Jemisi 4:1 - Vato Vari Vakameka Voru Ia Batu Ne

¹ Avigo qamu rove ramu tane pata iva pera taru qamu go mana qamu soko go varitara osina ṉalu gogo ne? Ireqeme so soko raramu qamu lene go soko na osina pata. Ia so nae tane ivaritarae go de qamu koe go ramu.

Jemisi 4:1 Referans Kwoze

Kameka Pita 2:11

Qa pene qamu turaquro, ko ramu vudu pua dena qamu ko gerena so vano tupaka, tanego iki komala ogoto kaega. Iago kasi luluna nanao sakata ni soko go nanao qamu iri kana taru ne go madau qamu.

Qalesia 5:17

Tanego pata sakata isoko go basoe na vudu pua dena, iki soko kaega Spirit tabo. Pata velaka isoko go Spirit tabo iriki soko kaega basoero na vudu pua dena go. Riru karua too dena iru varivakakavatae mana iato dena i talukasana go i makuri go tono zazu ne go pata qo soko go zazu nena.

Leta Ia Pol I Karo Ne Qira Basoero Na Rom 7:23

Do qa mia kameka tamana kakavata i zazue go loborona tokamaqu, mana tamana nae i varitarae de ikoego Tamana i toqe ne go nanaoqu. Iago i qolo ava era, tane tamana ia vasakata pata i zazue go loborona tokamaqu.

Leta Ia Pol I Karo Ne Qira Basoero Na Rom 8:7

Iago, ṉalu kameka basoe i nanao vamazale, mana i lulua go vatovato ia tokama basoe na vudu pua dena, basoe nae i kana ne God. Tanego iki nanao vamazale kaega vaogoto na Tamana ia God, mana i pata ogoto i makure to ia tina lulua go.

Jemisi 1:14

Do basoe tanuna so isoba go qiqilo sakata ro nae ṉalu iki vana ne go kaega soko na pata sakataro iri lamae go de ikoe go.

Kameka Pita 1:14

Muna vaogote God, mana kasi va lulu zena too ramu nanao sakataro qamu lulu bana go ṉalu bana ne de qamu ara kaebo go rove na kaki pata.

Kolosia 3:5

Muna vae vale too ba vatovato na pua dena ni zazu e loboro qamu, gere vari vagabu sakata de koe kene basoe, ba zazu ogoto ne pata sakata de koe kene basoe, nanao ba soko na zazu sakata, mana kasi qora ne patapata ia kene basoe, tanego i gere ṉalu qamu vazaka go beku.

Karua Pita 3:3

Pata kenaqa, ramu muna nanao tarua ṉalu musaqara muzimuzi tina za sadaka me, kavia ro basoe iri too ego soko na vasakatena tokama qira, tarina va kari ne qamu.

Jemisi 4:3

Mana ṉalu qamu pene go do qamu ki pala go kaega, tanego pataro qamu pene go i sauna so pata mara vakula qamu so.

Karua Pita 2:18

Iri zazu ne seko vazakanapu mana vari va bulaṉoi. Iri vaqalo qira basoero go mara va zazua nanao sakata, visara na tokama qira, go ia mara vasoru qira basoero iri ara vatupiana ne go vana nena too sakata ro ria ne, iri go.

Taetusi 3:3

Tanego ṉalu bana ne qata bulaṉoe, go qata legulegu, qata soko go pataro ivakula so tokama qita, patana ro pua dena. Qata variqo ze too ita zazu sakata ro, mana qatiki soko qira kaega kero ne basoero ne, gereso ria iriki soko qita go kaega.

Taetusi 3:9

Do ono tabali kakamu ne aro seko bulaṉoi ro mana tutusi loda ro vano ṉalu bana ro, mana varitara ba vari valegu ne talupasana ro seko Tamana ro ia Mosese go. Seko igogo nae i kaega go kapata velaka na, mana iki tavisi ne kaega basoe go.

Leta Ia Pol I Karo Ne Qira Basoero Na Rom 7:5

Ṉalu ita qata koe go too na vudu pua dena, tamana iva tadagasiri me vasakata pata go i zazue go tokama qita, iago ita qata zazu ne pata sakata ro iri vae vale qita.

Matiu 15:19

Tanego loborona nanao na basoe i tupi mego nanao sakata ro, gerena vae vale na basoe, taunata, zazu sakata de koe kene basoe, siko, poqe mana pepeu valu qira basoero ne go.

Tarama Velaka Ia Jesu Kristo I Karo Go Jon 8:44

Vatovato qamu lulua go i gere so vatovato ia tamaqamu Satana, mana osina ṉalu qamu soko so zazu ne na pata i soko go ia. Zazu i zazu kenaqa ne Satana ne, vae vale na basoe, mana iki soko kaega pata ni ogoto go, tanego i kaega pata ogoto ikoego ia. Ṉalu ia i sine pata ni poqe go, i luluato pata i soko go, tanego i basoe poqepoqe mana i tamana to poqe ro go.

Karua Timoti 2:23

Oniki tavisi pepeu na pata poqepoqe ro ba vari valegu poqepoqe ro, tanego pataro dena i vapera qira so basoero ne.