Tarama Velaka Ia Jesu Kristo I Karo Go Jon 14:10 - Vato Vari Vakameka Voru Ia Batu Ne

¹⁰ Avigo qoki vaogote so kaega, era qa koe loborona Mamae mana Mamae i koe loboroqu era go? Sekoro qa seseko ne go era, iki reqe kaega nanao era tanuqu, do mamae ikoego loboroqu era izazu ne go pata i soko go.

Tarama Velaka Ia Jesu Kristo I Karo Go Jon 14:10 Referans Kwoze

Tarama Velaka Ia Jesu Kristo I Karo Go Jon 5:19

Iago Jesu i vataule ne qira, “Ma sine ne qamu pata ogoto. Tuna God i makuru tina zazu ne pata i soko go tanuna, do tina zazu neso pata i mia ze Tamana i zazu nego. Pataro izazu nego Tamana, Tuna, tina zazu napu neso go.

Tarama Velaka Ia Jesu Kristo I Karo Go Jon 10:38

Do ṉalu qa zazu neso era kameka patana so i zazu ne go Mamae, ramu muna vaogote pataro qa zazu ne go era. Ṉalu qamuki vaogoto ava kaega era, do muna vaogote pataro qa zazu ne go. Nae ne qamu mazala to rove na Mamae i koe loboroqu era, mana era qa koe loborona Mamae go.”

Zazu Ria Apostoloro 10:38

Ramu qamu rove napua de igogo pepeu na Jesu na Nazaret mana de igogo God ni zuga ze go ia Spirit tabo mana karaputa. I zae osina dia, i zazu ne pata velaka ro mana iva tavoese qira vano iri koego karaputa ia manuru. I zazu ne pataro dena, tanego God i ko tavise ia.

Tarama Velaka Ia Jesu Kristo I Karo Go Jon 12:49

Iadena i pata ogoto, tanego qaki seko ne kaega nanao era tanuqu, do Mamae ni turi nava mego i teke nava Tamana, iato qa seko ne go.

Tarama Velaka Ia Jesu Kristo I Karo Go Jon 10:30

Tanego raru Mamae, qaru kameka so.”

Tarama Velaka Ia Jesu Kristo I Karo Go Jon 8:28

Iago i vane qira dena, “Ṉalu tamuna vaidoko ve era Tuna basoe koluse ne, ramu tamunara rove, ‘Era To Qa Basoe Qa Ko Osina Ṉalu.’ Mana tamuna rove napua era qaki zazu ne kaega pata i lulua go nanaoqu tanuqu, do qa sine so pataro iva tatana ve Mamae.

Kolosia 2:9

Tanego Kristo i lama basoe gere qita so ita, mana too ia God i koe de ikoego ia, ko i vae go vudu pua dena,

Tarama Velaka Ia Jesu Kristo I Karo Go Jon 17:8

Pataro qo sine nava go, qa sine lupo ne qira to, mana iri vaogote to go, iri rove era qa koe mana qa reqe de qo koego aro, mana iri vaogote aro qo turi nava go era.

Tarama Velaka Ia Jesu Kristo I Karo Go Jon 5:17

Do Jesu i vataule ne qira igo, “Mamae ne, osina ṉalu i zazu, iago era do, tuna go napu so.”

Kameka Jon 5:7

Iago kapisa pata dena to iri vasadaka velaka mego sauna Jesu de qata koego ita.

Karua Korinti 5:19

Iato dena tarama i taru ne qemu remu, “De koe Kristo, God i vine qira osiqira basoero ne tarina vakitaka ia.” God iki nanaotarua kaega vasakata pata ro ria, do tarama i taru ne qemu igo, ria tarina vakitaka ro ia.

Tarama Velaka Ia Jesu Kristo I Karo Go Jon 8:38

Qa vatatana qamue pataro i va mia ve Mamae, do ramu, qamu lulua so pataro iri sine ne qamu go tamaqamu ro.”

Kolosia 1:19

Tanego i sauna vivine ia God, sale ia tanuna i gere ogote dego God.

Tarama Velaka Ia Jesu Kristo I Karo Go Jon 14:20

Tina doka go musaqara na ne, ramu tamuna rove era qa koe loborona Mamae mana ramu qamu koe loboroqu era, gere na era qa koe loboro qamu ramu.

Tarama Velaka Ia Jesu Kristo I Karo Go Jon 7:16

Do Jesu i vataule ne qira igo, “Pataro qa vari vatatana nego, iki ke era kaega tanuqu, do i ke ia God i turi nava mego.

Tarama Velaka Ia Jesu Kristo I Karo Go Jon 8:40

Era qa lama sine ne qamu so ramu pata ogoto qa gata ze go God, do ramu qamu taqia zuka go mamu vae vale ava era, qamu nanao vatovato ia Abra-am tane qamu lulua go?

Tarama Velaka Ia Jesu Kristo I Karo Go Jon 11:26

mana basoe too i vaogoto ava go era, tiniki ara le kaega. Avigo qo vaogote seko dena?”

Tarama Velaka Ia Jesu Kristo I Karo Go Jon 3:2

Kaki kameka kuse i za mia Jesu mana i sine ne ia, “Valeke vari vatatana, remu qi rove aro qo kakia valeke vari vatatana i turi nigo me God. Tanego kaega kaki basoe i mazala go zazu ne zazu vari vapoloso ro gere mu aro, ṉalu God iki ko tavise kaega ia.”

Tarama Velaka Ia Jesu Kristo I Karo Go Jon 14:11

Muna vaogoto ava era, ṉalu qa go era qa koe loborona Mamae mana Mamae i koe loboroqu era. Ba ṉalu kaega ne, vaogoto ava so era ramu, tanego qamu mia bana to zazu velakaro qa zazu ne go.

Tarama Velaka Ia Jesu Kristo I Karo Go Jon 14:24

Do ka basoe iki mamaligara nava go kaega era, iki lulua kaega vari vatatana era. Do vari vatatana qamu gata go ne, iki ke rera kaega, do i ke ia Mamae ni turi nava mego.