Iburu 2:11 - Vato Vari Vakameka Voru Ia Batu Ne

¹¹ Basoero iri vasakata pata go iva dalo qira, iago Jesu mana ria i vadalo qirae go vasakata pata ne i kameka so Tamaqira. Iato go Jesu iki agava ne kaega koru qira e togaquro ba kaequro.

Iburu 2:11 Referans Kwoze

Iburu 10:14

Minena so kameka ṉalui komakoma ne tanuna, Kristo iva totoloṉo qira osina ṉalu basoero iri dalo bana ego vasakata pata ro ria.

Iburu 10:10

Tanego Jesu Kristo i zazu valupo banato pata i soko go God, tina zazu nego ṉalu ia i vamao go tokamana go ile go koluse ne, ia i komakoma ne tanuna kameka so ṉalu, sauna to zazu dena God i va dalo qitae ita loborona vasakata pata ro ita go.

Tarama Velaka Ia Jesu Kristo I Karo Go Jon 20:17

Jesu i sine ne ia, “Oniki siba va, tanego qara kaebo ule za na de ikoego Mamae. Do ono zae de iri koego vakitaka ro era mana sine ne qira, era tuna ule za de koe Mamae iato i Tamaqamu, mana i God era, iato i God ramu go.”

Iburu 13:12

Gerena napu so, Jesu i le taramuzina komala lavata ne, go tina vadalo qirae basoero ne parasana tanuna.

Leta Ia Pol I Karo Ne Qira Basoero Na Rom 8:29

Tanego ria i vine bana qira go dena God, ria to tarina lama gere go sale ia ne, mana sale kenaqa iadena iato i toga qira go osiqira ne.

Tarama Velaka Ia Jesu Kristo I Karo Go Jon 17:19

Era qa vanama tanuqu, go tuna osaka niqo, qa zazu ne ia dena sauqira ria ne, go ria tarina vanama ogoto ne osaka nigo aro.

Tarama Velaka Ia Jesu Kristo I Karo Go Jon 17:21

Mamae, qa peni go, go osiqira basoero iri vaogoto ava go era, tarina kameka, gere na ituru qaturu kameka go. Qa peni go, go basoero dena tarina kamekae de qaturu koego, go basoero na kolabana pua dena tarina vaogote, aro qo turi nava era.

Matiu 25:40

Era tuna vataule ne qira, ‘Masine ne qamu pata ogoto, ṉalu qamu zazu ne ze pataro dena, de ikoe kakia basoero era iri mimia volomo go, igerena so qamu zazu ne zeto deqa koego era go!’

Iburu 2:14

Salero iri vane qira go ne, basoero i ko go manu mana parasa qira, Jesu tanuna i basoe napu so mana i podo napue so vudu pua go. I lama basoe, go le i vae go koluse ne, i vasakate Satana i kone go karaputa tepa ia le, karaputa i mazala go vae vale na basoe.

Qalesia 4:4

Do ṉalu i lama doka to, ṉalu God i valame Sale ia tanuna. I lama podoe qole basoe na pua dena, mana i lulua tamana ria vano Jiu.

Zazu Ria Apostoloro 17:26

Ireqe me so kameka basoe, God iara vazaria go soso adoadona basoe mana i taru qirae osina dia kolabana pua, mana ia i vine lodana ṉalu ria tarina too mana de tarina koego.

Iburu 11:16

Do kaega, ria iri le ne vudu voru iato rani ne. Mana God iki agava ne kaega tarina koru ze ia God ria, tanego i vanama ne qira kameka komala lavata ria.

Maka 8:38

Basoero na ṉalu ninidena iri zazu ne soso adoadona pata sakata mana iriki soti ze kaega tanuqira de ikoego God. Iago, ṉalu ka basoe i agava nava era, era tuna agava napu ne so ia, ṉalu tuna lamae go karaputa na tatavata ia Mamae mana aqeloro tabo ia ne go.”

Matiu 28:10

Jesu i sine ne qiru, “Kasi sareki, za mana sine ne qira vakitaka ro era mara ria zae Qalili, de go tarina garetu mia vego era.”

Zazu Ria Apostoloro 17:28

Gerena kaki basoe ikaro bana mego, igo dena, “Loborona ia tane qata tooe go qata vizuvizu mana qata zazu go. Mana gerena napu so kaki basoe tarove ramu ikaro bana go igo dena, “Ita Osiqita qata sale ro ia.”

Luka 9:26

Ka basoe i agava nava era mana vari vatatana ro era gogo ne. Era Tuna basoe, tuna agava napu ne ia, ṉalu tuna lamae go tatavata era mana tatavata ia Mamae mana ria aqelo tabo ro iago.

Maka 3:34

I reṉa ne qira basoero iri koloku kolo go ia mana igo dena, “Mia! Ria to dena kanaero, kaequru, mana vavaniqu go era.

Iburu 3:1

Vakitaka ro era loborona lotu, God i koru bana qamu! Nanao vamazale Jesu, God i turine ne ia tina Batu ria patere de qata koego, i mazala go sine vasadake na vaogoto ita.