Iburu 5:1 - Vato Vari Vakameka Voru Ia Batu Ne

¹ God i mazala vine na kaki valeke loboro qira basoero iago tina batu ria go patere ro. Zazu ia basoe nae tina osaka ne God, mana degere ne qira basoero go, zazu ia tina komakoma mana teke God sosovolomo, sauna vasakata pata ro ria basoero ne.

Iburu 5:1 Referans Kwoze

Iburu 8:3

Osiqira batu Patere ro i vine qira tarina zazu komakoma mana teke sosovolomo ria de ikoego God. Iago batu Patere ita tina zazu napu ne so sosovolomo ia de ikoego God.

Iburu 10:11

Osina musaqara patere ro ria vano Jiu iri zazu ne zazu patere ro ria, iri soso ne kameka ado na so komakoma, do komakoma ro dena iki vatalupase kaega vasakata pata.

Iburu 11:4

I sauna vaogoto ia, Ebolo i teke zaqe komakoma velaka ia de ikoego God, i sivala ne komakoma ia Ken. Loborona vaogoto ia Ebolo, God i toqe ne komakoma i soso ne go Ebolo go. Ebolo i le bana, do de igogo vaogoto ia, iara seko eso de qata koego ita ninidena.

Iburu 9:9

Iadena i lala na ṉalu ro dena, i talupase pataro iri teke zaqe God patere ro, mana pata qaraqara iri komakoma nego, i makuru tina lete vatotoloṉe too ia basoe nae de koe tarakenaqana God.

Iburu 7:27

Ia iki gere qira kaega kero ne batu Patere ro iri zazu komakoma go osina ṉalu, kenaqana iri zazu komakoma ne tanuqira go tarina dalo mana taramuzina iri zazu komakoma ne va dalo na vasakata pata ria kerone basoero go. Do ia ne i zazu neso kameka komakoma, iato ṉalu i teke go tanuna de ikoego Tamana, mana komakoma dena i pata ko sivala go.

Iburu 2:17

Iato go i tora ia tina vanadua mana osaka ne zazu ia de koe God gerena batu ria patere, go vasakata pata ria basoero ne na nanao ule ne qira.

Leta Ia Pol I Karo Ne Qira Basoero Na Rom 15:17

Loborona ko vakameka era de ikoe go Jesu Kristo, era qa lete vazaka napu ne zazu era de ikoe go God.

Kameka Korinti 15:3

Qa vakava napu qamue ramu, pata qa pala go, iato i lete mazala sivala i karo ego Buka tabo, igo, Kristo i le ne vasakata pata ro ita,

Iburu 8:4

Ṉalu go tara koego pua dena, ia tara ki patere kaega, tanego topu patere iri ko mana iri teke komakoma ria de ikoego God, lulua so dego Tamana ia Mosese.

Iburu 10:12

Do Kristo i zazu neso kameka komakoma, mana komakoma ia dena i koe karaputa go tina vatalupase go vasakata pata mana taramuzina nae ia i za kolokue tepa karisi matauna God.