Jemisi 2:21 - Vato Vari Vakameka Voru Ia Batu Ne

²¹ Avigo tane kazigarata ita Abra-am i lama ko totoloṉoe go de ikoe go God? Tanego sauna pata i zazu ne go, ia i pala sale ia Aisak mara komakoma ne ze popokona sara ne igo.

Jemisi 2:21 Referans Kwoze

Tarama Velaka Ia Jesu Kristo I Karo Go Jon 8:39

Iri vataule ne ia, iri go, “Remu tamaqemu Abra-am.” Do Jesu i vane qira dena, “Ṉalu qamu salesalero ogoto ia Abra-am, ramu tamu zazu napu neso pataro i zazu nego ia.

Leta Ia Pol I Karo Ne Qira Basoero Na Rom 4:16

Iago pui ia God i degere ne vanaduna vaogoto go tarina pala ogote go sosovolomo ia God i teke volomo ne qira go vano iri reqeme go sasaqi ia Abra-am. Do iki keria miki so kaega ria iri lulua go Tamana ia Mosese, do ria napu to vano iri vaogote go God, gerena Abra-am ni vaogoto go. Tanego Abra-am to i Tamaqita osiqita,

Matiu 12:37

Tanego sauna to sekoro qamu vasadake go, God tina vazazu ze go vivine ia, avigo qamu totoloṉo ba qamu kebu go.”

Jemisi 2:24

Iago qamu mia to, zazu ia so basoe i vatotoloṉe go ia de ikoe go God.

Jemisi 2:18

Do kadigo kaki basoe tina go, “Kakiaro basoe iri vaogote so God, mana kakiaro iri zazu ne pata velaka.” Ṉalu igogo nae aro ono vamia zava era de igogo ia ni vaogote God igogo, do iki zazu ne kaega kaki pata velaka. Era ṉara vamia zigo aro pata velaka ro qa zazu ne go ni sadake go vaogoto era de ikoe go God.

Leta Ia Pol I Karo Ne Qira Basoero Na Rom 4:12

I tamaqira napu so vano Jiu iri kosi bana go, iki sauna so kaega iri kosi go, do iri vaogote God gerena Abra-am ni zazu ne go tarakenaqana iara kaebo go kosi.

Leta Ia Pol I Karo Ne Qira Basoero Na Rom 4:1

Avana mata vane too ia Abra-am, i kazigaratana go sinaqe ita? Ava patana i dokae de ikoego ia?

Leta Ia Pol I Karo Ne Qira Basoero Na Rom 3:20

Tanego kaega ka basoe i totoloṉoe go de ikoe go God ṉalu i lulua go so pataro ni sine go Tamana. Do pata i zazu ne go Tamana i varove ze so basoe nabi i zazu ne go vasakata pata.

Zazu Ria Apostoloro 7:2

Sitivini i vataule igo, “Turaquro, mana mamae ro, gata va era! Tarakenaqana go ia kazigarata ita Abra-am iara za koego Aran, damara na tatavata mazala ia God i sadake ia tepa Mesopotamia,

Tarama Velaka Ia Jesu Kristo I Karo Go Jon 8:53

Avigo qo nanao qo sivala ne Abra-am tamaqemu remu? I le bana go, mana propetaro go iri le lupo bana. Qo nanao akena tane aro na?”

Luka 16:30

Valeke vavagado ne i vataule, ‘Ianae iki tora kaega mamae Abra-am! Do ṉalu kaki basoe tara too napu me tepa le, mana za sine ne qira ṉalu nae, ria iri mazala manava sakata ne vasakata pata ro ria.’

Luka 16:24

Gonae i koru aqe, ‘Mamae Abra-am, nanao ava me, turi me Lazarus mara vaboma ze karisina besi mana mara lama va lolomua kalamiaqu tanego era qa lete lama vokara e nako dena!’

Luka 1:73

I odoodo banae de ikoego kazigarata bana ita Abra-am.

Matiu 3:9

Muniki vapala zeso sine na ramu tamaqamu Abra-am, iago God ki mazala kaega vakimata qemu, ma sine ne qamu, God i mazala so palana ipakaro dena mana zazu vatopu zego salero ia Abra-am.

Iburu 11:17

Abra-am i vaogote God, iato go i toqe ne komakoma ne na kameka sale ia Aisak, ṉalu God i pada ne ia. De koe Abra-am God i zazu ne ze pui ia, do Abra-am i vanama neso komakoma ne sale ia.