Iburu 13:7 - Vato Vari Vakameka Voru Ia Batu Ne

⁷ Nanao taru qira ria iri kenaqa bana ne qamu go, iri tarama ne go seko ia God de qamu koego. Nanao ule zaqe de go koko ria go iri le go, muna lulua too ria, iri vasadake vaogoto ria de ikoego God.

Iburu 13:7 Referans Kwoze

Iburu 13:17

Vaogoto qira vano kena kenaqa ro ramu, mana lulua pataro iri sine go. Tanego iri mia tarua too kristiano ramu, mana iri ki ziṉo kaega go, ria tarina sine vasadaka ne God avana iri zazu nego. Ṉalu ramu qamu lulua pataro iri sine qamu go, ria tarina zazu e loborona kula, ṉalu kaega, ria tarina zazu e loborona maqata, mana tiniki tavisi ne qamu kaega go.

Pilipae 3:17

Vakitaka ro era muna vapadapada de qa gogo era, mana lulua de iri gogo ria iri zazu ne vato totoloṉo, gere na so de qa va mia qamu e go era.

Iburu 6:12

Remu qiki soko kaega ramu tamuna muaka, do muna gere qira vano iri vaogoto go mana iriki pela ne go kaega piri, mana loborona to zuka dena iri pala ze go pata i pui bana nego God tina teke ne qira go.

Kameka Tesalonika 1:6

Ṉalu ramu qamu lulua go vatovato reremu, qamu lulu napua so vatovato ia Batu ne, patavolomo qamu soba go vokara, do ramu qamu kula ṉalu qamu pala go Tarama Velaka iza reqeme go Spirit tabo.

Zazu Ria Apostoloro 14:23

Nogotona komala ne, iru vine qira kazigarata ro tarina kenaqa ne lotu, iri pepene, iri qaniqani mana iri teke ne too ria de ikoego Batu ne, tanego de i koe ia, iri taru ze vaogoto ria.

Matiu 24:45

Gonae Jesu i sine napua, “Akena tane i basoe zazu vavaogoto mana tarove go? Iato valeke i va kenaqe go batu ia go tina miasoka qira kero ne vano zazu ne, go ṉalu na ṉaṉa, ia tina teke ne qira vano zazu pata gege ne.

Kameka Timoti 3:5

Ṉalu go basoe nae iki rove velake kaega miasoka na ko tatamana ia, ava tina go tina miasoka go eklesia ia God.

Iburu 13:24

Teke ne seko kula remu de iri koego basoero kena kenaqa ramu, mana osiqira basoero ia God go. Sine ne qira, vano lotu iri koego Itali iri sine me seko kula ria de qamu koego.

Kameka Tesalonika 2:13

Mana kakia napu pata, remu qimu seko velaka ne za qe God osina ṉalu. Ṉalu qimu garetu sine vasadaka ne qamu go seko ia God. Mana pata ogoto sivala, God izazue loboro qamu ramu qamu vaogote go ia.

Kameka Korinti 4:16

Iago era qa lete pene qamu ramu, inuna lulua de qa gogo era.

Leta Ia Pol I Karo Ne Qira Basoero Na Rom 10:17

Iago, ita qata rove, vaogoto tina reqeme ṉalu qata gata go tarama, mana go tatana gata go Tarama Velaka ne, tina za reqeme ṉalu basoe i lama tarama ne sauna Kristo.

Zazu Ria Apostoloro 4:31

Ṉalu ria iri lotu lupo pade iri teṉoe go i vizu, osiqira iri purake to Spirit tabo, mana muzina nae ria iri vatupia to tarama vakaraputa ne seko ia God.

Revaleson 6:9

Gonae Tunana Sipi ne i kaqolo vakuziki napua vivolona pepa ne. Ṉalu qa reṉa ne zaqe qa mia polana sara ne, mana qa mia madau qira vano iri vae vale bana qira go, tanego ria dena to iri vaogote mana tarama ne seko ia God.

Revaleson 20:4

Qa mia napua kakiaro de kolokoloku ro ia batu ne. Ria iri kolokue go ne, ria to iri pala go karaputa go tarina varitanae ne qira go basoero ne. Qa mia napua madau qira vano iri kodaka bana go kuzuku qira, tanego iri sine vasadake go ogotona seko ia God i tarama nego Jesu. Basoero dena iriki vazaka kaega pata qaraqara piru ne ba beku na go. Iriki taru ze kaega lala ia pata piru ne rae qira ba karisi qira. Ṉalu nae iri too napu me tepa le mana iri lama batu lavata tavise Kristo torana kameka mao masirani.

Revaleson 1:9

Era Jon qa kaki kameka toga qamu ramu, qata vaogote go Jesu Kristo, qata pala taru vanadua go ia patavolomo iri va vokara qitae de ikoego too vari miasoka ia God. Iago era iri taruve kameka ṉugu suka vitoṉona Patmos, go tuna tarama vasadake seko ia God mana seko ogoto na Jesu Kristo.

Karua Tesalonika 3:9

Qi zazu ne ia dena, go i kaega ne qemu ka mazala go timuna pene qamue ramu pata tina tavisi ne qemu iki go kaega, do qimu zazu ne go mara vapadapada raramu muna lulua qimu go.

Kameka Korinti 11:1

Iago muna lulua vatovato era, gerena era qa lulua go vatovato ia Kristo.

Luka 12:42

Batu ne igo, “Akena to i valeke zazu vavaogoto mana i tarove go? Iato valeke iva kenaqe go batu ia tina miasoka go pade ia, mana tina kena ne qira go vano zazu ia pata gege ṉalu igado ule mego komala ia.

Luka 8:11

Jesu i sine napu ne qira, “Iato dena talupasa na seko vapadapada ne, paturu ne iato i seko ia God.

Karua Tesalonika 3:7

Ramu tanuqamu, qamu rove vavelake de qi gogo remu. Kotavisi qimu vae qamu ne, qimuki muaka ne kaega zazu.

Kameka Korinti 10:13

Osina pata pada ro iri lama pada ne qamu, iri gerena so padaro idoka qira go basoero ne. Do ramu God i soti vanadua pui ia, mana iki vamalumua kaega kaki pata pada tina lama pada ne qamu ramu, tina sivale go karaputa raramu. Ṉalu ramu tamuna soba go pata pada, God tina teke ne qamu karaputa go tamuna vanadu taru, mana tina teke ne qamu zuka tamuna sipore go.

Zazu Ria Apostoloro 13:46

Do Pol mana Banabasi iru seko vakaraputa iru, go dena, “I torato raru taruna tamana kenaqa qamue ramu seko ia God. Do ramu qamu vasadake to qamu kasia pataro dena, iago iki tora bana qamu to kaega pala na too gado kutona ikaega. Ia go raru maru kasine qamu mana zae de iri koego vano iriki Jiu go kaega.

Luka 5:1

Kaki kameka musaqara Jesu i degere rikisina masi pipika na Genesaret, topu ria basoero iri lama teṉokolo ia, iri vari vaiki iki go mara ria gata seko ia God.

Kameka Pita 4:11

Basoe i tamana go mara tamana ne Tarama Velaka ia God. Basoe i tavisi ne qira basoero ne mara zazu ne ze karaputa ia God i teke nego, mana osina pataro ni zazu ne go mara vazaka ze God loborona Jesu Kristo, de ikoego ia tarina vazaka ze karaputa ia mana go tina doka go ka ṉalu gado kutona i kaega. Amen!