samaria iri koe bule desuka. Loborona tavisi ia Spirit tabo eklesia ikaraputa, mana i zaza popoka. Topuna basoero iri vaogote go Kristo mana osiqira iri vazaka God.

Kameka Jon 2:1

Ramu salero era, go qa karo ne qamu go pata dena, go ia mamu kasi vasakata pata, do ṉalu ka basoe izazu ne pata sakata, ita iko ne qita Jesu Kristo tina tavisi ne qita. Tanego ia to i totoloṉo sivala, mana tina pene zego de ikoego Tamaqita go tina tavisi ne qita go.

Tarama Velaka Ia Jesu Kristo I Karo Go Jon 4:14

Do ka basoe i besia go besi tuna soso nego era, tiniki ara kaṉoso kaega, tanego besi tuna soso nego era tina gere besi vuala i too taru mana i teke too gado kutona i kaega basoe ne.

Matiu 28:20

Vatatana qira, go tarina vaogote mana lulua osina ro pata qa sine bana ne qamu go. Mana era tuna ko tavisi qamu osina ṉalu, go tina za doka so ṉalu kolabana pua dena tina za lupo.”

Pilipae 2:1

Ṉalu too ramu i koe loborona Knsto, lato ivakaraputa qamu, mana mamaligara ia iva momotono qamu go. Ramu qamu vari vakameka e de koe Spirit tabo, ramu qamu vari vatatavisi mana varinanao tanuqamu.

Leta Ia Pol I Karo Ne Qira Basoero Na Rom 5:5

Ruruqe dena iki ara poqe qita kaega, tanego mamaligara ia God i zele me ze go puṉu qita loborona Spirit tabo ni sosovolomo ia God de qata koe go ita.

Zazu Ria Apostoloro 13:52

Mana vano lotu iri vaogote go Jesu iri koego Antiok iri ko kula mana Spirit tabo ilama ko vakaraputae de iri koego.

Tarama Velaka Ia Jesu Kristo I Karo Go Jon 17:15

Qaki pene ge kaega tono vakuziki ne qirae go vudu pua dena, do qa pene go, ono bara ne qirae loborona karaputa ia Satana.

Tarama Velaka Ia Jesu Kristo I Karo Go Jon 14:18

Era tuna zaza, do ramu tamuniki ko miki kaega, tanego era tuna ule napu me de qamu koego.

Iburu 7:25

Ninidena, mana osina ṉalu i mazala vakavele qira basoero iri zae de ikoego God tanego Jesu i ko osina ṉalu mana i mazala pene ne qira de ikoego God.

Leta Ia Pol I Karo Ne Qira Basoero Na Rom 8:34

Iago, i mazala so kaki basoe tina seko vaqoqoro qira go ba? Kaega! Tanego tanuna to Jesu Kristo ile bana, mana i too napu me go tepa lene, mana i za koe go karisi matauna God, do iki seko vaqoqoro qira kaega, do ia i pene vakaraputa ne qitae de ikoego God.

Tarama Velaka Ia Jesu Kristo I Karo Go Jon 14:14

Ṉalu qamu pene ze kaki pata, loborona vitoṉoqu, era tuna zazu ne.”

Tarama Velaka Ia Jesu Kristo I Karo Go Jon 17:20

Qa pepene ne qira ria de, mana qa pepene napu ne qira osiqira basoero tarina vaogoto ava go era, tanego tarina gata seko ro ria.

Tarama Velaka Ia Jesu Kristo I Karo Go Jon 16:22

Igere napu qamu so ramu go, ninidena qamu maqata, do ṉalu tuna lama mia napu qamu, puṉuqamu tina purake kulakula. Kulakula nae ne, ikaega napu ka basoe tina mazala go pala vakuziki ne qamue go.

Karua Tesalonika 2:16

Go Batu ita Jesu Kristo mana God Tamaqita i mamaligara ne qita, Mana ia, i vakaraputa qita osina ṉalu mana i vanadua ruruqe ita go.

Tarama Velaka Ia Jesu Kristo I Karo Go Jon 7:39

Jesu i sine iadena, i vatalupasa ze Spirit tabo, go ria iri vaogote go tarina toṉove. Torana ṉalu nae God iara kaebo sosone Spirit tabo, tanego Jesu iara kaebo pala na karaputa mazala na rani ne.

Zazu Ria Apostoloro 1:4

mana ṉalu iri kameka teṉo go, ia i teke ne qira tamana dena, “Muniki kasi ne Jerusalema, do muna piri ne sosovolomo ia Mamae i pui bana ne go gerena qa sine bana ne qamu go.

Kameka Jon 2:27

Do ramu Kristo i teke bana qamu Spirit tabo. Mana Spirit tabo nae i ko tarue loboro qamu, iago qamuki ara taqia kaega kaki vari vatatana napu. Tanego Spirit tabo nae to iva tatana qamue go osina pata. Iago osina pata i vatatana qamue go i pata ogoto, iki poqe kaega, iago nuna ko vanadue loborona vari vakameka ia Kristo, gerena i vatatana qamue go Spirit tabo.

Karua Jon 1:2

Tanego seko ogoto dena ikoe loboro qita mana tina ko tarue to de qata koego ita osina ṉalu topu ro ne.