Tarama Velaka Ia Jesu Kristo I Karo Go Jon 11:25 - Vato Vari Vakameka Voru Ia Batu Ne

²⁵ Do Jesu i sine ne ia, igo, “Era to qa mazala go vatoo na basoe mana teke ne too go. Ka basoe i vaogoto ava go era, patavolomo i le, ia tina pala too i ko sivala go,

Tarama Velaka Ia Jesu Kristo I Karo Go Jon 11:25 Referans Kwoze

Kameka Tesalonika 4:14

Ita qata vaogote go Jesu ile mana itoo napu mego tepa le ne. Sauna ia dena God tina pala qira ria iri le bana go tarina ko tavise Jesu ṉalu muzimuzi.

Tarama Velaka Ia Jesu Kristo I Karo Go Jon 3:36

Iago ka basoe i vaogote go Tuna God, ia tina pala too iki rove go kaega lupo, do basoe iki vaogote go kaega Tuna God, ia tiniki pala kaega too igogo ne mana God tina muma taru ne iago.

Tarama Velaka Ia Jesu Kristo I Karo Go Jon 1:4

Loborona ia ikoe too. Too nae, iato tatavata i damara qira basoero na kolabana pua ne.

Tarama Velaka Ia Jesu Kristo I Karo Go Jon 5:21

Ivari pada na napu so, Mamae i vatoo ule basoe le mana i teke ne qira too, gerena napu so era, Sale ia, tuna teke ne qira too ria qa soko qirae go.

Tarama Velaka Ia Jesu Kristo I Karo Go Jon 6:44

Mamae tane i turi nava go era, iago kaega ka basoe tina mazala go lama va era, do ṉalu Mamae tina turine mego ia de qa koego, era tuna vatoo ze ia tepa le musaqara muzimuzi go.

Leta Ia Pol I Karo Ne Qira Basoero Na Rom 8:2

Tanego karaputa ia Spirit tabo i teke ne qita too i vakameka ne qita go ita Kristo, go i lukasa qita go sauna vatovato ia vasakata pata, mana go i vae vale qita go.

Tarama Velaka Ia Jesu Kristo I Karo Go Jon 6:35

Do Jesu i sine ne qira igo, “Era to qa bureri na too, ka basoe i lama va era tiniki ara saqo kaega, mana ka basoe i vaogoto ava era tiniki ara kaṉoso kaega go.

Revaleson 21:4

Ia tina qulasa vakadale sone na mataqira. Kaega napu ka basoe tinara za le ba maqata ba dae mana vokara go. Tanego osina pata bana ro i kaega lupo to.”

Pilipae 3:10

Pata qa soko go era, rove na mana nanao rove na de go karaputa na too napu ia Jesu tepa le ne. Ma kena tavise vokara ia, mana ma gere ia i le go.

Revaleson 20:5

Ia dena, i vari vatoo kenaqa God i zazu ze de iri koego vano le. Do osiqira kero ne vano le God iki va too qira kaega, do tarina piri ne so kameka mao masirani tina lupo go.

Zazu Ria Apostoloro 3:15

Iato go qamu vae vale go basoe i mazala go teke ne na too ogoto basoe ne, do God i va too ze ia tepa le, mana remu to qi mia go.

Tarama Velaka Ia Jesu Kristo I Karo Go Jon 14:6

Jesu i vataule, igo, “Era to qa zuka, qa ogoto mana qa too, ka basoe i soko zae na de ikoego Mamae, tina zuka goe me de qa koego era.”

Tarama Velaka Ia Jesu Kristo I Karo Go Jon 5:26

De ikoego Mamae i reqe mego too ogoto, gerena napu so Tuna i reqe me too ogoto.

Revaleson 22:17

Spirit tabo mana qole busi ne iru go, “Lama!” Basoero iri gata go seko dena, mara sine napua, “Lama!” Lama, ramu qamu konoso go mana besia, besi na too ikaega go volina.

Tarama Velaka Ia Jesu Kristo I Karo Go Jon 14:19

Kavia to musaqara i ko basoero na vudu pua dena, tariniki mia va kaega era, do ramu tamuna miava era, tanego era to qa too, iago ramu tamuna too go.

Pilipae 1:23

Era qaki rove kaega ade ke tuna lulua go, do era qa lete soko, ma kasi ne too dena mana ma ko tavise Kristo, iato i pata velaka sivala go.

Revaleson 22:1

Gonae aqelo ne i vamia zave besi uguru na too i damara gere duviduvi na sirosiro i za reqe me de kolokoloku batubatu ia God mana Tunana Sipi ne go,

Karua Korinti 4:14

Ita qata rove, God iva too ze Jesu tepa le, qata rove napua ia tina vatoo qita ṉalu tatana le, gerena i vatoo go Jesu. Mana tina pala qemu remu, mana ramu, go tatana za koe tarakenaqana Jesu.

Leta Ia Pol I Karo Ne Qira Basoero Na Rom 4:17

gerena i sine go Buka tabo ne, “Era qa vine go aro tono tamaqira sinaqe topu ro ne.” Iago pui dena i nadu banae de ikoe go God ni vaogote go Abra-am. God dena to i vatoo me qira go vano iri le bana go, mana seko mazala ia i vazari me pataro iriki ko banae go kaega vudu pua.

Luka 23:43

Jesu i sine ne valeke ne, “Masine nigo pata ogoto, ninidena aro tono ko tavisi ve era Paradiso.”

Kameka Korinti 15:29

Aria, avigo tane basoero iri bapitema nego sauqira vano le, avana tane iri nanao tarina pala go? Avigo i ogoto, tane kakiaro iri go vano le tariniki too napu kaega? Iago avigo tane basoero ne iri bapitema qira go vano le ne.

Kameka Korinti 15:18

Ianae i talupasa napua so, vano iri vaogote go Kristo iri le bana go iri patavolomo so go.

Tarama Velaka Ia Jesu Kristo I Karo Go Jon 3:16

God i lete mamaligara ne qira basoero na vudu pua dena, iato go i turi valame ava go era kameka Tuna, go ka basoe i vaogoto ava go era tiniki le go kaega, do tina toṉove too iki rove kaega lupo.

Revaleson 1:18

Era to, basoe qa too ogoto go, era to qa le bana go ninidena qa too, mana tuniki ara le napu kaega, doka to ṉalu gado kutona i kaega go. Era to qa pala go karaputa i sivala nego le, mana qa pala karaputa i sivala ne go komala ria vano le go.