Tarama Velaka Ia Jesu Kristo I Karo Go Jon 1:15 - Vato Vari Vakameka Voru Ia Batu Ne

¹⁵ Jon na bapitema tane i sine ne qira basoero sauna valeke dena, ia i koru valavata me igo, ‘Tato dena basoe qa pepeu ne qamu go,” qa sine go, “Basoe tina lama go taramuziqu era, i lete mazala sivala nava era, tanego basoe nae i ko bana so ia qara podo go era.”

Tarama Velaka Ia Jesu Kristo I Karo Go Jon 1:15 Referans Kwoze

Matiu 3:11

Era qa bapitema qamue ramu besi go tina vasadake ramu qamu manava sakata ne vasakata pataro ramu. Do valeke tinara lama taramuziqu era i lete karaputa sivala nava era. Patavolomo makebotu ia do era ki torava kaega tuna pala ne go. Ia tina bapitema qamue ramu Spirit tabo mana nako.

Kolosia 1:17

Kristo i ko bana so tarakenaqana iara zari go osina pataro dena, mana loborona vari va kameka de koe ia osina ro pata i tavine bana so de tarina koego.

Tarama Velaka Ia Jesu Kristo I Karo Go Jon 17:5

Mamae, ninidena qa soko mo vasadake karaputa mazala era, i ko nava go torana qa kotavisi go, ara kaebo zari i vaego kolabana pua dena.

Luka 3:16

Do Jon i sine ne qira igo, “Era qa bapitema qamue so besi, do ia tina zalama go, i lete sivala nava era. Era iki torava kaega tuna lupase go qolo na makebotu ia. Mana ia ne tina bapitema qamue Spirit tabo mana nako go.

Tarama Velaka Ia Jesu Kristo I Karo Go Jon 8:58

Jesu i sine ne qira, “Tarakenaqana Abra-am iara podo go, ‘Era To Qa Basoe Qa Ko Osina Ṉalu.’ ”

Revaleson 2:8

Ia i seko, igo napu dena, “Ono karo ne zaqe aqelo na eklesia na simina. Iato dena seko era, valeke qa kenaqana mana lupolupo nago osina ro pata. Qa le bana mana qa too napu mana tuniki ara le kaega go.

Iburu 13:8

Jesu Kristo iki rove kaega kavala vatovato ia i varipada so, tupi me ṉalu bana ne, ninidena, mana tiniki rove kaega za lupo go

Tarama Velaka Ia Jesu Kristo I Karo Go Jon 1:27

Ia tina lama taramuziqu era, do era iki ara torava kaega patavolomo lupase na qolo na makebotu ia.”

Maka 1:7

Jon i sine vasadaka ne qira basoero ne igo, “Kameka basoe tina lama muziqu era, i basoe mazala sivala nava era. Patavolomo, era iki torava kaega tuna tudu mana lukase go qolona makebotu ia ne.

Revaleson 1:11

Naki nae igo dena, “Ono karo ze buka osina pataro qo mia go dena, mana vazao ne qira kavitu eklesia iri koego komala lavata ro dena, Epesus, Simina, Peqamam, Taetira, Sadisi, Piladelpia mana Laodisia go.”